Torre Costa Rica
| Torre Hercón | |
|---|---|
_03.JPG) Vista dende o chan | |
| Edificio | |
| Sistema estrutural | Formigón armado |
| Localización | A Coruña |
| Coordenadas | 43°21′50″N 8°24′33″O / 43.36388889, -8.40916667 |
  Torre Hercón Localización da Torre Hercón no mapa de Galicia | |
| Uso(s) | Vivendas e oficinas |
| Construción | |
| Inicio | 1973 |
| Remate | 1975 |
| Remodelación | 2012 |
| Dimensións | |
| Altura | 119 m |
| Plantas | 34 |
| Equipo | |
| Arquitecto(s) | José Antonio Franco Taboada |
| [ editar datos en Wikidata ] | |
A Torre Costa Rica, ou Torre Hercón, é un rañaceos situado na Coruña. Cos seus 119 metros, é o edificio máis alto de Galiza.
Deseñada polo arquitecto coruñés José Antonio Franco Taboada[1], foi construída entre 1973 e 1975, arrebatándolle o posto de edificio máis alto de Galiza á coruñesa Torre Galicia. No seu momento foi o segundo edificio máis alto de España, só por detrás da madrileña Torre de Madrid.
Destinada a un uso mixto (tanto de oficinas coma de vivendas), sitúase na rúa Costa Rica, en pleno centro da cidade.
Historia e descrición
[editar | editar a fonte]A Torre Costa Rica foi construída con estrutura de formigón entre 1973 e 1975, alcanzando a cota máxima o 31 de outubro de 1974.
Forma parte dun grupo de edificios promovido pola "Cooperativa de la Hermandad de Alféreces Provisionales" que albergan 372 viviendas, das que noventa pertencen á torre.[2] Os cinco primeiros andares dedícanse a oficinas, existe un andar de instalacións eléctricas, as seguinte vinte e catro son vivendas e a última é mixta: a letra B é unha vivenda que forma un dúplex co 24 B) e o A e o C son de medios de comunicación (a principios da década de 1980 foi ocupada por Radio 80, mentres que posteriormente o ocupou a delegación na Coruña da Radio Galega e da Televisión de Galicia). En principio o 25.º andar estaba dedicado a restaurante.[3]
O ano 2012 rehabilitouse o edificio co reforzo da estrutura e da cornixa mediante a impermeabilización e a protección da fachada. Tamén se substituíron os ascensores por outros sensiblemente máis rápidos.[4]
En abril de 2013 produciuse un incendio no 14.º andar, sen consecuencias graves.[5]
Datos
[editar | editar a fonte]- Altura: 119 metros.
- Estrutura: formigón.
- Plantas: 31 + 2 sotos.
- Ascensores: 4.
Notas
[editar | editar a fonte]- ↑ Entrevista en www.lavozdegalicia.es por Ángel Varela(en castelán).
- ↑ Varela, Ángel (12 de setembro de 2010). "Parece que la Torre Costa Rica se mueve con el viento, pero es un cambio de presión interior". La Voz de Galicia. Consultado o 26 de novembro de 2017.
- ↑ Revista CSIC
- ↑ "La torre Hercón, en boxes 24 meses". La Voz de Galicia (en castelán). 2012-04-22. Consultado o 2021-12-16.
- ↑ "Un incendio obligó a desalojar a 45 vecinos de la Torre Hercón en A Coruña". El Ideal gallego (en castelán). Consultado o 26 de novembro de 2017.
Véxase tamén
[editar | editar a fonte] |
Wikimedia Commons ten máis contidos multimedia na categoría: Torre Costa Rica  |
 |
A Galipedia ten un portal sobre: A Coruña |
