26. desember

Nóv – Desember – Jan
Su	Má	Þr	Mi	Fi	Fö	La
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31
2025 Allir dagar

26. desember er 360. dagur ársins (361. á hlaupári) samkvæmt gregoríska tímatalinu. 5 dagar eru eftir af árinu. Annar í jólum.

Atburðir

• 1277 - Nikulás 3. varð páfi.
• 1606 - Leikrit William Shakespeare, Lér konungur, var frumflutt við bresku hirðina.
• 1662 - Leikritið Kvennaskólinn eftir Moliére var frumsýnt.
• 1687 - Meyjarhofið í Aþenu eyðilagðist að hluta í sprengingu þegar feneysk fallbyssukúla kveikti í púðurgeymslu sem Tyrkir höfðu sett þar upp.
• 1825 - Desembristauppreisnin braust út í Rússlandi. Frjálslyndir herforingjar gripu til vopna gegn valdatöku Nikulásar 1. Rússakeisara en biðu ósigur gegn her ríkisstjórnarinnar.
• 1836 - Suður-Ástralía varð sjálfstæð nýlenda Breta.
• 1877 - Í Dómkirkjunni í Reykjavík var ekki hægt að messa vegna kulda. Tveimur árum síðar voru settir ofnar í kirkjuna.
• 1898 - Marie og Pierre Curie gerðu opinbert að þau hefðu einangrað radín.
• 1911 - Leikfélag Reykjavíkur frumsýndi Fjalla-Eyvind eftir Jóhann Sigurjónsson og var leikritið sýnt við metaðsókn um veturinn.
• 1919 - Íþróttafélagið Hörður Hólmverji stofnað á Akranesi.
• 1941 - Leikfélag Reykjavíkur frumsýndi Gullna hliðið eftir Davíð Stefánsson. Aðalleikarar voru Arndís Björnsdóttir og Brynjólfur Jóhannesson.
• 1953 - Sjö systkini voru skírð samtímis í Fossvogskirkju, hið yngsta tveggja mánaða en hið elsta 6 ára.
• 1956 - Þýska kvikmyndin Du darfst nicht länger schweigen, gerð eftir skáldsögu Kristmanns Guðmundssonar, Morgunn lífsins, var frumsýnd í Gamla bíói.
• 1981 - Leikritið Hús skáldsins eftir Halldór Laxness var frumflutt og þá jafnframt lagið Maístjarnan eftir Jón Ásgeirsson. Lagið hefur verið vinsælt síðan.
• 1982 - Tímaritið Time útnefndi tölvuna „mann ársins“.
• 1984 - Íslenska kvikmyndin Gullsandur var frumsýnd.
• 1986 - Lokaþáttur bandarísku sápuóperunnar Search for Tomorrow, sem hafði gengið í 35 ár, var sýndur á NBC.

• 1990 - Slóvenía lýsti yfir sjálfstæði.
• 1991 - Sovétríkin voru opinberlega leyst upp.
• 1999 - Hvirfilbylurinn Lothar olli dauða 137 manna þegar hann gekk yfir Frakkland, Þýskaland og Sviss.
• 2003 - Fyrsta greinin var skrifuð í íslenska hluta Wikipediu.
• 2004 - Stór flóðbylgja skall á ströndum við Indlandshaf. Um 200.000 manns létu lífið í Taílandi, Indlandi, Srí Lanka, Maldíveyjum, Malasíu, Mjanmar, Bangladess og Indónesíu.
• 2006 - Jarðskjálftinn í Hengchun 2006, sunnan við Taívan, olli 2 dauðsföllum og miklum skemmdum á sæstrengjum.
• 2021 - Hitamet var slegið í Alaska þegar 19,4 gráðu hiti mældist á Kodiak-eyju.

Fædd

• 1636 - Justine Siegemund, þýsk ljósmóðir (d. 1705).
• 1791 - Charles Babbage, enskur stærðfræðingur (d. 1871).
• 1872 - Norman Angell, breskur blaðamaður og Nóbelsverðlaunahafi (d. 1967).
• 1889 - Gunnfríður Jónsdóttir, íslenskur myndhöggvari (d. 1968).
• 1891 - Jón Þorleifsson, íslenskur myndlistarmaður (d. 1961).
• 1893 - Maó Zedong, kínverskur leiðtogi (d. 1976).
• 1909 - Oldřich Nejedlý, tékkóslóvakískur knattspyrnumaður (d. 1990).
• 1934 - Richard Swinburne, breskur heimspekingur.
• 1939 - Phil Spector, bandarískur upptökustjóri.
• 1940 - Teruki Miyamoto, japanskur knattspyrnumaður (d. 2000).
• 1942 - Einar Oddur Kristjánsson, íslenskur stjórnmálamaður (d. 2007).
• 1943 - Jón Bjarnason, íslenskur stjórnmálamaður.
• 1946 - Yusuke Omi, japanskur knattspyrnumaður.
• 1949 - José Ramos-Horta, austurtímorskur stjórnmálamaður og Nóbelsverðlaunahafi.
• 1960 - Temuera Morrison, nýsjálenskur leikari.
• 1963 - Lars Ulrich, trommari (Metallica).
• 1965 - Mazinho Oliveira, brasilískur knattspyrnumaður.
• 1971 - Jared Leto, bandarískur leikari.

Dáin

• 268 - Dýónísíus páfi.
• 418 - Sosimus páfi.
• 1241 - Klængur Bjarnarson (f. 1216).
• 1302 - Valdimar Birgisson, fyrrverandi konungur Svíþjóðar (f. um 1240).
• 1417 - Elinóra af Aragóníu, drottning Kýpur, kona Péturs 1. (f. 1333).
• 1458 - Arthúr 3., hertogi af Bretagne (f. 1393).
• 1530 - Babúr, stofnandi Mógúlveldisins (f. 1483).
• 1624 - Simon Marius, þýskur stjörnufræðingur (f. 1573).
• 1867 - József Kossics, slóvenskur rithöfundur (f. 1788).
• 1914 - Halldór Jónsson, bæjarfulltrúi í Reykjavík (f. 1859).
• 1931 - Sigurbjörg Þorláksdóttir, íslensk kvenréttindakona (f. 1870).
• 1952 - Katrín Pálsdóttir, bæjarfulltrúi í Reykjavík (f. 1889).
• 1961 - Kristofer Uppdal, norskur rithöfundur (f. 1878).
• 1966 - Guillermo Stábile, argentínskur knattspyrnumaúr og -þjálfari (f. 1905).
• 1968 - Weegee, austurrískur ljósmyndari (f. 1899).
• 1972 - Harry S. Truman, Bandaríkjaforseti (f. 1884).
• 1985 - Dian Fossey, bandarískur dýrafræðingur (f. 1932).
• 1992 - Sigríður Hagalín, íslensk leikkona (f. 1926)
• 1997 - Jón Magnússon, knattspyrnumaður og formaður Knattspyrnufélagsins Fram og Fimleikafélags Hafnarfjarðar (f. 1911).
• 1999 - Curtis Mayfield, bandarískur söngvari (f. 1942).
• 2006 - Gerald Ford, Bandaríkjaforseti (f. 1913).
• 2007 - István Sándorfi, ungverskur myndlistarmaður (f. 1948).
• 2010 - Matthew Lipman, bandarískur heimspekingur (f. 1923).
• 2010 - Teena Marie, bandarísk söngkona (f. 1956).