Russell Alan Hulse

Russell Alan Hulse
Fødd	28. november 1950 (74 år) New York i USA
Nasjonalitet	Amerikansk
Område	fysikk
Yrke	astronom, fysikar, astrofysikar, forskar
Institusjonar	Princeton University University of Texas at Dallas
Alma mater	UMass Amherst
Doktorgradsrettleiar	Joseph Hooton Taylor
Medlem	American Association for the Advancement of Science

Russell Alan Hulse (fødd 28. november 1950) er ein amerikansk fysikar.

Hulse mottok Nobelprisen i fysikk i 1993, saman med sin landsmann Joseph Taylor jr., for oppdaginga av ein ny type pulsar, ei oppdaging som opna nye høve for studiet av gravitasjon.

Hulse, og hans tidlegare lærar Taylor, oppdaga den første binære pulsaren i 1974. Pulsarar er raske roterande nøytronstjerner som sender ut korte regelmessige puls av radiostråling. Uregelmessigheita i pulsane frå pulsaren PSR 1913+16 fekk dei til å dra konklusjonen om at denne pulsaren hadde ein følgjesvein i form av ei anna nøytronstjerne som svevde rundt i ein tett bane.

Oppdaginga av denne pulsaren gjorde det òg mogeleg å kunne oppdage gravitasjonsbølgjer for første gong. Det samla sterke gravitasjonsfelt til dei to stjernene påverkar frekvensen på radiopulsane som vert sende ut, og Taylor og Hulse kunne vise at stjernene roterte mykje raskare nær kvarandre. Det vart foreslått att dette kom av at stjernene taper energi når dei sender ut gravitasjonsbølgjer. Dette var det første eksperimentelle beviset på gravitasjonsbølgjer eksisterer, etter at det vart foreslått av Albert Einstein i relativitetsteorien hans.

Kjelder

• Denne artikkelen bygger på «Russell Alan Hulse» frå Wikipedia på bokmål, den 22. februar 2012.