Kambodž

Kambodžan Kunigahuz

(*Preăh Réachéanachâkr Kâmpŭchéa*)
Flag;	Valdkundznam;
Pälidn	Pnompen'
Eläjiden lugu (2013)	15,205,539 ristitud
Pind	181,035 km²
Kel'	khmeran
Valdkundan pämez'	Norodom Siamoni
Päministr	Hun Sen
Religii	buddizm
Valüt	kambodžan riel' (KHR)
Internet-domen	.kh
Telefonkod	+855
Aigvö	UTC+7

Kambodž (enzne kävutadud nimi oli Kampučii), oficialižikš Kambodžan kunigahuz (khmer. Preăh Réachéanachâk Kâmpŭchéa, transkripcii: Preah Reatjeannatjakr Kamputjie), om valdkund Suvipäivnouzmpol'žes Azijas, Indokitai-pol'saren suves. Sen päine da kaikiš suremb lidn om Pnompen'. Vn. 1953 kül'mkun 9. päivän Kambodž sai ripmatomut Francijaspäi.

Geografijan andmused

Kambodž om röunoiš Tailandanke lodehes (803 km), Laosanke pohjoižes (541 km) da Vjetnamanke päivnouzmas (1228 km). Sen suvipäivlaskmaižed randad lainištab Tünen valdmeren Suvikitain meren Siaman laht. Randpird om 443 km. Kambodžan päjogi om Mekong, se läbitab kaiken man da jokseb suvehe. Kaikiš suremb järv om Tonlesap-järv. Om koume mägisel'gad man laptoiš: Kravan'-mäged läz randištod, Elefan-mägisel'g suves da Dangrek pohjoižes. Kaikiš korktemb čokkoim om Oral'-mägi Kravan'-mägiš, 1813 m meren pindan päl.

Tobmuz

Kambodž om unitarine parlamentine konstitucine monarhii. Käskusenandmižtobmuz om parlament, se om kaks'kodine. Senat om üläkodi, mülüb 61 ühtnijad (57 — valitas oficialižel valičijoiden kollegijal, kahted — moharhal, kahted — alakodil, kaikid — 5 vodeks). Alakodi, Nacionaline Suim, mülüb 122 ristitud (rahvaz valitab, mugažo 5 vodeks). Oficialine valdkundan pämez' om Norodom Siamoni-kunigaz (vl. 2004 redukun 29. päivälpäi), hän om Norodoman Sianukan poig. Kunigahan valdištmen nevondkund valičeb monarhad. Monarh hüvitab alakodin päministran kandidatad. Päministr om Hun Sen (vl. 1998 kül'mkun 30. päivälpäi). Käskuzkundaline tobmuz om Ülembaine sudijoiden nevondkund.

Administrativiž-territorialine jagand

Administrativiž-territorialižikš Kambodž alajagase 23 agjoihe (khet, vai provincijoihe) da 1 keskuseližikš ohjatud lidnha. Päiči pälidnad, ned alajagase 185 ümbrikho (srok), a sid' ned — 1621 kommunha (khum)^[2].

Eläjad

Ristitištos läz 90% oma khmeralaižed. 96% eläjid pagižeb khmeran kelel. Kaik om 25 lidnad Kambodžas. Toižed järedad lidnad (enamba 100 tuh. rist., 2012^[3]): Takmau, Battambang, Sisophon, Siemreap, Kampongtäm, Sianukvil'.

Homaičendad

Irdkosketused

	Azijan valdkundad
	Azijan valdkundad Afganistan \| Araban Ühtenzoittud Emiratad (AÜE) \| Armenii \| Azerbaidžan¹ \| Bahrein \| Bangladeš \| Brunei \| Butan \| Egipt² \| Filippinad \| Gruzii¹ \| Indii \| Indonezii³ \| Irak \| Iran \| Izrail' \| Japonii \| Jemen² \| Jordanii \| Kambodž \| Kazahstan¹ \| Katar \| Kipr¹ \| Kirgizstan \| Kitai \| Korejan Rahvahaliž-Demokratine Tazovaldkund \| Korejan Tazovaldkund \| Kuveit \| Laos \| Livan \| Malaizii \| Mal'divan Sared \| Mjanmar \| Mongolii \| Nepal \| Oman \| Pakistan \| Päivnouzmaine Timor \| Saudan Arabii \| Singapur \| Sirii \| Šrilank \| Tadžikistan \| Tailand \| Turkanma¹ \| Turkmenistan \| Uzbekistan \| Venäma¹ \| Vjetnam
	¹ Om Evropas mugažo. ² Om Afrikas mugažo. ³ Om Valdmerimaiš mugažo.

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.

[1] Country Rank. Countries and Areas Ranked by Population: 2013. — U.S. Department of Commerce. — Census.gov.

[2] Päandmused Kambodžan polhe. — Stat.go.jp. (angl.)

[3] Kambodž: surembaižed lidnad da niiden ristitišton statistik. — World gazetteer.com (angl.)

[1]

[2]

[3]