22. júní

22. júní er 173. dagur ársins (174. á hlaupári) samkvæmt gregoríska tímatalinu. 192 dagar eru eftir af árinu.

Atburðir

• 168 f.Kr. - Rómverjar sigruðu Makedóníumenn í orrustunni við Pydna.
• 431 - Kirkjuþingið í Efesos dæmdi Nestoríos patríarka í Konstantínópel sekan um villutrú.
• 1372 - Englendingar biðu ósigur fyrir sameinuðum flota Frakka og Kastilíumanna í orrustunni við La Rochelle.
• 1483 - Ríkharður lýsti því yfir að hann yrði konungur Englands þar sem Játvarður 5. væri óskilgetinn.
• 1593 - Her Heilaga rómverska ríkisins vann sigur á her Ottómanaveldisins í orrustunni við Sisak í Króatíu. Þar með stöðvaðist sókn Tyrkja inn í Mið-Evrópu í bili en bardaginn markaði upphaf Langa stríðsins svonefnda.
• 1633 - Galileo Galilei neyddist til að taka aftur sólmiðjukenningu sína opinberlega fyrir Rannsóknarréttinum í Róm.
• 1636 - Herstjóraveldið í Japan bannaði allar ferðir Japana til og frá landinu. Bannið gilti til ársins 1853.
• 1671 - Tyrkjaveldi lýsti Póllandi stríð á hendur.
• 1679 - James Scott hertogi af Monmouth vann sigur á sáttmálamönnum í orrustunni við Bothwell Brig.
• 1815 - Napóleon Bónaparte sagði af sér öðru sinni. Fjögurra ára sonur hans, Napóleon 2., var keisari í tvær vikur, til 7. júlí.
• 1897 - Viktoría Bretadrottning fagnaði sextíu árum á valdastóli.
• 1919 - Þjóðabandalagið var stofnað í París með því að 44 ríki undirrituðu stofnsáttmála þess.
• 1919 - Bandamannaleikarnir settir París með þátttöku fjölda íþróttamanna.
• 1939 - Hitamet var sett á Teigarhorni í Berufirði: Mesti mældur hiti á Íslandi frá upphafi mælinga, 30,5°C.
• 1941 - Þýskaland hóf innrás í Sovétríkin.
• 1955 - Bandaríska teiknimyndin Hefðarfrúin og umrenningurinn var frumsýnd.
• 1967 - Fyrsta farþegaþotan kom til Íslands.
• 1970 - Led Zeppelin lék á tónleikum í Laugardalshöll á Íslandi.
• 1977 - Hópferðabíll valt í Biskupstungum og lá við stórslysi. Í bílnum voru 46 farþegar af skemmtiferðaskipi og meiddust margir þeirra en enginn alvarlega.
• 1979 - Bandaríska tölvuleikjafyrirtækið Infocom var stofnað í Bandaríkjunum.
• 1981 - Abolhassan Banisadr Íransforseti var settur af.
• 1983 - Danski stjórnmálamaðurinn Mogens Glistrup var dæmdur í þriggja ára fangelsi fyrir skattaundanskot.
• 1984 - Fyrsta flug flugfélagsins Virgin Atlantic Airways fór fram.
• 1986 - Í leik gegn Englandi á Heimsmeistaramóti landsliða í knattspyrnu karla skoraði Diego Maradona mark með hendi („hönd guðs“) og síðan annað með því að rekja boltann framhjá öllum leikmönnum enska liðsins („mark aldarinnar“).
• 1988 - Bandaríska kvikmyndin Hver skellti skuldinni á Kalla kanínu var frumsýnd.
• 1989 - Háskólarnir Dublin City University og University of Limerick tóku til starfa á Írlandi.
• 1989 - Nursultan Nazarbayev varð forseti Kasakstan.
• 1990 - Landamærastöðin Checkpoint Charlie í Berlín var tekin niður.
• 1990 - Norski olíusjóðurinn var stofnaður.
• 1991 - Á Snæfellsjökli féllu hjón niður í alldjúpa sprungu en var bjargað.
• 1992 - Bein Nikulásar 2. Rússakeisara og Alexöndru Fjodorovnu voru grafin upp í Jekaterínburg.
• 1993 - Nýi flokkurinn Sakigake klauf sig frá Frjálslyndum demókrötum í Japan.
• 1995 - Tamílamálið: Fyrrum dómsmálaráðherra Danmerkur, Erik Ninn-Hansen, var dæmdur sekur.
• 1997 - Sænski tónlistarmaðurinn Ted Gärdestad framdi sjálfsmorð með því að stökkva fyrir lest.

