1973

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1951–1960; 1961–1970; 1971–1980; 1981–1990; 1991–2000;
Ár:	1970; 1971; 1972; 1973; 1974; 1975; 1976;

Árið 1973 (MCMLXXIII í rómverskum tölum) var 73. ár 20. aldar og hófst á mánudegi samkvæmt gregoríska tímatalinu.

Atburðir

Janúar

janúar - Hljómsveitin Kiss var stofnuð í New York-borg.
1. janúar - Danmörk, Írska lýðveldið og Bretland urðu aðilar að Evrópubandalaginu.
22. janúar - Flugvél frá Royal Jordanian fórst við Kano í Nígeríu. 176 manns létust í slysinu.
23. janúar - Eldgos braust út á Heimaey.
27. janúar - Beinni þátttöku Bandaríkjahers í Víetnamstríðinu lauk með friðarsamningum í París.
31. janúar - Bláfjallafólkvangur var stofnaður.

Febrúar

Watergate-nefndin var sett á stofn af Bandaríkjaþingi.
6. febrúar - Bygging CN-turnsins hófst í Torontó í Kanada.
11. febrúar - Fyrstu bandarísku stríðsfangarnir í Víetnam voru látnir lausir.
11. febrúar - Ellefu fórust þegar Sjöstjarnan KE 8 sökk undan Dyrhólaey.
11. febrúar - Kvikmyndin Brekkukotsannáll var frumsýnd í Ríkissjónvarpinu.
21. febrúar - Ísraelsk herflugvél skaut niður líbíska farþegavél yfir Sínaískaga. 101 maður lést.
27. febrúar - American Indian Movement hertók Wounded Knee á Pine Ridge-verndarsvæðinu í Suður-Dakóta.
28. febrúar - Stangveiðifélagið Ármenn var stofnað.

Mars

1. mars - Palestínsku hryðjuverkasamtökin Svarti september gerðu árás á sendiráð Sádí-Arabíu og tóku þrjá vestræna diplómata af lífi.
8. mars - IRA stóð fyrir sprengjutilræðum í Whitehall og Old Bailey í London.
8. mars - Íbúar Norður-Írlands kusu að vera áfram hluti af Bretlandi. Írskir þjóðernissinnar hvöttu fólk til að sniðganga kosningarnar.
21. mars - Í Danmörku slitnaði upp úr kjarasamningum og 750.000 verkamenn hófu verkfall.
24. mars - Kjarvalsstaðir í Reykjavík voru vígðir.
24. mars - Hljómplata Pink Floyd, Dark Side of the Moon, kom út í Bretlandi.
29. mars - Síðasti bandaríski hermaðurinn fór frá Víetnam.

Apríl

2. apríl - Stafrófsmorðin: Wanda Walkowicz hvarf í Rochester (New York).
2. apríl - LexisNexis opnaði fyrir tölvukeyrða leit í dómasafni.
3. apríl - Motorola sýndi í fyrsta sinn farsíma sem gat hringt í gegnum farsímakerfi.
4. apríl - World Trade Center var formlega opnað í New York-borg.
6. apríl - Pioneer 11-geimfarið var sent af stað.
7. apríl - Lúxemborg sigraði í Söngvakeppni evrópskra sjónvarpsstöðva með laginu Tu te reconnaîtras sem Anne-Marie David söng.
17. apríl - GSG 9 var stofnuð í Þýskalandi til að takast á við hryðjuverk.

Maí

1. maí - Um 1,6 milljón verkamanna í Bretlandi fóru í daglangt verkfall til að mótmæla verðbólguaðgerðum ríkisstjórnarinnar.
1. maí - Íslenski dansflokkurinn var stofnaður.
3. maí - Byggingu Sears Tower lauk í Chicago.
8. maí - Átökum milli alríkislögreglunnar og American Indian Movement við Wounded Knee lauk með uppgjöf mótmælenda.
10. maí - Skæruliðasamtökin Polisario voru stofnuð í Vestur-Sahara.
14. maí - Fyrsta geimstöð Bandaríkjanna, Skylab, var sett í loftið.
17. maí - Íþróttafélagið Leiknir var stofnað í Efra Breiðholti í Reykjavík.
18. maí - Breski sjávarútvegsráðherrann Joseph Godber lýsti því yfir að herskip myndu gæta breskra fiskiskipa við veiðar innan 50 mílna landhelgi Íslands.
20. maí - Ísland bannaði lendingar breskra herþota á Keflavíkurflugvelli.
24. maí - Rúður voru brotnar í breska sendiráðinu í Reykjavík þegar hópur fólks mótmælti landhelgisdeilunni.
31. maí - Richard M. Nixon og Georges Pompidou funduðu á Kjarvalsstöðum í Reykjavík. Nixon-Pompidou mótmælin voru haldin af því tilefni.

Júní

Herskylda var afnumin í Bandaríkjunum.
1. júní - Gríska herforingjastjórnin lýsti yfir stofnun lýðveldis.
4. júní - Donald Wetzel, Tom Barnes og George Chastain fengu einkaleyfi fyrir nettengdum hraðbanka.
13. júní - Frjálsar fóstureyðingar eru heimilaðar í Danmörku.
20. júní - Ezeiza-blóðbaðið: Hægrisinnaðir perónistar skutu á vinstrisinnaða perónista sem fögnuðu heimkomu Juan Perón úr útlegð á Spáni.
24. júní - Leoníd Bresnjev varð fyrstur Sovétleiðtoga til að ávarpa bandarísku þjóðina í sjónvarpi.

