Vasif Qafarov

Vikipediya, azad ensiklopediya
Naviqasiyaya keç Axtarışa keç
Vasif Qafarov
Vasif Vaqif oğlu Qafarov
Vəzifədədir
23 sentyabr 2024-cü ildən
Seçki dairəsi2024 — 80 saylı Lerik-Astara seçki dairəsi
Şəxsi məlumatlar
Doğum tarixi (42 yaş)
Doğum yeri Lerik rayonu, Cəngəmiran
Milliyyəti azərbaycanlı
Vətəndaşlığı Azərbaycan Azərbaycan
Təhsili Bakı Dövlət Universitetinin Tarix fakültəsi
Fəaliyyəti tarixçi, siyasətçi
Uşağı 3
Dini islam
Elmi fəaliyyəti
Elm sahəsi tarix
Elmi dərəcəsi tarix elmləri doktoru
Elmi adı dosent
İş yeri A.A.Bakıxanov adına Tarix və Etnologiya İnstitutu

Vasif Vaqif oğlu Qafarov (25 yanvar 1982, Cəngəmiran, Lerik rayonu) — Azərbaycan tarixçisi, AMEA Abbasqulu Ağa Bakıxanov adına Tarix və Etnologiya İnstitutunun baş elmi işçisi, tarix elmləri doktoru, dosent, "Azərbaycanlılara qarşı soyqırımı: tarixi və konsepsiyası" elmi qrupunun rəhbəri,[1] Milli Məclisin VII çağırış deputatı.[2]

Həyatı

[redaktə | mənbəni redaktə et]

Vasif Vaqif oğlu Qafarov 1982-ci il yanvar ayının 25-də Lerik rayonunun Cəngəmiran kəndində ziyalı ailəsində anadan olub. 1988-1999-cu illərdə Cəngəmiran kənd orta məktəbində təhsil alıb.

1999-cu ildə Bakı Dövlət Universitetinin Tarix fakültəsinin əyani şöbəsinə qəbul olunub. 2003-cü ildə Tarix fakültəsinin bakalavr pilləsini, 2005-ci ildə isə magistratura pilləsini fərqlənmə diplomları ilə bitirib.

2006-2009-cu illərdə Bakı Dövlət Universitetinin Tarix fakültəsinin əyani doktorantı olub. 2009-cu ildə “Şimali Azərbaycan məsələsi Rusiya-Türkiyə münasibətlərində (1917-1922)” mövzusunda dissertasiya müdafiə edərək tarix üzrə fəlsəfə doktoru elmi dərəcəsini alıb. Azərbaycan Respublikasının Prezidenti yanında Ali Attestasiya Komissiyasının 25 aprel 2017-ci il tarixli qərarı ilə dosent elmi adına layiq görülüb.

2014-2019-cu illərdə AMEA A.A.Bakıxanov adına Tarix İnstitutunun elmlər doktoru istiqaməti üzrə doktorantı olub. V.Qafarov 2022-ci il sentyabrın 30-da "Birinci Dünya müharibəsi illərində Osmanlı imperiyasının Azərbaycan siyasəti" mövzusunda doktorluq dissertasiyasını müdafiə edib. Ali Attestasiya Komissiyasının 23 iyun 2023-cü il tarixli qərarı ilə Vasif Qafarov tarix elmləri doktoru elmi dərəcəsini alıb.[1]

Əmək fəaliyyəti

[redaktə | mənbəni redaktə et]

Vasif Qafarov əmək fəaliyyətinə 2006-cı ildə Bakı Dövlət Universitetində müəllim kimi başlayıb. 2007-2017-ci illərdə Azərbaycan Universitetində müəllim, baş müəllim, dosent vəzifələrində çalışıb.[3]

Vasif Qafarov 2014-2015-ci illərdə Azərbaycan Respublikasının Nazirlər Kabineti yanında “Azərbaycan Respublikası ərazilərinin Ermənistan silahlı qüvvələrinin işğalı nəticəsində itki və tələfatların qiymətləndirilməsi üzrə İşçi Qrupu”nda tarixçi-ekspert vəzifəsində işləyib.

2017-ci ildə AMEA Qafqazşünaslıq İnstitutunda şöbə müdiri, 2017-2023-cü illərdə AMEA A.A.Bakıxanov adına Tarix İnstitutunda aparıcı elmi işçi vəzifələrində çalışıb. 2023-cü ildən indiyədək AMEA A.A.Bakıxanov adına Tarix və Etnologiya İnstitutunda baş elmi işçi, "Azərbaycanlılara qarşı soyqırımı: tarixi və konsepsiyası" elmi qrupunun rəhbəri vəzifəsində çalışır.[3] AMEA A.A.Bakıxanov adına Tarix və Etnologiya İnstitutu nəzdində fəaliyyət göstərən Dissertasiya Şurasının üzvüdür.

Vasif Qafarovun elmi axtarışlarının əsas istiqamətini Azərbaycanın XIX əsr – XX əsrin əvvəlləri dövrü tarixinin müxtəlif məsələlərinin araşdırılması təşkil edir. O, Azərbaycanın XIX-XX əsrlər tarixinin müxtəlif problemlərini əhatə edən elmi əsərlərin yazılmasında, sənədlər toplularının hazırlanmasında iştirak edib. Vasif Qafarov Azərbaycanda və xarici ölkələrdə nəşr olunmuş 12 kitabın və 100-dən çox elmi məqalənin müəllifidir. O, Azərbaycan, Türkiyə, Rusiya, Macarıstan, Monteneqro və digər ölkələrdə keçirilən 30-dan çox beynəlxalq elmi konfransda iştirak edib və elmi məruzələrlə çıxış edib.[3]

Vasif Qafarov 2024-cü il sentyabrın 1-də Azərbaycan Respublikasının Milli Məclisinə keçirilən növbədənkənar parlament seçkilərində 80 saylı Lerik-Astara seçki dairəsindən deputat seçilib.[4] Milli məclisin Regional məsələlər və Elm və təhsil komitəsinin üzvüdür.[5]

Şəxsi həyatı

[redaktə | mənbəni redaktə et]

Vasif Qafarov ailəlidir, üç övladı var.

İstinadlar

[redaktə | mənbəni redaktə et]
  1. ↑ 1 2 Tarixçi Vasif Qafarov Elmlər Doktoru adına layiq görülüb[ölü keçid]
  2. ↑ "VII çağırış Milli Məclisin deputatları - SİYAHI". 2024-09-21 tarixində arxivləşdirilib. İstifadə tarixi: 2024-09-23.
  3. ↑ 1 2 3 "AZƏRBAYCAN MİLLİ ELMLƏR AKADEMİYASI Abbasqulu Ağa Bakıxanov adına TARİX İNSTİTUTU QAFAROV VASİF VAQİF OĞLU". 2024-08-25 tarixində arxivləşdirilib. İstifadə tarixi: 2024-08-25.
  4. ↑ "Mərkəzi Seçki Komissiyası". www.infocenter.gov.az. 2024-09-06 tarixində arxivləşdirilib. İstifadə tarixi: 2024-09-02.
  5. ↑ 80 saylı Lerik - Astara seçki dairəsi - QAFAROV Vasif Vaqif oğlu

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Vasif_Qafarov&oldid=7829732"