Северно Море
| Северно Море | |
|---|---|
 Сателитска снимка на Северното Море | |
| Подрачје | Атлантски Океан |
| Координати | 56°N 03°E / 56° СГШ; 3° ИГД |
| Вид | море |
| Главни приливи | Балтичко Море, Елба, Везер, Емс, Рајна/Вал, Меза, Шелда, Спеј, Дон, Ди, Теј, Форт, Тајн, Тис, Хамбер, Темза |
| Сливни земји | Норвешка, Данска, Германија, Холандија, Белгија, Франција и Велика Британија |
| Најг. должина | 960 км |
| Најг. ширина | 580 км |
| Површина | 750.000 км2 |
| Прос. длабочина | 95 м |
| Најг. длабочина | 700 м |
| Зафатнина | 94000 км3 |
| Соленост | 3,4 до 3,5% |
| Најг. температура | 17°C |
| Најм. температура | 6°C |
| Наводи | Сигурност на море и Кралски белгиски институт за природни науки |
Северно Море — рабно море што се наоѓа во Северна Европа во Атлантскиот Океан, сместено помеѓу Велика Британија, Скандинавија, Германија, Холандија, Белгија и Франција. Внатрешно море на европскиот континентален праг, поврзано е со океанот преку Каналот Ламанш на југ, а со Норвешкото Море на север. Долго е повеќе од 970 километри и 580 километри широко со вкупна територија од 750.000 км2.
Северното Море долго било седиште на моќните европски бродски флоти, како и главно риболовно подрачје. Морето е омилено одредиште за рекреација и туризам во пограничните земји и од неодамна се развива како богат извор на енергетски ресурси, меѓу кои фосилни горива, ветер и рани достигнувања во енергијата на брановите.
Историски, Северното Море било значајно во геополитичките и воените односи, особено во Северна Европа, но исто така и глобално преку силата на флотите од земјите околу морето. Северното Море било средиште на подемот на Викинзите. Подоцна, се појавил моќниот стопански сојуз Ханзата, Холандија и Велика Британија се бореле за превласт на Северното Море и така пристап до пазарите и ресурсите од светот. Како единствен излез на Германија кон океан, Северното Море продолжило да биде стратешки важно во текот на двете светски војни.
Брегот на Северното Море поседува разновидност на геолошки и географски објекти. На север, длабоки фјордови и стрмни гребени се одлики на крајбрежјата на Норвешка и Шкотска, додека на југ има песочни плажи и калливи морски брегови. Поради густата населеност, тешката индустријализација и преголемата употреба на морето и крајбрежната област, постојат бројни еколошки проблеми.
Притоки
[уреди | уреди извор]
Најголеми реки кои се влеваат во Севернотоморе суе Лаба, Везер, Рајна, Меза и Темза.[1]
- Делта Рајна-Меза (Холандија) 2900 m³/s
- низ Ајселско Езеро 555 м3/с
- преку Рајна 2300 м3/с
- преку Меза 357 м3/с
- Лаба (Елба) (Долна Саксонија/Шлезвиг-Холштајн) 856 м3/с
- Глома (Норвешка) 603 -{м3/с}-
- Гота Елв (Шведска, Кларелвен Норвешка)
- Везер (Долна Саксонија/Бремен) 358 м3/с
- Драменселва (Норвешка) 314 м3/с
- Хумбер (Англиска) 250 м3/с, со заеднички Естуар со реките:
- Трент 99 м3/с
- Јоркширски Уз 44 м3/с
- Теј (Шкотска) 170 м3/с
- Отра (Норвешка) 150 м3/с
- Сира (Норвешка) 130 м3/с
- Шелда (Белгија/Холандија) 126 м3/с
- Форт (Шкотска) 112 м3/с
- Нумедалслоген (Норвешка) 111 м3/с
- Твид (Шкотска и Англија) 85 м3/с
- Емс (Долна Саксонија) 80,5 м3/с
- Темза (Англија) 76 м3/с
Наводи
[уреди | уреди извор]- ↑ Ray, G; Carleton; Jerry McCormick-Ray (2004). Coastal-marine Conservation: Science and Policy (Digitized by Google Books online) (illustrated. изд.). Blackwell Publishing. стр. 262. ISBN 978-0-632-05537-1. Посетено на 21 ноември 2009.
Надворешни врски
[уреди | уреди извор]
Северно Море на Ризницата ?- Етимологија и историја на имињата Архивирано на 18 јуни 2004 г.
 | Оваа статија од областа на географијата е никулец. Можете да помогнете со тоа што ќе ја проширите. |
|