Os Cantóns
Coordenadas: 43°22′05″N 8°24′11″O / 43.368049082984, -8.4030482622623
Os Cantóns | |
---|---|
Tipoloxía | avenida |
Localización | |
Inicio | Rúa Real, rúa Nova e avenida da Mariña |
Fin | Rúa de Juana de Vega, rúa Compostela e rúa Sánchez Bregua |
Localidade | A Coruña |
Os Cantóns é o nome que recibe unha das principais avenidas da cidade da Coruña, situada no barrio da Pescaría e formada por dous tramos diferenciados no nomenclátor: o Cantón Grande e o Cantón Pequeno. O Cantón Grande comeza no cruzamento da rúa Real coa rúa Nova e a avenida da Mariña e vai ata a rúa Santa Catarina, onde pasa a se denominar Cantón Pequeno ata chegar á praza de Mina, punto de confluencia entre as rúas Juana de Vega, Compostela e Sánchez Bregua, continuación natural esta última da avenida que conforman os dous Cantóns. Durante todo este percorrido, os Cantóns están delimitados na beira sur polos xardíns de Méndez Núñez.
Historia
[editar | editar a fonte]![](http://upload.wikimedia.org/wikipedia/commons/thumb/2/28/J_Sellier_Vista_xeral_dos_Cantons_%281885-1900%29.jpg/220px-J_Sellier_Vista_xeral_dos_Cantons_%281885-1900%29.jpg)
No edificio situado no número 13 do Cantón Grande faleceu o xeneral Sir John Moore.
En 1820-1823, 1840-1874 e 1932-1936 o Cantón Grande recibiu o nome de Cantón de Porlier e o Pequeno o de Cantón de Lacy. En 1943 foron bautizados como Cantóns de José Antonio.
O Camiño Inglés atravesa os Cantóns[1], procedente da igrexa de Santiago.
Institucións e comercios
[editar | editar a fonte]En 1920 inaugurouse o Teatro Linares Rivas nun edificio modernista de Leoncio Bescansa. Foi derribado en 1940 para a construción do Cine Avenida.[2]
No primeiro piso do número 14 (derruído en 1977) do Cantón Grande estivo a sede do Casino Republicano.[3]
Pola súa situación céntrica foi sede de numerosos bancos e fundacións.
Arquitectura
[editar | editar a fonte]![](http://upload.wikimedia.org/wikipedia/commons/thumb/5/50/Obelisco.004_-_A_Coru%C3%B1a.jpg/220px-Obelisco.004_-_A_Coru%C3%B1a.jpg)
A arquitectura dos Cantóns modificouse enormemente dende a construción do Banco Pastor en 1925. Existen na rúa edificios destacados, algúns deles catalogados. No Cantón Grande sitúanse:[4]
- Nº 3, Fundación ONCE, de Sebastián Mateu, Gilbert Barbany (década de 1990).
- Nº 4, Banco Santander, de arquitectura franquista inspirada no Neoclasicismo (década de 1950).[5]
- Nº 5, Edificio Granada, edificio para o Banco de Granada deseñado por José María García de Paredes (1974-1980).
- Nº 7, Cine Avenida, de Rafael González Villar (1941), edificio racionalista.
- Nº 8, Sede de Afundación, de Nicholas Grimshaw (2006).
- Nº 9, Sede da Fundación Barrié, de Gerardo Salvador Molezún, Ramón Vázquez Molezún e Rafael Olaquiaga (1990).
No Cantón Pequeno:
- Sede do Banco Pastor, de Antonio Tenreiro e Peregrín Estellés (1922-1925). Edificio de 40 metros de altura inspirado na Escola de Chicago con detalles art déco. Foi o edificio máis alto de España ata 1929.
- Nº 15-17, sede de The Anglo-South American Bank, de Eduardo Rodríguez-Losada Rebellón (1925).[6]
- Nº 18-21, sede do Banco de La Coruña, de Leoncio Bescansa (1925).[7]
- Nº 22, de Pedro Mariño (1926).
- Nº 26, de Eduardo Rodríguez-Losada Rebellón (1915).
Ademais, no Cantón Grande está o Obelisco en honra de Aureliano Linares Rivas, de Gabriel Vitini Alonso, con base de Antonio de Mesa (1895).
Galería de imaxes
[editar | editar a fonte]-
Nº 4 do Cantón Grande.
-
Sedes da Fundación Barrié e AFundación.
-
Sede do Banco Pastor no Cantón Pequeno.
-
Nº 15-17 do Cantón Pequeno.
-
Nº 18-21 do Cantón Pequeno.
Notas
[editar | editar a fonte]- ↑ Arroyo, Manuel. "A Coruña-Bruma". La Voz de Galicia (en castelán). Arquivado dende o orixinal o 08 de abril de 2016. Consultado o 13 de marzo de 2016.
- ↑ Llorente Taboada, M. Paz. El salón de espectáculos teatro Linares Rivas de La Coruña (PDF) (en castelán). Arquivado dende o orixinal (PDF) o 28 de marzo de 2016. Consultado o 14 de marzo de 2016.
- ↑ Reiriz Rey, Jesús María; Alfeirán Rodríguez, Xosé (2004). Tiempos republicanos. A Coruña: Ateneo Republicano de Galicia. ISBN 84-933103-2-8.
- ↑ "Modificación Pepri – Aprobación definitiva". Concello da Coruña. xaneiro de 2015. Consultado o 13 de febreiro de 2016.
- ↑ Molezún, Fernando (7 de agosto de 2005). "La gran sala de estar de los coruñeses". La Voz de Galicia (en castelán). Consultado o 13 de marzo de 2016.
- ↑ Martínez Suárez & Casabella López 1989, pp. 144-145.
- ↑ Martínez Suárez & Casabella López 1989, pp. 132-133.
Véxase tamén
[editar | editar a fonte]![]() |
A Galipedia ten un portal sobre: A Coruña |
Bibliografía
[editar | editar a fonte]- García López, Alfonso (2009). Calles con historia (en castelán). Espacio Cultura Editores. ISBN 978-84-938089-1-4.
- Martínez Suárez, Xosé Luís; Casabella López, Xan (1989). Catálogo arquitectura. A Coruña 1890-1940. COAG. ISBN 978-84-85665-09-9.
Ligazóns externas
[editar | editar a fonte]- Historia da Zona Obelisco Arquivado 04 de marzo de 2016 en Wayback Machine.
- Plano dos Cantóns (1879)
- La casa del Cantón