27. desember

27. desember er 361. dagur ársins (362. á hlaupári) samkvæmt gregoríska tímatalinu. 4 dagar eru eftir af árinu.

Atburðir

• 1394 - Jörundarkirkja á Hólum brotnaði í ofsaveðri.
• 1601 - Stríð Hollands og Portúgals hófst með sigri Hollendinga í orrustunni um Bantam.
• 1831 - Charles Darwin lagði upp í siglingu sína um Kyrrahaf með skipinu HMS Beagle.
• 1904 - Abbey Theatre opnaði í Dublin.
• 1904 - Leikritið Pétur Pan var frumsýnt í London.
• 1919 - Sænska kvikmyndafyrirtækið Svensk Filmindustri var stofnað.
• 1923 - Alþingiskosningar voru haldnar á Íslandi.
• 1936 - Ungmennafélagið Valur var stofnað á Reyðarfirði.
• 1945 - Alþjóðagjaldeyrissjóðurinn og Alþjóðabankinn voru stofnaðir.
• 1956 - Staðfest voru lög um bann við hnefaleikum á Íslandi, bæði keppni og sýningu.
• 1975 - 372 kolanámumenn létust í slysi í kolanámu í Chasnala á Indlandi.

• 1978 - Ný stjórnarskrá var samþykkt í þjóðaratkvæðagreiðslu á Spáni.
• 1983 - Jóhannes Páll 2. páfi hitti tilræðismanninn Mehmet Ali Ağca í fangelsinu í Rebibbia og fyrirgaf honum.
• 1985 - Árásirnar á flugvellina í Vín og Róm: Meðlimir hryðjuverkasamtaka Abu Nidal gerðu árásir á tveimur flugvöllum með hríðskotarifflum og handsprengjum. 19 létust og hundruð særðust.
• 1985 - Náttúrufræðingurinn Dian Fossey fannst myrt í Rúanda.
• 1988 - Fyrsta fasta bílnúmerið í nýju númerakerfi var sett á bifreið Halldórs Ásgrímssonar dómsmálaráðherra, HP741. Nýja kerfið gekk í gildi í ársbyrjun 1989.
• 1997 - Norður-Hérað var stofnað með sameiningu þriggja sveitarfélaga á Austurlandi.
• 2007 - Benazir Bhutto, fyrrverandi forsætisráðherra Pakistans og forsetaframbjóðandi, var ráðin af dögum á kosningafundi í Rawalpindi.
• 2007 - Forseta- og þingkosningar voru haldnar í Kenýa.
• 2008 - Ísraelar hófu hernaðaraðgerðina Operation Cast Lead á heimastjórnarsvæði Palestínumanna á Gasaströndinni. Yfir 1300 manns létu lífið í átökunum.

Fædd

• 1350 - Jóhann 1., konungur Aragóníu (d. 1395).
• 1390 - Anne Mortimer, ensk aðalskona, móðir Ríkharðs Plantagenent hertoga af Jórvík og amma Játvarðs 4. og Ríharðs 3.
• 1533 - Stefán Batory, konungur Póllands (d. 1586).
• 1571 - Johannes Kepler, þýskur stjörnufræðingur (d. 1630).
• 1654 - Jakob Bernoulli, svissneskur stærðfræðingur (d. 1705).
• 1761 - Michael Andreas Barclay de Tolly, rússneskur herforingi (d. 1818).
• 1762 - Magnús Stephensen konferensráð (d. 1833).
• 1772 - Arnór Jónsson, íslenskur prestur (d. 1853).
• 1797 - Manuela Sáenz, ekvadorsk byltingarkona (d. 1856).
• 1822 - Louis Pasteur, franskur örverufræðingur (d. 1895).
• 1860 - David Bergey, bandarískur læknir (d. 1937).
• 1901 - Marlene Dietrich, þýsk leikkona (d. 1992).
• 1923 - Richard Popkin, bandarískur heimspekisagnfræðingur (d. 2005).
• 1936 - Bjarni Felixson, íslenskur íþróttafréttamaður.
• 1948 - Gerard Depardieu, franskur leikari.
• 1961 - Guido Westerwelle, þýskur stjórnmálamaður (d. 2016).
• 1963 - Claus Meyer, danskur viðskiptafræðingur.
• 1966 - Eva LaRue, bandarísk leikkona.
• 1969 - Gunnar Gunnsteinsson, íslenskur leikari.
• 1969 - Linda Pétursdóttir, íslensk athafnakona.
• 1988 - Hera Hilmarsdóttir, íslenskur leikari.

Dáin

• 1923 - Gustave Eiffel, franskur verkfræðingur (f. 1832).
• 1972 - Lester Pearson, forsætisráðherra Kanada (f. 1897).
• 1986 - Snorri Hjartarson, íslenskt skáld (f. 1906).
• 1996 - Lúðvík Þorgeirsson, íslenskur kaupmaður og formaður Knattspyrnufélagsins Fram (f. 1910).
• 2007 - Benazir Bhutto, pakistanskur stjórnmálamaður (f. 1953).
• 2011 - Michael Dummett, enskur heimspekingur (f. 1925).