4 Oktober

4 Oktober is die 277ste dag van die jaar in die Gregoriaanse kalender (278ste in skrikkeljare). Daar volg nog 88 dae in die res van die jaar.

Gebeure

Die plek van die eerste Goudmyne in Johannesburg

Tupolew Tu-144

• 1159 – Octaviano de Monticelli word gekroon as Pous Victor IV.
• 1209 – Pous Innocentius III kroon Otto IV as keiser van die Heilige Romeinse Ryk.
• 1535 – Die eerste volledige Engelse vertaling van die Bybel is in Zürich, Switserland, gedruk. Die vertaling is deur William Tyndale en Miles Coverdale gedoen.
• 1582 – Donderdag, die laaste dag van die Juliaanse kalender; die volgende dag is Vrydag 15 Oktober 1582.
• 1644 – Pous Innocentius X word gekroon deur kardinaal Carlo de' Medici.
• 1676 – Pous Innocentius XI word gekroon deur kardinaal Francesco Maidalchini.
• 1886 – Amptelike stigtingsdag van die goudstad Johannesburg.
• 1929 – Die oorspronklike Tafelberg kabelkar word in Kaapstad, Suid-Afrika geopen. 'n Verbeterde kar word op 4 Oktober 1997 ingewy.
• 1957 – Rusland lanseer Spoetnik 1, die eerste satelliet wat om die Aarde wentel.
• 1958 – Die Grondwet van die Vyfde Republiek, wat met medewerking van Charles de Gaulle en Michel Debré geskryf is, word aanvaar.
• 1966 – Lesotho word van die Verenigde Koninkryk onafhanklik.
• 1984 – Die laaste volledige Tupolev Tu-144, die eerste supersoniese passasiersvliegtuig ter wêreld, wat deur die Sowjetse vliegtuigbouer Aleksej Andrejewitsj Tupolev ontwikkel is, word in diens geneem.
• 1997 – Tafelberg kry 'n nuwe kabelkar op sy sweefspoor, wat in die rondte kan draai vir beter uitsig.

Geboortes

• 1289 – Koning Lodewyk X van Frankryk († 1316).
• 1822 – Rutherford B. Hayes, 19de President van die Verenigde State († 1893).
• 1836 – Piet Cronjé, Suid-Afrikaanse militaris en Boeregeneraal († 1911).
• 1875 – Gustav Preller, joernalis, redakteur en geskiedskrywer († 1943).
• 1895 – Buster Keaton, Amerikaanse akteur († 1966).
• 1916 – Anton Rupert, Suid-Afrikaanse entrepreneur, sakeman en omgewingsbewaarder († 2006).
• 1916 – Vitaly Ginzburg, Russiese fisikus en Nobelprys vir Fisika-wenner († 2009).
• 1923 – Charlton Heston, Amerikaanse akteur († 2008).
• 1928 – Alvin Toffler, Amerikaanse futuris, joernalis en skrywer († 2016).
• 1931 – Richard Rorty, Amerikaanse filosoof († 2007).
• 1938 – Kurt Wüthrich, Switserse chemikus en Nobelprys vir Chemie-wenner.
• 1941 – Jackie Collins, Britse skryfster († 2015).
• 1946 – Susan Sarandon, Amerikaanse aktrise.
• 1976 – Alicia Silverstone, Amerikaanse aktrise.

Sterftes

• 1669 – Rembrandt van Rijn, Nederlandse skilder. (* 15 Julie 1606)
• 1871 – Sarel Cilliers, Voortrekker-leier (* 1801)
• 1919 – Petrus Postma, Suid-Afrikaanse predikant en Christelike onderwysaktivis (* 1854).
• 1947 – Max Planck, Duitse fisikus (* 1858)
• 1957 – Jacob Hendrik Pierneef, Suid-Afrikaanse skilder (* 13 Augustus 1886)
• 1970 – Janis Joplin, Amerikaanse sangeres
• 1979 – Gerard Rissik, ’n Suid-Afrikaanse bankier en die vierde president van die Suid-Afrikaanse Reserwebank (* 1903).
• 1999 – Sir De Villiers Graaff, leier van die Verenigde Party (1956 tot 1977) (* 1913).

Gepubliseer

Teologie

• 1833 – Quo Graviora: Oor die pragmatiese konstitusie - deur Pous Gregorius XVI.