მთავარი გვერდი

ეს არის თავისუფალი ენციკლოპედიის ქართულენოვანი პროექტი

ამჟამად ქართულ ენაზე
ხელმისაწვდომია 190 156 სტატია.

გეოგრაფია · ისტორია · მეცნიერება · რელიგია · საზოგადოება · სამართალი · სპორტი · ხელოვნება · საქართველო

მეგზური · ხშირი შეკითხვები · ფორუმი · მოთხოვნილი სტატიები

რჩეული სტატია

ანკარა — თურქეთის დედაქალაქი. მდებარეობს ანატოლიის ცენტრალურ ნაწილში. საქალაქო აგლომერაციის მოსახლეობა 5 200 000-ს შეადგენს, ხოლო ანკარის პროვინციაში 5 864 049 ადამიანი ცხოვრობს. ანკარა თურქეთის უდიდესი ქალაქია ურბანული ტერიტორიის მიხედვით, მეორეა მოსახლეობის რაოდენობის მიხედვით (სტამბოლის შემდეგ), და მესამე — მეტროპოლიური ტერიტორიის მიხედვით (კონიისა და სივასის შემდეგ). ანკარა ისტორიულად ცნობილია, როგორც ანკირა და ანგორა. თავდაპირველად ძველი კელტური სახელმწიფოს, გალატიის (ძვ. წ. 280–64 წლებში), ხოლო შემდეგ ამავე სახელწოდების რომაული პროვინციის (ძვ. წ. 25 –VII საუკუნე) პოლიტიკური ცენტრი იყო. ანკარაში გვხვდება ხათური, ხეთური, ლიდიური, ფრიგიული, გალატური, ბერძნული, სპარსული, რომაული, ბიზანტიური და ოსმალური არქეოლოგიური ძეგლები. ოსმალებმა ანკარა ჯერ ანატოლიის ეიალეთის (1393 – XV საუკუნის ბოლო), ხოლო შემდეგ ანგორის ეიალეთისა (1827 –1864 წლებში) და ანგორის ვილაიეთის (1867 –1922 წლებში) დედაქალაქად აქციეს. 1920 წლის 23 აპრილს ანკარაში დაარსდა თურქეთის დიდი ეროვნული ასამბლეა, რომელიც გახდა თურქული ეროვნული მოძრაობის შტაბი თურქეთის დამოუკიდებლობის ომის დროს. რესპუბლიკის დაარსების შემდეგ, 1923 წლის 29 ოქტომბერს, ანკარა გახდა თურქეთის რესპუბლიკის დედაქალაქი, სადაც მან ჩაანაცვლა სტამბოლი, რომელიც კონსტანტინოპოლის დაცემის შემდეგ ქვეყნის მთავარი პოლიტიკური ცენტრი იყო.

სრულად...

კანდიდატები

სხვა რჩეული სტატიები

დღის სტატია

ამერიკის რევოლუცია — მოვლენების, იდეებისა და ცვლილებათა სერია, რის შედეგადაც ჩრდილოეთ ამერიკის 13 კოლონია გამოეყო ბრიტანეთის იმპერიას და შეიქმნა ამერიკის შეერთებული შტატები. ამერიკის რევოლუციური ომი (1775-1783) რევოლუციის ერთი ნაწილი იყო, რადგან რევოლუცია დაიწყო დიდი ხნით ადრე ლექსინგტონსა და კონკორდთან პირველ გასროლამდე და გრძელდებოდა იორკთაუნთან ბრიტანლეთა დამარცხების შემდეგაც. ამერიკის რევოლუციის ხასიათსა და მის მნიშვნელობაზე მრავალი ინტერპრეტაცია არსებობს. რევოლუცია დაახლოებით ფრანგებისა და ინდიელთა ომის (1754-1763) დროს დაიწყო და დასრულდა ჯორჯ ვაშინგტონის აშშ-ის პირველ პრეზიდენტად არჩევით 1789 წელს. ზოგიერთი მოსაზრებით, ამერიკის რევოლუცია სრულებით არ იყო რევოლუციური და რომ მას რადიკალურად არ შეუცვლია კოლონიური საზოგადოება და მხოლოდ კოლონიური მთავრობა შეცვალა ადგილობრივით. საპირისპირო მოსაზრებით ამერიკის რევოლუცია განსაკუთრებული და რადიკალური მოვლენა იყო, რომელმაც მნიშვნელოვანი ცვლილებები შეიტანა მსოფლიო ისტორიის მსვლელობაში. თანამედროვე ინტერპრეტაციები შუალედურ პოზიციას იკავებენ.

