Rúa Real (A Coruña)
Coordenadas: 43°22′10″N 8°24′02″O / 43.369444444444, -8.4005555555556
Rúa Real | |
---|---|
Rúa Real | |
Tipoloxía | rúa |
Dimensións | |
Lonxitude | 0,3 km |
Formato | peonil |
Localización | |
Inicio | Rúa Rego de Auga |
Fin | Cantón Grande |
A rúa Real é unha rúa da Coruña situada no barrio da Pescaría[1] da cidade.
É unha rúa peonil situada entre a rúa Rego de Auga e o Cantón Grande.
Historia
[editar | editar a fonte]A rúa Real é unha das máis antigas da cidade da Coruña e supuña o camiño principal de acceso á Cidade Vella. En escavacións dos anos 1949 e 2004 atopáronse tumbas dos séculos III ao IV.[2]
Inicialmente comezaba na praza de San Xurxo, situada diante da antiga igrexa e cemiterio de San Xurxo, que estaban situados onde se construíu o Teatro Rosalía de Castro. Dende 1791 ten o trazado actual.[3] Ata polo menos 1793 existiu unha capela contigua ao edificio da Aduana.[4]
No número 94 fundouse en 1893 o Casino Republicano[5] e en 1916 tivo lugar no número 38 a primeira xuntanza das Irmandades da Fala.[6]
A rúa foi chamada Acevedo en varias ocasións durante o século XIX e entre 1931 e 1936 rúa do Capitán Galán.[3]
Veciños e comercios
[editar | editar a fonte]![](http://upload.wikimedia.org/wikipedia/commons/thumb/6/6c/Casa_de_Juana_de_Vega_na_r%C3%BAa_Real_da_Coru%C3%B1a.jpg/220px-Casa_de_Juana_de_Vega_na_r%C3%BAa_Real_da_Coru%C3%B1a.jpg)
![](http://upload.wikimedia.org/wikipedia/commons/thumb/d/d7/Picasso_praca_primeira_exposici%C3%B3n_na_coru%C3%B1a.jpg/220px-Picasso_praca_primeira_exposici%C3%B3n_na_coru%C3%B1a.jpg)
No número 56 viviron tanto Juana de Vega como Adelaida Muro e no número 75 viviron e morreron Eusebio da Guarda e Modesta Goicouría. No número 11 naceu Eduardo Dato.[7]
Na rúa estiveron os establecementos do músico Canuto Berea e do fotógrafo Pedro Ferrer[8] e no número 55 tivo a súa sede a Banca Obanza.
Ao principio da rúa Real estivo o Salón París, que foi cine entre 1908 e 1999,[9][10] e no número 94 o cine Savoy (logo Ya-Voy), edificio desaparecido de estilo art déco de Antonio Tenreiro e Peregrín Estellés.[11] No número 20 tivo lugar a primeira exposición de Picasso en 1895.[12]
Arquitectura
[editar | editar a fonte]Na rúa Real consérvanse algúns edificios destacados:[13]
- Nº 11, do século XIX.
- Nº 17, Casa Tizón, de Antonio Tenreiro e Peregrín Estellés (1920).
- Nº 27, Casa de José Frausk, de Fernando Domínguez Romay (1797).
- Nº 55, Casa Obanza, de Faustino Domínguez Coumes-Gay (1884).[14]
- Nº 14 (1860).
- Nº 18, de Faustino Domínguez Domínguez (1869).
- Nº 22, de Julio Galán Carvajal e Antonio de Mesa (1910), con fachada modernista.
- Nº 24, Casa de Vicente Tenreiro, de Gabriel Vitini (1873).
- Nº 86, Café Moderno, de Antonio de Mesa (1919), modernista.
Tamén ten fachada á rúa Real o edificio da antiga Aduana (1779, reformado en 1846 por Faustino Domínguez Domínguez), actual sede da Subdelegación do Goberno.
