Վիքիպեդիա:Ջնջման կանոնակարգ
|
Այս էջը Հայերեն Վիքիպեդիայի կանոնակարգերից և ուղեցույցներից մեկն է, որի նպատակն է օգնել Վիքիպեդիայի համայնքին գործելու համաձայնեցված կերպով՝ ըստ քննարկումների արդյունքում ձեռք բերված պայմանավորվածությունների։ Ուստի կարևոր է էջում փոփոխություն անելուց առաջ խորհրդակցել քննարկման էջում կամ Խորհրդարանում։ |
 Ջնջման կանոնակարգ
|
|---|
| Քննարկման էջեր |
|
|
Վիքիպեդիայի Ջնջման կանոնակարգը նկարագրում է այն ընթացակարգը, որով հեռացվում են Վիքիպեդիայի նվազագույն չափանիշներին չհամապատասխանող էջերը (հոդվածներ, կատեգորիաներ, կաղապարներ և մեդիաֆայլեր)։ Կանոնակարգը նախատեսում է ջնջման երկու ընթացակարգ. համաձայնեցված ջնջում, որի դեպքում ջնջման որոշում է կայացվում առանձին քննարկման արդյունքում, և արագ ջնջում, որի դեպքում էջն անմիջապես հեռացվում է ադմինի կողմից։
Այն հոդվածները, որոնք ունեն անհեթեթ բովանդակություն կամ բոլորովին դատարկ են, կարող են անմիջապես ջնջվել։ Մյուս դեպքերում, հոդվածները ջնջվում են Վիքիպեդիայի համայնքի համաձայնությամբ։
Համաձայնեցված ջնջում
[խմբագրել կոդը]
Ցանկացած մասնակից, ով գտնում է, որ որևէ էջ չի համապատասխանում Վիքիպեդիայի պահանջներին, կարող է ներկայացնել ջնջման առաջարկ։
- Հոդվածը ջնջման ներկայացնելիս մասնակիցը պետք է գրի հոդված ստեղծողի (կամ` հոդվածի վրա առավել շատ աշխատանք կատարած մասնակցի) քննարկման էջում, եթե այն այ-փի հասցե չէ: Հոդվածում պետք է տեղադրվի {{ջնջել}} կաղապարը և նշվի պատճառը կաղապարում ու ՎՊ:ՋԵՀ էջում:
- ՎՊ:ՋԵՀ էջում հոդվածը պետք է մնա առնվազն մեկ շաբաթ, երբ արդյունքը առավել քան պարզ է, և առավելագույնը` մեկ ամիս ժամկետով, երբ իրարամերժ ու հավասարակշիռ կարծիքներ կան:
- Հոդվածը կջնջվի, երբ ջնջման կողմնակիցների փաստարկները առավել ծանրակշիռ են և հոդվածը համապատասխանում է հետևյալ պայմաններից որևէ մեկին՝
- Հանրագիտական նշանակություն չունեցող բովանդակություն,
- Ոչ չեզոք տեսանկյուն. գովազդային կամ քարոզչական բնույթ ունեցող բովանդակություն,
- Ոչ հավաստի տեղեկություններ, աղբյուրների բացակայություն,
- Չափազանց կարճ բովանդակություն (տեղադրվում է {{կարճ էջ}} կաղապարը),
- Մեծ մասամբ ոչ հայերեն կամ ոչ հայատառ բովանդակություն,
- Մեծ մասամբ վատ, անհասկանալի թարգմանություն,
- Ոչ պիտանի կամ ոչ նպատակահարմար կաղապարներ, կատեգորիաներ և ֆայլեր։
- Ջնջման ներկայացված հոդվածի ժամանակը լրանալուց հետո Վիքիպեդիայի փորձառու մասնակիցներից մեկը տալիս է արդյունք, որտեղ նշում է արդյունքի պատճառները, որից հետո ադմինիստրատորը հեռացնում է հոդվածը կամ հանում է ջնջման կաղապարը թողնելու դեպքում: Հոդվածների արդյունքները կարող են բողոքարկվել մասնակիցների կողմից ջնջումից հետո մինչև 7 օրում:
Արագ ջնջում
[խմբագրել կոդը]Այլ դեպքերում, նախապես քննարկելը և համաձայնության գալն անհրաժեշտ չեն։ Այդ դեպքերում էջում պետք է տեղադրել արագ ջնջման պիտակը ({{արագ ջնջել|պատճառը}}), որից սովորաբար կարճ ժամանակ անց էջը կջնջվի ադմիններից մեկի կողմից։
Արագ ջնջման պատճառ կարող են հանդիսանալ հետևյալ դեպքերը.
- վանդալություն, անհեթեթ բովանդակություն ունեցող կամ դատարկ էջեր,
- ոչ ազատ բովանդակության աղբյուրներից «պատճենված-փակցված» տեքստերը (տե՛ս Վիքիպեդիա:Պատճենել-փակցնել),
- ազատ աղբյուրներից «պատճենված-փակցված», առանց վիքիֆիկացման տեքստեր,
- Ոչ յունիկոդային (արմսկի ստանդարտի) դասավորությամբ գրված էջեր,
- Ոչ հայերեն կամ ոչ հայատառ բովանդակություն,
- Մեքենայական թարգմանություն,
- Տառասխալով կամ այլ կերպ սխալ անվանմամբ վերահղումներ (եթե բովանդակությունը փոխադրված է),
- Չօգտագործվող կամ կրկնակօրինակ կաղապարներ, կատեգորիաներ և ֆայլեր (օրինակ Վիքիպահեստից պատճենված պատկերներ)։
Ջնջված էջի վերականգնում
[խմբագրել կոդը]Ջնջված էջը կարող են վերականգնել միայն ադմինները։ Այն մասնակիցները, որոնք համաձայն չեն արդեն կատարված ջնջման փաստի հետ, կարող են ադմիններին խնդրել վերականգնել ջնջված էջը (դիմում կարելի է ներկայացնել Վիքիպեդիա:Ադմինիստրատորների տեղեկատախտակում)։