სტატიები

დღის სურათი

ეკლესია გერმანიაში.

რჩეული სურათები

სიახლეები

ლაურა ფერნანდეს დელგადო კოსტა-რიკის პრეზიდენტად აირჩიეს.
ილიანა იოტოვა (სურათზე) ბულგარეთის პირველი ქალი პრეზიდენტი გახდა.
ნიკა ეგაძე (მამაკაცთა შორის), ლუკა ბერულავა და ანასტასია მეტელკინა (წყვილთა შორის) ფიგურულ ციგურაობაში ევროპის ჩემპიონები გახდნენ.
საუდის არაბეთის შეტევის შემდეგ, იემენის სამთავრობო ძალებმა სამხრეთის გარდამავალი საბჭოს დედაქალაქ ადენზე კონტროლი დაამყარეს.
აშშ-მა ვენესუელაში სამიზნეები დაბომბა, პრეზიდენტი ნიკოლას მადურო დაატყვევა, დელსი როდრიგესი კი პრეზიდენტის მოვალეობის შემსრულებელი გახდა.
ბულგარეთი ევროზონის 21-ე წევრი გახდა.

მიმდინარე: საქართველოს საპროტესტო აქციები; რუსეთის შეჭრა უკრაინაში; ისრაელ-ჰამასის ომი; ირან-ისრაელის ომი.

3 თებერვალი — ამ დღეს...

1451 : მეჰმედ II ოსმალეთის იმპერიის სულთანი ხდება.
1488 : პორტუგალიელი მკვლევარი ბართოლომეუ დიაში პირველი ევროპელი გახდა, რომელმაც კეთილი იმედის კონცხს შემოუარა აფრიკის უკიდურეს სამხრეთში.
1690 : მასაჩუსეტსის კოლონიამ პირველი ქაღალდის ფული გამოუშვა ამერიკაში.
1783 : ამერიკის რევოლუცია — ესპანეთმა აშშ-ის დამოუკიდებლობა ცნო.
1815 : პირველი კომერციული ყველის წარმოების ქარხანა გაიხსნა შვეიცარიაში.
1867 : პრინცი მუცუჰიტო იაპონიის იმპერატორი ხდება და მეიძის ტიტულს იღებს.
1966 : საბჭოთა ხომალდი ლუნა-9 (სურათზე) პირველი კოსმოსური ზონდი გახდა, რომელიც მთვარეზე დაეშვა და დედამიწაზე მთვარის ზედაპირიდან სურათები გაგზავნა.
სხვა მოვლენები

იცით თუ არა, რომ?

ვიკიპედიის ახალი მასალებიდან:

ნორმან ეინჯელი არის ერთადერთი ნობელის პრემიის ლაურეატი, რომელმაც ჯილდო წიგნის გამოცემისთვის მოიპოვა.
იოანე II პირველი პაპი იყო, რომელმაც სახელი შეიცვალა პაპად არჩევის შემდეგ.
უილიამ პიტი (სურათზე) დიდი ბრიტანეთის ყველაზე ახალგაზრდა პრემიერ-მინისტრია, 1783 წელს თანამდებობის დაკავების მომენტში იგი 24 წლის იყო.
მეტამორფოზის ბოლო სტადიაზე (იმაგო) ერთდღიურები არ იკვებებიან და ცოცხლობენ ცოტა ხანს — რამდენიმე საათიდან ერთ ან რამდენიმე დღემდე.
ჰაიტის პრეზიდენტი ჟან-კლოდ დიუვალიე მსოფლიოში ყველაზე ახალგაზრდა პრეზიდენტად ითვლება, მან თანამდებობა 19 წლის ასაკში დაიკავა.
ზღვის მამლებს მკერდის წინა 3 სხივი თითისებრ გამონაზარდებად აქვთ გარდაქმნილი, რომელთა დახმარებითაც ფსკერზე ცოცავენ და საკვებს ეძებენ.
არქივი
მოგვაწოდეთ ფაქტი