21. september

21. september er 264. dagur ársins (265. á hlaupári) samkvæmt gregoríska tímatalinu. 101 dagur er eftir af árinu.

Atburðir

• 1305 - Loðvík af Navarra gekk að eiga Margréti af Búrgund.
• 1322 - Karl 4. giftist Maríu af Lúxemborg.
• 1435 - Arras-sáttmálinn var gerður á milli Karls 7. Frakkakonungs og Filippusar góða Búrgundarhertoga var undirritaður. Þar með lauk bandalagi Búrgundarmanna og Englendinga gegn Frakkakonungi.
• 1599 - Leikritið Júlíus Sesar eftir William Shakespeare var frumsýnt í Globe-leikhúsinu í London, sem var reist þetta sama ár.
• 1608 - Háskólinn í Oviedo var stofnaður.
• 1610 - Pólskur her lagði Moskvu undir sig og hélt borginni næstu tvö árin.
• 1615 - Nokkur spænsk hvalveiðiskip brotnuðu í óveðri við Strandir. Hópur skipbrotsmanna var drepinn í Spánverjavígunum síðar um haustið.
• 1676 - Benedetto Odescalchi varð Innósentíus 11. páfi.
• 1919 - Reykjanesviti skemmdist allnokkuð í jarðskjálfta.
• 1931 - Verslunarkeðjan Standa var stofnuð í Mílanó.
• 1936 - Franska herskipið L'Audacieux kom til Reykjavíkur og köfuðu menn á þess vegum niður að flaki Pourquoi-pas?, sem lá á níu metra dýpi við skerið Hnokka innst í Faxaflóa.
• 1937 - Skáldsagan Hobbitinn eftir J. R. R. Tolkien var fyrst gefin út í Bretlandi.
• 1938 - Edvard Beneš, forseti Tékklands, fékk þau skilaboð frá Bretum og Frökkum að þeir myndu ekki reyna með vopnavaldi að hindra Hitler í að innlima Súdetaland.
• 1957 - Ólafur varð Noregskonungur við andlát föður síns Hákons 7.
• 1963 - Eiríkur Kristófersson, fyrrverandi skipherra á skipum Landhelgisgæslunnar, var sæmdur æðstu orðu Breta, sem erlendir menn geta fengið, fyrir framgöngu sína við björgun breskra sjómanna.
• 1964 - Malta fékk sjálfstæði frá Bretlandi.
• 1971 - Pakistan lýsti yfir neyðarástandi.
• 1972 - Ferdinand Marcos lýsti yfir gildistöku herlaga á Filippseyjum.
• 1976 - Fyrsta „alþjóðlega pönkhátíðin“ var haldin á 100 Club í London.
• 1982 - Alþjóðlegur dagur friðar var haldinn í fyrsta sinn.
• 1981 - Belís fékk sjálfstæði frá Bretlandi.
• 1985 - Í Þjóðleikhúsinu var flutt óperan Grímudansleikur eftir Verdi. Kristján Jóhannsson söng aðalhlutverkið.
• 1989 - Universidade do Estado de Minas Gerais var stofnaður í Brasilíu.
• 1989 - Tónleikahúsið Olavshallen var vígt í Þrándheimi.
• 1991 - Armenía lýsti yfir sjálfstæði frá Sovétríkjunum.
• 1997 - Íslamski hjálpræðisherinn lýsti einhliða yfir vopnahléi í Alsír.
• 1998 - Listaháskóli Íslands var stofnaður.
• 1998 - Bandarísku sjónvarpsþættirnir The King of Queens hófu göngu sína á NBC.
• 1999 - 2.400 fórust þegar jarðskjálfti reið yfir Taívan.

• 2001 - Góðgerðatónleikarnir America: A Tribute to Heroes voru sendir út af 35 sjónvarpsstöðvum.
• 2004 - Bygging hæsta turns heims, Burj Khalifa, hófst.
• 2007 - Bandaríska kvikmyndin Into the Wild var frumsýnd.
• 2011 - Troy Davis var tekinn af lífi í Bandaríkjunum fyrir morð á lögreglumanni þrátt fyrir alþjóðleg mótmæli.
• 2012 - Íslenska kvikmyndin Djúpið var frumsýnd.
• 2013 - Hryðjuverkamenn á vegum al-Shabaab frá Sómalíu gerðu árás á Westgate-verslunarmiðstöðina í Naíróbí í Kenýa og myrtu fólk í tugatali.
• 2016 - Bátsmannsbúð við Konungslega listaháskólann í Stokkhólmi skemmdist í bruna sem stóð í sólarhring.
• 2020 - Microsoft keypti tölvuleikjafyrirtækið ZeniMax Media fyrir 7,5 milljarða dala.

