Andrés Martínez Salazar

Andrés Martínez Salazar

Biografía
Nacemento	8 de febreiro de 1846 Astorga, España
Morte	6 de outubro de 1923 (77 anos) A Coruña, España
Lugar de sepultura	cemiterio de Santo Amaro da Coruña
2º Presidente da Real Academia Galega
12 de maio de 1923 – 6 de outubro de 1923 ← Manuel Murguía – Francisco Ponte Blanco →
Datos persoais
Educación	Escola Superior de Diplomática
Actividade
Ocupación	historiador, editor literario, escritor
Membro de	Real Academia Galega (académico de número) (1905–1923) Cova Céltica Rexurdimento Corpo Facultativo de Arquiveiros, Bibliotecarios e Arqueólogos Real Academia Galega de Belas Artes Real Academia de la Historia
Familia
Cónxuxe	Petra Morás
Fillos	dezanove: Juan, Andrés, Manuel, Eduardo, Fernando, Pilar, Carmen, Carlos, Marcelino, Elena e Isabel.

Andrés Martínez Salazar, nado en Astorga o 8 de febreiro de 1846 e finado na Coruña o 6 de outubro de 1923, foi un historiador, investigador e editor do rexurdimento galego.

Traxectoria

Realizou os seus estudos de Bacharelato en León en 1857, e en 1862 obtivo o título de Bacharel en Artes. En 1863 continuou os seus estudos na Escola Superior de Diplomática na Universidade Central e en 1866 acadou o título de Arquiveiro-Bibliotecario. En 1872 pasou a dirixir o Arquivo Histórico de Galiza da Coruña.

Nesta cidade entrou en contacto co mundo cultural galego, publicando varios traballos sobre temas históricos e filolóxicos. O seu labor editorial foi fundamental para o desenvolvemento da literatura galega do Rexurdimento. Ademais de textos propios da tradición literaria como a Crónica Troiana, a versión galega das Partidas de Afonso X o Sabio ou as Proezas de Galicia de Xosé Fernández de Neira, tamén pasaron pola súa imprenta Los Precursores de Manuel Murguía, El Idioma Gallego de Antonio de la Iglesia, Aires da miña terra de Manuel Curros Enríquez ou Queixumes dos pinos de Eduardo Pondal, dentro da colección Biblioteca Gallega que el mesmo fundou.

Por outra parte, colaborou en Galicia Histórica, foi director da revista Galicia e, á morte de Manuel Murguía, foi nomeado presidente da Real Academia Galega. Así mesmo, en 1889 foi nomeado polo concello da Coruña primeiro cronista oficial da cidade.

Escritor ocasional en lingua galega, a día de hoxe só se conservan catro versos e mais unhas liñas en prosa escritas nesta lingua.

Vida persoal

Imaxe de Martínez Salazar no Almanaque Gallego para 1898.

Casou con Petra Morás, coa que tivo dezanove fillos, entre eles Juan, Andrés, Manuel, Eduardo, Fernando, Pilar, Carmen, Carlos, Marcelino, Elena e Isabel.

Obras

• La Beneficencia en Betanzos en los siglos XVI, XVII y XVIII: memoria de los establecimientos y fundaciones benéficas existentes en aquella antigua ciudad en los expresados siglos (A Coruña: Imp. de José Míguez Peinó, 1888)
• El Cerco de La Coruña en 1589 y Mayor Fernández Pita: apuntes y documentos (A Coruña: Imprenta Ferrer, 1889)
• Homenaje a La Coruña: memoria sobre erigir un monumento en esta capital a la heroína Mayor Fernández da Camara Pita (A Coruña: 1891)
• Los nombres de La Coruña (A Coruña: Imprenta Ferrer, 1899)
• Antigüallas de Galicia: apuntes acerca del origen e historia del artículo definido gallego-portugués (A Coruña: RAG, Imprenta Ferrer, 1907)
• Fragmento de un nuevo códice gallego de Las Partidas (A Coruña: Imprenta Ferrer, 1910)
• Documentos Gallegos de los Siglos XIII al XVI (A Coruña: Imprenta da Casa de Misericordia, 1911)
• El Modio de Puente Punide (A Coruña: Imprenta Ferrer, 1913)
• Documentos gallegos del archivo municipal de La Coruña (A Coruña: Litografía e imprenta Roel, 1915)
• De la Guerra de Independencia en Galicia (Centro Galego de Buenos Aires. Ediciones Galicia, 1953)

Edicións

• En 1893 prologou e reeditou as Proezas de Galicia (1810) de Xosé Fernández Neira, engadindo ilustracións de Román Navarro e Urbano González.

Galería de imaxes

• 
  El cerco de La Coruña en 1589, 1889.
• 
  Antigüallas de Galicia (PDF), 1907.
• 
  Tumba de Andrés Martínez Salazar no cemiterio de Santo Amaro da Coruña.

Véxase tamén

Bibliografía

• Aparisi, Luis M. (2016). Gallegos en la Real Academia Española (PDF) (en castelán). Asociación Cultural da Vieira. 
• Mato Domínguez, Alfonso et al. "MARTÍNEZ SALAZAR, Andrés" en Gran Enciclopedia Galega Silverio CañadaB.

Outros artigos

• Biblioteca Gallega

Predecesor: Manuel Murguía	Presidente da RAG  1923	Sucesor: Francisco Ponte Blanco
Predecesor: Cargo novo	Cronista Oficial da Coruña  1889 - 1923	Sucesor: Uxío Carré Aldao