Сістэма нябесных каардынат

Сістэма нябесных каардынат — сістэма каардынат, якая выкарыстоўваецца ў астраноміі для вызначэння месцазнаходжання астранамічных аб’ектаў на небе, або пунктаў на ўяўнай нябеснай сферы. Каардынаты аб’ектаў вызначаюцца дзвюма велічынямі (або дугамі), што дае адназначнае месцазнаходжанне аб’ектаў на нябеснай сферы. Такім чынам, сістэма нябесных каардынат з’яўляецца сферычнай сістэмай каардынат, у якой трэцяя каардыната — адлегласць — часцей невядомая і не грае істотнай ролі.

Кожная з сістэм нябесных каардынат адрозніваецца выбарам асноўнай, фундаментальнай, плоскасці і пачаткам адліку. У залежнасці ад пастаўленай задачы, можа быць зручнейшым выкарыстанне пэўнай сістэмы каардынат. Найбольш часта выкарыстоўваюцца гарызантальная і экватарыяльная сістэмы каардынат. Радзей — экліптычная, галактычная і іншыя.

Гл. таксама

• Нябесная сфера
• Сферычная сістэма каардынат

Спасылкі

• На Вікісховішчы ёсць медыяфайлы па тэме Сістэма нябесных каардынат