Fædd

• 1164 - Sancha af Kastilíu, drottning Aragóníu, kona Alfons 2. (d. 1208).
• 1371 - Friðrik 1., kjörfursti af Brandenborg (d. 1440).
• 1411 - Ríkharður hertogi af York (d. 1460).
• 1415 - Friðrik 3., keisari hins Heilaga rómverska ríkis (d. 1493).
• 1806 - Kristján Kristjánsson, íslenskur stjórnmálamaður (d. 1882).
• 1842 - Abdúl Hamid 2., Tyrkjasoldán (d. 1918).
• 1847 - Hugo Gering, þýskur miðaldafræðingur (d. 1925).
• 1866 - H. G. Wells, breskur rithöfundur (d. 1946).
• 1874 - Gustav Holst, breskt tónskáld (d. 1934).
• 1902 - Luis Cernuda, spænskt ljóðskáld (d. 1963).
• 1902 - E. E. Evans-Pritchard, breskur mannfræðingur (d. 1973).
• 1904 - Þorsteinn Ö. Stephensen, íslenskur leikari (d. 1991).
• 1909 - Kwame Nkrumah, ganískur stjórnmálamaður (d. 1972).
• 1912 - Rihei Sano, japanskur knattspyrnumaður (d. 1992).
• 1914 - Akira Matsunaga, japanskur knattspyrnumaður (d. 1943).
• 1929 - Bernard Williams, breskur heimspekingur (d. 2003).
• 1931 - Larry Hagman, bandariskur leikari (d. 2012).
• 1934 - Leonard Cohen, kanadískur söngvari, lagasmiður og rithöfundur (d. 2016).
• 1938 - Atli Heimir Sveinsson, íslenskt tónskáld (d. 2019).
• 1939 - Helga Kress, íslenskur bókmenntafræðingur.
• 1945 - Bjarni Tryggvason, kanadískur geimfari.
• 1945 - Jerry Bruckheimer, bandarískur kvikmynda- og sjónvarpsþáttaframleiðandi.
• 1946 - Moritz Leuenberger, svissneskur stjórnmálamaður.
• 1947 - Stephen King, bandarískur rithöfundur.
• 1947 - Rói Patursson, færeyskur rithöfundur.
• 1950 - Bill Murray, bandarískur leikari.
• 1953 - Rúnar Þór, íslenskur tónlistarmaður.
• 1954 - Shinzō Abe, forsætisráðherra Japans (d. 2022).
• 1956 - Jón Gunnarsson, íslenskur stjórnmálamaður.
• 1957 - Kevin Rudd, ástralskur stjórnmálamadur.
• 1962 - Rob Morrow, bandarískur leikari.
• 1965 - David Wenham, ástralskur leikari.
• 1968 - Anto Drobnjak, svartfellskur knattspyrnumaður.
• 1970 - Rob Benedict, bandarískur leikari.
• 1972 - Liam Gallagher, breskur söngvari (Oasis).
• 1982 - Jón Arnór Stefánsson, íslenskur körfuknattleiksmaður.
• 1983 - Maggie Grace, bandarísk leikkona.

Dáin

• 687 - Conon páfi.
• 1327 - Játvarður 2. Englandskonungur (f. 1284).
• 1452 - Girolamo Savonarola, ítalskur munkur og umbótamaður í Flórens, brenndur á báli, (d. 1498).
• 1506 - Filippus 1., konungur Spánar.
• 1517 - Dyveke, ástkona Kristjáns 2. Danakonungs.
• 1558 - Karl 5. keisari hins Heilaga rómverska ríkis (f. 1500).
• 1576 - Girolamo Cardano, ítalskur eðlis- og stærðfræðingur (f. 1501).
• 1607 - Alessandro Allori, ítalskur listamaður (f. 1535).
• 1832 - Walter Scott, skoskur rithöfundur (f. 1771).
• 1860 - Arthur Schopenhauer, þýskur heimspekingur (f. 1788).
• 1957 - Hákon 7. Noregskonungur (f. 1872).
• 1974 - Sigurður Nordal, rithöfundur og fræðimaður (f. 1886).
• 1979 - Mikines, færeyskur listamaður (f. 1906).
• 2012 - Sven Hassel, danskur rithöfundur (f. 1917).