No número 74 estaba o mural de Urbano Lugrís[15] "Vista de A Coruña 1669" trasladado en 2016 á oficina de Abanca da rúa dos Olmos.[16]
Galería de imaxes
[editar | editar a fonte]-
Número 22
-
Número 24
-
Número 86
-
Inscrición en lembranza da revista Alfar
Notas
[editar | editar a fonte]- ↑ Cultura Coruña
- ↑ Naveiro López, Juan. "Arqueología urbana en A Coruña y definición del asentamiento romano" (PDF) (en castelán). Arquivado dende o orixinal (PDF) o 03 de marzo de 2016. Consultado o 21 de febreiro de 2016.
- ↑ 3,0 3,1 Las losas que pisan todos los coruñeses
- ↑ Vigo Trasancos, Alfredo (2007). A Coruña y el siglo de las luces. Universidade de Santiago de Compostela, Universidade da Coruña.
- ↑ Reiriz Rey, Jesús María; Alfeirán Rodríguez, Xosé (2004). Tiempos republicanos. A Coruña: Ateneo Republicano de Galicia. ISBN 84-933103-2-8.
- ↑ García, Rodri (5 de febreiro de 2016). "O xermolo das Irmandades da Fala que plantou Villar Ponte cumpre un século". La Voz de Galicia. Consultado o 20 de febreiro de 2016.
- ↑ "La milla cultural coruñesa pierde peso en la calle Real". Arquivado dende o orixinal o 04 de marzo de 2016. Consultado o 21 de febreiro de 2016.
- ↑ Ventureira, Rubén (3 de marzo de 2007). "Pedro Ferrer, fotógrafo y editor del primer disco gallego, tendrá calle en la ciudad". La Voz de Galicia. Arquivado dende o orixinal o 04/03/2016. Consultado o 20 de febreiro de 2016.
- ↑ Martín Gutiérrez, Emilio. "El Salón “Villa de París” de La Coruña" (PDF) (en castelán). Arquivado dende o orixinal (PDF) o 02 de marzo de 2016. Consultado o 20 de febreiro de 2016.
- ↑ "El adiós del Chaplin eleva a ocho los cines cerrados en los últimos 15 años". Arquivado dende o orixinal o 04 de marzo de 2016. Consultado o 21 de febreiro de 2016.
- ↑ Soraluce Blond, José Ramón (2004). A Coruña: Arquitectura desaparecida. Los espacios del ocio (PDF) (en castelán). Arquivado dende o orixinal (PDF) o 02 de marzo de 2016. Consultado o 20 de febreiro de 2016.
- ↑ Picasso en A Coruña: o nacemento dun pintor (PDF). Concello da Coruña. Consultado o 20 de febreiro de 2016.
- ↑ "Modificación Pepri – Aprobación definitiva". Concello da Coruña. xaneiro de 2015. Consultado o 13 de febreiro de 2016.
- ↑ "La huella de un ecléctico". Arquivado dende o orixinal o 12 de xuño de 2015. Consultado o 21 de febreiro de 2016.
- ↑ "El futuro de un mural de Lugrís es una incógnita al cerrarse el Café Vecchio de la calle Real". El Ideal Gallego (en castelán). 31 de xullo de 2015. Consultado o 20 de febreiro de 2016.
- ↑ El mural de Urbano Lugrís ya está instalado en la Oficina Principal de Abanca
Véxase tamén
[editar | editar a fonte]![]() |
A Galipedia ten un portal sobre: A Coruña |
Bibliografía
[editar | editar a fonte]- García López, Alfonso (2009). Calles con historia (en castelán). Espacio Cultura Editores. ISBN 978-84-938089-1-4.
- Iglesias Martelo, Vicente (2008). La calle Real coruñesa. Historias y vivencias (en castelán). Librería Arenas. ISBN 978-8495100283.
Ligazóns externas
[editar | editar a fonte]- Historia de la Zona Obelisco Arquivado 04 de marzo de 2016 en Wayback Machine.
- Fernández, Carlos (11 de xaneiro de 2009). "Comercios para el recuerdo". La Voz de Galicia. Consultado o 20 de febreiro de 2016.