លោក សុទ្ធ គឹមកុលមុនី៖ ទោះជំនន់ទឹកភ្លៀងមិនទាន់ចោទជាបញ្ហា តែត្រូវត្រៀមលក្ខណៈជាការឆ្លើយតប
នៅថ្ងៃទី២១ ខែកក្កដា ឆ្នាំ២០២៤នេះ លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានប្រាប់វិទ្យុបារាំងអន្ដរជាតិ RFI ថាទឹកជំនន់ដែលជន់លិចនៅតាមបណ្ដាខេត្តមួយចំនួន មិនទាន់ចោទជាបញ្ហានោះទេ។ មិនទាន់ជាបញ្ហា ដោយសារនៅតាមបណ្ដាខេត្តខ្លះ ដូចជាខេត្តស្ទឹងត្រែង ព្រះវិហារជាដើម ទឹកបានស្រកចុះវិញ ខណៈខេត្តខ្លះទៀត ដូចជា ពោធិ៍សាត់ និងបាត់ដំបង ទឹកកំពុងហក់ឡើងពិតមែន តែមិនទាន់បង្កជាជំនន់ធ្ងន់ធ្ងរនោះទេ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០៣:១៥
ទោះជំនន់ទឹកភ្លៀងមិនទាន់ចោទជាបញ្ហា តែ លោកសុទ្ធ គឹមកុលមុនី បញ្ជាក់ថា គណៈកម្មាធិការជាតិគ្រប់គ្រងគ្រោះមហន្តរាយ រួមជាមួយបណ្ដាកងកម្លាំង សមត្ថកិច្ច បានត្រៀមផែនការបម្រុងរួចរាល់ ដើម្បីជាការឆ្លើយតប។
សូមបញ្ជាក់ថា គិតមកដល់ពេលនេះខេត្តដែលរងនូវជំនន់ទឹកភ្លៀងរួមមាន ខេត្តស្ទឹងត្រែង ព្រះវិហារ ក្រចេះ បាត់ដំបង កោះកុង កំពង់ស្ពឺ ព្រះសីហនុ កំពង់ធំ ខណៈ ខេត្តកែប និងកំពត កំពុងប្រឈមនឹងទឹកជំនន់ទឹកភ្លៀងផងដែរ។ នេះបើតាមការបញ្ជាក់ពី លោក គឹម សុទ្ធកុលមុនី។ ទោះជាយ៉ាងណា អ្នកនាំពាក្យរូបនេះមិនភ្លេចបញ្ជាក់ថា ក្រៅពីដំណាំស្រូវ ដំឡូងមី និងហេដ្ឋារចនាសម្ព័ន្ធ ទឹកជំនន់ មិនបានបង្កឱ្យខូចខាតដល់ផ្ទះសម្បែង និងអាយុជីវិតប្រជាពលរដ្ឋនោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