• 2004 - Belgíski barnaníðingurinn Marc Dutroux var dæmdur í lífstíðarfangelsi.
• 2007 - Spangarheiðarskurðurinn var opnaður fyrir bátaumferð að nýju.
• 2010 - Léttlestakerfi Björgvinjar var tekið í notkun í Noregi.
• 2010 - Mari Kiviniemi tók við embætti forsætisráðherra Finnlands eftir afsögn Matti Vanhanen.
• 2012 - Þing Paragvæ samþykkti vantraust á forsetann, Fernando Lugo.
• 2016 - Karlalandslið Íslands í knattspyrnu komst í 16 liða úrslit í Evrópukeppninni í knattspyrnu með 2:1 sigri á Austurríki.
• 2022 – Að minnsta kosti þúsund manns létu lífið í jarðskjálfta í Afganistan.

Fædd

• 1000 - Róbert 1. af Normandí, franskur hertogi (d. 1035).
• 1757 - George Vancouver, breskur landkönnuður (d. 1798).
• 1821 - Theodor Möbius, þýskur norrænufræðingur (d. 1890).
• 1897 - Norbert Elias, þýskur félagsfræðingur (d. 1990).
• 1898 - Erich Maria Remarque, þýskur rithöfundur (d. 1970).
• 1905 - Lárus Ingólfsson, íslenskur leikari (d. 1981).
• 1906 - Billy Wilder, austurrísk-amerískur leikstjóri (d. 2002).
• 1908 - Pablo Dorado, úrúgvæskur knattspyrnumaður (d. 1978).
• 1928
  • Steingrímur Hermannsson, íslenskur stjórnmálamaður (d. 2010).
  • Ralph Waite, bandarískur leikari (d. 2014).
• 1936 - Kris Kristofferson, bandarískur kántrýsöngvari.
• 1947 - Bruno Latour, franskur félagsfræðingur.
• 1949
  • Carlo Petrini, ítalskur blaðamaður.
  • Meryl Streep, bandarísk leikkona.
  • Elizabeth Warren, bandarísk stjórnmálakona.
• 1953 - Cyndi Lauper, bandarísk söngkona.
• 1958 - Bruce Campbell, bandarískur leikari.
• 1962 - Clyde Drexler, bandarískur körfuknattleiksmaður.
• 1963 - Guðrún Gunnarsdóttir, íslensk söngkona.
• 1965 - Ľubomír Moravčík, slóvakískur knattspyrnumaður.
• 1973 - Curt Cornelius, bandarískur leikari.
• 1974 - Donald Faison, bandarískur leikari.
• 1987 - Naoyuki Fujita, japanskur knattspyrnumaður.

Dáin

• 1276 - Innósentíus 5. páfi (f. um 1225).
• 1637 - Torfi Finnsson, íslenskur skólameistari.
• 1931 - Armand Fallières, forsætisráðherra Frakklands (f. 1841).
• 1936 - Moritz Schlick, þýskur heimspekingur (f. 1882).
• 1945 - Dzhambúl, kasakst skáld (f. 1846).
• 1969 - Judy Garland, bandarísk söng- og leikkona (f. 1922).
• 1974 - Darius Milhaud, franskt tónskáld (f. 1892).
• 1978 - Jens Otto Krag, danskur stjórnmálamaður (f. 1914).
• 1987 - Fred Astaire, bandarískur dansari og leikari (f. 1899).
• 1993 - Pat Nixon, forsetafru Bandarikjanna (f. 1912).
• 2002 - Yoshio Okada, japanskur knattspyrnumaður (f. 1926).
• 2008 - George Carlin, bandarískur leikari (f. 1937).