1573
| Ár |
| Áratugir |
| Aldir |
Árið 1573 (MDLXXIII í rómverskum tölum)
Á Íslandi
[breyta | breyta frumkóða]- 9. mars - Sautján fiskibátar með 53 mönnum fórust undan Hálsahöfn í Suðursveit í Austur-Skaftafellssýslu.
- Jón Jónsson var kjörinn lögmaður eftir að Ormur Sturluson var settur af.
- Sigurður Jónsson halti varð skólameistari á Hólum.
- Fyrsta Landakirkjan var reist í Vestmannaeyjum.
Fædd
- Páll Guðbrandsson sýslumaður (d. 1621).
- (líklega) - Ólafur Einarsson, skáld og prestur í Kirkjubæ í |Hróarstungu (d. 1651).
Dáin
Opinberar aftökur
- Guðbjörg Sveinsdótir og Jón Þorfinnsson dæmd til dauða og tekin af lífi, á Alþingi, fyrir hórdóm.[1][2]
Erlendis
[breyta | breyta frumkóða]- 28. janúar - Bændauppreisn braust út í Króatíu og Slóveníu. Hún var kæfð niður af hörku og leiðtoginn, Matija Gubec, hálshöggvinn í Zagreb.
- 12. júlí - Spænskar hersveitir undir stjórn hertogans af Alva náðu Haarlem í Hollandi á sitt vald eftir sjö mánaða umsátur.
- Hinrik af Anjou, prins af Frakklandi, síðar Hinrik 3. Frakkakonungur, var kjörinn konungur Póllands og stórhertogi af Litháen.
- Tycho Brahe gaf út De Stella Nova, þar sem hann lýsti sprengistjörnunni SN 1572.
Fædd
- 12. apríl - Kristín af Holstein-Gottorp, Svíadrottning, kona Karls 9. (d. 1625).
- 17. apríl - Maximilían 1., kjörfursti af Bæjaralandi (d. 1651).
- 15. júlí - Inigo Jones, enskur arkitekt (d. 1652).
- 16. ágúst - Anna af Austurríki, Póllands- og Svíadrottning, kona Sigmundar 3. (d. 1598).
- Robert Catesby, leiðtogi samsærismannanna í Púðursamsærinu í Englandi (d. 1605).
Dáin
- 30. desember - Giovanni Battista Giraldi, ítalskur rithöfundur og ljóðskáld (f. 1504).
Tilvísanir
[breyta | breyta frumkóða]- ↑ Járngerður Runólfsdóttir var dæmd á sama þingi, einnig fyrir hórdóm, en „þar sem að sá orðrómur gekk í sveitinni að Járngerði hefði verið nauðgað var þó ákveðið að höfuðsmaðurinn skyldi ákveða hvort hún skyldi náðast“, og virðist henni ef til vill hafa verið þyrmt.
- ↑ Upplýsingar um aftökur sóttar á vef rannsóknarverkefnisins Dysjar hinna dauðu, þá ekki síst skrá á slóðinni https://dhd.hi.is/gogn/Info.pdf, sótt 15.2.20202.