ცურვის საერთაშორისო ფედერაცია
![](http://upload.wikimedia.org/wikipedia/ka/thumb/5/59/FINA_logo_jpg.png/220px-FINA_logo_jpg.png)
ცურვის საერთაშორისო ფედერაცია (Federation Internationale de Natation — FINA) 1908 წლის 19 ივლისს ლონდონში დაარსდა. დამფუძნებელი ქვეყნები იყვნენ: ბელგია, გერმანია, დანია, ინგლისი, ირლანდია, საფრანგეთი, უელსი, უნგრეთი, ფინეთი და შვედეთი.
ფედერაციის შტაბ-ბინა მდებარეობს ლოზანაში. სამუშო ენებია ინგლისური და ფრანგული. ფედერაცია აღიარებულია საერთაშორისო ოლიმპიური კომიტეტის მიერ და არის საერთაშორისო სპორტული ფედერაციების გენერალური ასოციაციის წევრი.
ფედერაციის პრეზიდენტი 2009 წლიდან არის ურუგვაელი ხუან ცეზარ მაგნიოლე.
ამჟამად ფედერაცია აერთიანებს 201 ქვეყანას.
ფედერაციის უმაღლესი ორგანოა კონგრესი, რომელიც ოთხ წელიწადში ერთხელ იკრიბება. კონგრესებს შორის მმართველი ორგანოა ბიურო, რომლის შემადგენლობაში შედიან: პრეზიდენტი, 4 ვიცე-პრეზიდენტი, საპატიო მდივანი, ხაზინადარი და 7 არჩეული წევრი. ბიუროს წევრები ირჩევიან კონგრესზე 4 წლის ვადით. გარდა ბიუროსა, ფედერაციაში შექმნილია ცურვის, წყალში ხტომის, წყალქვეშ ცურვის, სინქრონული ცურვის და წყალბურთის (შეიქმნა 1926 წელს) კომიტეტები, რომლებიც ხელმძღვანელობენ სპორტის თავის სახეობებს.
შექმნილია სამედიცინო კომიტეტიც. კომიტეტები შედგება 12 არჩეული წევრისაგან და მათაც ირჩევენ 4 წლის ვადით.
ფედერაციის უმთავრესი ტურნირებია მსოფლიოს ჩემპიონატები ცურვაში, წყალში ხტომაში, წყალქვეშა ცურვაში, სინქრონულ ცურვაში და მსოფლიოს ჩემპიონატი ვაჟთა და ქალთა შორის, მსოფლიოს თასი ვაჟთა და ქალთა გუნდებს შორის და მსოფლიოს ლიგა ვაჟთა და ქალთა შორის.
ფედერაციაში შედიან ცალკეული კონტინენტალური კონფედერაციები, რომლებიც FINA-ს თან შეთანხმებით ხელმძღვანელობენ სპორტის ამ სხეობების განვითრებას თავიანთ კონტინენტებზე და ატარებენ კონტინენტალურ ჩემპიონატებს.
ცურვის საერთაშორისო ფედერაციის წევრები არიან:
ზონალური (კონტინენტალური) კომიტეტები და მისი წევრი ქვეყნები
[რედაქტირება | წყაროს რედაქტირება]ლიტერატურა
[რედაქტირება | წყაროს რედაქტირება]- სპორტის ენციკლოპედია. თბილისი. 2006
- МОК и международные спортивные обьединения. Москва. изд. „ФиС“ 1979