Júlí

1. júlí - Þjóðbókasafn Bretlands varð að sjálfstæðri stofnun en var áður deild í British Museum.
1. júlí - Bandaríska lyfjaeftirlitið var stofnað.
3. júlí - Ráðstefna um öryggi og samvinnu í Evrópu, sem síðar varð Öryggis- og samvinnustofnun Evrópu, hófst í Helsinki í Finnlandi.
10. júlí - Bahamaeyjar fengu fullt sjálfstæði innan Samveldis sjálfstæðra ríkja.
11. júlí - Farþegaþota frá Varig fórst við Orly í Frakklandi. 123 létust.
20. júlí - Íslensku flugfélögin Loftleiðir og Flugfélag Íslands sameinuðust undir heitinu Flugleiðir.
20. júlí - Frakkar tóku aftur upp kjarnorkusprengingar í tilraunaskyni á Mururóa þrátt fyrir mótmæli Ástralíu og Nýja Sjálands.
21. júlí - Lillehammeratvikið: Útsendarar ísraelsku leyniþjónustunnar Mossad myrtu marokkóskan þjón í Lillehammer í Noregi. Þeir töldu hann vera Ali Hassan Salameh úr hryðjuverkasamtökunum Svarta september.
31. júlí - Flugvél frá Delta Airlines fórst í lendingu í Boston með þeim afleiðingum að 89 létust.

Ágúst

1. ágúst - Samband Karíbahafsríkja (CARICOM) var stofnað.
5. ágúst - Þrír létust og yfir 50 særðust þegar skæruliðasamtökin Svarti september hófu skothríð á flugvellinum í Aþenu.
8. ágúst - Andlát Dean Corll leiddi til þess að fjöldamorðin í Houston uppgötvuðust.
15. ágúst - Bandaríkjaher hætti sprengjuárásum á Kambódíu. Þar með lauk tólf ára stríðsrekstri Bandaríkjanna í Suðaustur-Asíu.
23. ágúst - Bankaránið á Norrmalmstorgi átti sér stað í Stokkhólmi.

September

5. september - Notkun bókstafsins z var hætt í íslensku.
8. september - Siglingakeppnin Whitbread Round the World Race var sett í fyrsta skipti í Portsmouth í Bretlandi.
11. september - Herinn í Chile undir stjórn Augusto Pinochet rændi völdum með stuðningi Bandaríkjamanna. Forsetinn, Salvador Allende, framdi sjálfsmorð.
15. september - Karl 16. Gústaf varð konungur Svíþjóðar, við andlát afa síns, Gústafs 6. Adolfs.
18. september - Vestur-Þýskaland, Austur-Þýskaland og Bahamaeyjar urðu aðilar að Sameinuðu þjóðunum.
22. september - Menntaskólinn í Kópavogi var settur í fyrsta skipti.
24. september - Gínea-Bissá lýsti einhliða yfir sjálfstæði frá Portúgal.
27. september - Sovétmenn sendu Sojús 12 á loft, fyrsta mannaða geimfarið frá Sojús 11-slysinu 1971.

Október

6. október - Jom kippúr-stríðið hófst milli Ísraels, Sýrlands og Egyptalands.
10. október - Spiro T. Agnew sagði af sér embætti varaforseta Bandaríkjanna.
12. október - Jóhann Hafstein dró sig í hlé sem formaður Sjálfstæðisflokksins og varaformaðurinn, Geir Hallgrímsson, tók þá við.
16. október - Samtök olíuframleiðenda, OPEC, settu viðskiptabann á Ísrael og bandamenn þeirra. Þar með hófst olíukreppan 1973.
20. október - Óperuhúsið í Sydney var opnað.
25. október - Siglingasamband Íslands var stofnað af siglingafélögum í Reykjavík, Akureyri og Kópavogi.
26. október - Stríðinu milli Ísraels, Sýrlands og Egyptalands lauk með vopnahléi.

Nóvember

3. nóvember - Marineráætlunin: NASA sendi ómannaða könnunarfarið Mariner 10 til Merkúrs.
7. nóvember - Ályktunin um beitingu hervalds varð að lögum í Bandaríkjunum og takmarkaði heimildir forsetans til að hefja stríð án samþykkis þingsins.
16. nóvember - NASA sendi mannaða geimfarið Skylab 4 af stað.
16. nóvember - Richard Nixon heimilaði lagningu Alaskaolíuleiðslunnar.
17. nóvember - Uppreisn gegn herforingjastjórninni í Grikklandi hófst í Tækniskólanum í Aþenu.
22. nóvember - Vegna olíukreppunnar ákvað stjórnin í Noregi að loka öllum bensínstöðvum um helgar.
26. nóvember- Stafrófsmorðin: Michelle Maenza hvarf í Rochester (New York).
nóvember - Hljómsveitin AC/DC var stofnuð.