ម៉ាល់ឌីវ

សាធារណរដ្ឋម៉ាល់ឌីវ

ދިދިވެހިރާއްޖޭގެ ޖުމްހޫރިއްޔާ (ភាសាឌីវេលី) Republic of Maldives (ភាសាអង់គ្លេស)
ទង់ជាតិ វរលញ្ឆករ
ភ្លេងជាតិ "ޤައުމީ ސަލާމް" (ខ្មែរ៖ "ភ្លេងវន្ទនាជាតិ")
ទីតាំងប្រទេសម៉ាល់ឌីវ (ក្រហម) នៅលើភូគោល
រដ្ឋធានី និង ទីក្រុងធំបំផុត	ម៉ាល់
ភាសាផ្លូវការ	ភាសាឌីវេលី
ភាសាទទួលស្គាល់	ភាសាអង់គ្លេស
ក្រុមជនជាតិ (ឆ្នាំ ២០១៩)	≈១០០% ជនជាតិម៉ាល់ឌីវ
សាសនា	ស៊ុននីឥស្លាម (ផ្លូវការ)
រដ្ឋាភិបាល
- ប្រធានាធិបតី	អ៊ីប្រាហ៊ីម មហាមេដ សូលី
- អនុប្រធានាធិបតី	ហ្វៃសាល ណាស៊ីម
- ប្រធានក្រុមប្រឹក្សាប្រជាជន	មហាមេដ ណាស៊ីដ
- ប្រធានចៅក្រម	អាមេដ មូថាស៊ីម អាដណាន
នីតិបញ្ញត្តិ	ក្រុមប្រឹក្សាប្រជាជន
ទទួលឯករាជ្យ
- ពីសហរាជាណាចក្រ	២៦ កក្កដា ១៩៦៥
- ប្រកាសជាសាធារណរដ្ឋ	១១ វិច្ឆិកា ១៩៦៨
- រដ្ឋធម្មនុញ្ញបច្ចុប្បន្ន	៧ សីហា ២០០៨
ក្រឡាផ្ទៃ
- ផ្ទៃសរុប	៣០០ គ.ម២   (ទី១៧៨)
ប្រជាជន
- ប៉ាន់ស្មាន (ឆ្នាំ ២០២០)	៥៥៧,៤២៦ ឬ ៣៧៩,២៧០a (ទី១៧៨)
- ជំរឿន (ឆ្នាំ ២០១៤)	៤៣៧,៥៣៥ ឬ ៣៣៩,៧៦១a
- ដង់ស៊ីតេ	១,១០២.៥ នាក់/គ.ម២   (ទី១១)
GDP (PPP)	ប៉ាន់ស្មាន (ឆ្នាំ ២០២១)
- សរុប	៨.៩៧២ ពាន់លានដុល្លារ (ទី១៦៣)
- ក្នុងម្នាក់	២៣,៣៤៣ ដុល្លារ (ទី៥៨)
GDP (ចារឹក)	ប៉ាន់ស្មាន (ឆ្នាំ ២០២១)
- សរុប	៤.៥៣៦ ពាន់លានដុល្លារ (ទី១៥៦)
- ក្នុងម្នាក់	១១,៨០១ ដុល្លារ
ជីនី (២០១៦)	៣១.៣ មធ្យម
HDI (២០១៩)	០.៧៤០ ខ្ពស់ · ទី៩៥
រូបិយវត្ថុ	រូហ្វីយ៉ាម៉ាល់ឌីវ (MVR) ដុល្លារអាមេរិក (USD ប្រើនៅតាមរមណីយដ្ឋាននានាលើកោះ)
ល្វែងម៉ោង	UTC+៥ (ម៉ោងម៉ាល់ឌីវ)
ទម្រង់កាលបរិច្ឆេទ	dd/mm/yyyy
បណ្ដាញចែកចាយអគ្គិសនី	240 V–50 Hz
ទិសបើកបរ	ឆ្វេង
កូដហៅទូរស័ព្ទ	+៩៦០
ដែនកម្រិតខ្ពស់	.mv
មិនរាប់បញ្ចូលជនបរទេសស្នាក់នៅ

ប្រទេសម៉ាល់ឌីវ (ភាសាឌីវេលី៖ ދިވެހިރާއްޖެ, ភាសាអង់គ្លេស៖ the Maldives) ដោយមានឈ្មោះជាផ្លូវការថា សាធារណរដ្ឋម៉ាល់ឌីវ គឺជា​រដ្ឋ​ប្រជុំ​កោះ​មួយស្ថិត​នៅក្នុង​ឧបទ្វីប​ឥណ្ឌា​នៃ​ទ្វីបអាស៊ី លើ​មហាសមុទ្រ​ឥណ្ឌា។ វាស្ថិតនៅភាគនិរតីនៃប្រទេសស្រីលង្កា និងប្រទេសឥណ្ឌា ប្រហែល ៧៥០ គីឡូម៉ែត្រពីអាស៊ីដីគោក។ ទឹកដីប្រទេសនេះមានលក្ខណៈជាប្រជុំកោះដោយបង្កើតចេញពីកម្រងអាតុលចំនួន ២៦ លាតសន្ធឹងពីអាតុលឥយ៉ាវងហ៊ីបប៉ូលូនៅភាគខាងជើងទៅ អាតុលអាដឌូនៅភាគខាងត្បូង (ឆ្លងកាត់ខ្សែអេក្វាទ័រ)។ ទឹកដីប្រទេសនេះផងដែរបានលាតសន្ធឹងប្រហែល ៩០,០០០ គីឡូម៉ែត្រការ៉េរួមទាំងផ្ទៃសមុទ្រ ហើយផ្ទៃដីនៃកោះនីមួយៗមានទំហំសរុប ២៩៨ គីឡូម៉ែត្រក្រឡា។ ម៉ាល់ឌីវជារដ្ឋអធិបតេយ្យដែលមានលក្ខណៈភូមិសាស្ត្របែកខ្ញែករប៉ាត់រប៉ាយខ្លាំងបំផុតមួយនៅលើពិភពលោក និងជាប្រទេសតូចបំផុតនៅអាស៊ីផងដែរ និងព្រមទាំងជាប្រទេសមូស្លីមដ៏តូចបំផុតមួយបើគិតតាមផ្ទៃដី និងមានប្រជាជនប្រហែល ៥៥៧,៧៥១ នាក់ប៉ុណ្ណោះ ដែលធ្វើឱ្យវាក្លាយជាប្រទេសដែលមានចំនួនប្រជាជនតិចបំផុតទីពីរនៅទ្វីបអាស៊ី។ ម៉ាល់គឺជារដ្ឋធានី និងជាទីក្រុងដែលមានប្រជាជនរស់នៅច្រើនជាងគេដែលតាមប្រពៃណី គេនិយមហៅថា "កោះស្តេច" ព្រោះវាជាកន្លែងដែលរាជវង្សបុរាណគ្រប់គ្រង។