Фоат Әбүбәкеров
Фоат Әбүбәкеров | |
![]() | |
Төп мәгълүмат | |
---|---|
Тугандагы исеме |
Фоат Хәмит улы Әбүбәкеров |
Туу көне | |
Туу урыны | |
Эшчәнлек еллары |
1969 - х. в. |
Һөнәрләр |
скрипкачы, дирижер |
Кораллар |
скрипка |
Коллективлар | |
Бүләкләр | |
Милләт |
Фоат Әбүбәкеров, Фоат Хәмит улы Әбүбәкеров (1944 елның 2 ноябре, ССРБ, Үзбәк ССР, Нәманган) — музыкант (скрипкачы), Галиәсгар Камал исемендәге Татар дәүләт академия театрының музыка бүлеге җитәкчесе, театр оркестры дирижеры (1973―2021 елларда). ТАССР атказанган сәнгать эшлеклесе (1986), Татарстанның халык артисты (1996). «Тантана» премиясе лауреаты (2018).
Тәрҗемәи хәле
[үзгәртү | вики-текстны үзгәртү]1944 елның 2 ноябрендә Үзбәк ССР Нәманган шәһәрендә татарлардан беренче виолончелист Хәмит Әбүбәкеров гаиләсендә туган. Әнисе Хәлимә, мулла кызы. Казан дәүләт консерваториясен (Натан Брауде классы, кызыл дипломга) тәмамлаган. Әтисе белән бергә Мәскәүдә укыган Нәҗип Җиһанов тәкъдиме белән консерваториядә укырга калдырыла һәм Муса Җәлил исемендәге Татар дәүләт опера һәм балет театрына эшкә билгеләнә. 1969 елдан Камал театры директоры Рәшидә Җиһаншина чакыруы буенча Галиәсгар Камал исемендәге Татар дәүләт академия театры оркестрында уйный. 1973 елдан 2021 елга кадәр ― театрның музыка бүлеге җитәкчесе, театр оркестры дирижеры. 2021 елның мартыннан ― Камал театрының музыка бүлеге җитәкчесенең киңәшчесе[1].
Камал театрында эшләү дәверендә җырлар язган («Мине танырсыңмы?» (Т. Миңнуллин сүзләре), «Зәңгәр кыңгыраулар» (Әхсән Баян сүзләре), «Ап-ак ромашкалар – мәхәббәтем» (Аманулла сүзләре һ. б.), 155 спектакльгә музыка иҗат иткән, 60 лап спектакльне музыка ягыннан бизәгән, мәсәлән, «Көйсез кияү» (Кәрим Тинчурин), «Качаклар», «Портфельле кияү», «Мулланур Вахитов» (Нәкый Исәнбәт), «Илгизәр+Вера», «Гөргөри кияүләре, «Шәҗәрә» (Туфан Миңнуллин), «Кияү белән кәләш» (Мар Байҗиев[калыпны мәкаләдән алып куярга]), «Баскетболчы» (М. Гыйләҗев), «Люстра» (Илгиз Зәйниев), «Күрәзәче», «Ява карлар, ява карлар...» (З. Хәким), «Асылъяр» (М. Фәйзи), «Мирас» (Г. Каюмов), «Гаугалы гаилә» (Эдуардо де Филиппо) һ. б.[2].
Марсель Сәлимҗанов куйган спектакльләрдә (мәсәлән, «Бирнәсез кыз»да чегән оркестры җитәкчесе ролендә һ. б.) актер-музыкант булып катнаша. Берничә спектакльдә (мәсәлән, «Гөлҗамал», «Go, Баламишкин» һ. б.) сәхнәдә оркестр дирижеры буларак чыгыш ясый.
Гаиләсе
[үзгәртү | вики-текстны үзгәртү]Әтисе — татарлардан беренче виолончелист Хәмит Әбүбәкеров, Нәманганда җирләнгән. Әнисе Хәлимә, мулла кызы, Казанда җирләнгән. Энесе, дүрт сеңлесе бар.
Хатыны Татьяна Кононирова, виолончелист. Улы Руслан, Казан консерваториясен тәмамлаган пианист, Камал театры оркестры музыканты, аранжировкалар ясаучы.
Бүләкләре, мактаулы исемнәре
[үзгәртү | вики-текстны үзгәртү]- 1986 — ТАССР атказанган сәнгать эшлеклесе
- 1996 — Татарстанның халык артисты
- 2018 — «Тантана» премиясе (Шамил Закиров исемендәге махсус премия)
Искәрмәләр
[үзгәртү | вики-текстны үзгәртү]- ↑ Камал театрының музыка бүлеге җитәкчесе итеп Данияр Мнир улы Соколов билгеләнде. Азатлык радиосы, 01.03.2021
- ↑ Миләүшә Галиуллина. Спектакльгә җан өрүче 2019 елның 10 октябрь көнендә архивланган.. «Сәхнә», 11.11.2014
Сылтамалар
[үзгәртү | вики-текстны үзгәртү]- Ильтани Илялова. Фоат Хәмит улы Әбүбәкеров 2017 елның 15 июнь көнендә архивланган.. Казан театр музее(рус.)
- Айсылу Кадыйрова. Скрипач Абубакиров из Ла Скала-Камала. «Вечерняя Казань», 25.06.2010(рус.)
- Фоат Хәмит улы Әбүбәкеров. Камал театры сайты
Манзара. Фоат Әбүбәкеров. 25.09.2018. YouTube
Моны да карагыз
[үзгәртү | вики-текстны үзгәртү]- 2 ноябрь көнне туганнар
- 1944 елда туганнар
- Әлифба буенча шәхесләр
- Наманганда туганнар
- Википедия:Актуаль булмаган Тәрҗемә ителмәгән дигән калыплы мәкаләләр
- Татарстанның халык артистлары
- ТАССР атказанган сәнгать эшлеклеләре
- «Тантана» премиясе лауреатлары
- Камал театры
- Казан дәүләт консерваториясен тәмамлаучылар