Dhawet camcau
| Panggonan asal | Indonésia |
|---|---|
| Tlatah utawa praja | Daérah Istiméwa Ngayogyakarta |
| Woworan pokok | Santen, céndhol, juruh, cao |
 Buku masakan: Dhawet camcau  Médhia: Dhawet camcau | |
Dhawet camcau inggih punika dhawet ingkang salah satunggal bahan pokokipun saking cao. Unjukan punika asalipun saking Daérah Istiméwa Ngayogyakarta. Ing warsa 2018, dhawet camcau mlebet ing Warisan Budaya Takbenda Indonesia mawi nomer règistrasi 2018008682.[1][2][3]
Wedharan
[besut | besut sumber]Miturut katrangan Direktorat Warisan dan Diplomasi Budaya, dhawet camcau sampun wonten ing Ngayogyakarta kawit abad kaping 19. Ing abad kaping 19 minggah, bakul dhawet camcau limrahipun dodolan wonten ing Peken Kuthagedhé kaliyan Beringharja. Nanging sabibaripun warsa 1980, sampun kathah bakul dhawet ingkang dodolan mawi grobag sabab kala semanten tiyang-tiyang plesiran mindhak kathah dumugi Ngayogyakarta.[1][4]
Sasanèsipun kagem unjukan ing padintenan, dhawet camcau ugi dipun anggé ing upacara adat kaliyan tradhisi, kados ta upacara brokohan, upacara resèpsi nalika bésan saking laré putri dados bakul dhawet camcau, kaliyan upacara mitoni. Kajawi punika, dhawet camcau dipun suguhaken nalika selikuran ing wulan Pasa, saha nalika slametan.[1]
Cara panyaosanipun inggih sami kaliyan dhawet-dhawet limrah. Bahan pokok dhawet camcau dumados saking santen, céndhol, juruh, kaliyan cao. Céndholipun gadhah tigang werni, pethak tanpa pawerni, ijem ingkang werninipun saking pawerni alami–ron suji–kaliyan abrit ingkang werninipun saking pawerni dhaharan.[1][4]
Rujukan
[besut | besut sumber]- ↑ a b c d "Dawet Camcau". Direktorat Warisan dan Diplomasi Budaya. 1 Januari 2018. Diarsip saka sing asli ing 2023-02-13. Dibukak ing 13 Fèbruari 2023.
- ↑ "Jelajah Kuliner Tradisional Jenang Gempol dan Dawet Camcau Bu Tum Pasar Pathuk". Portal Berita Pemerintah Kota Yogyakarta. 23 Agustus 2022. Dibukak ing 13 Fèbruari 2023.
- ↑ "Ada Camcau hingga Growol, Ini Daftar Lengkap 30 Karya di DIY yang Ditetapkan sebagai Warisan Budaya Takbenda". Harian Jogja. 9 Oktober 2019. Dibukak ing 13 Fèbruari 2023.
- ↑ a b Santoso, Agung Budi (21 Dhésèmber 2015). "Capek Belanja di Pasar Beringharjo Jogja, Coba Nyeruput Segarnya Dawet Mbah Hari Ini". Tribunnews.com. Dibukak ing 13 Fèbruari 2023.