Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Dinsdag, 1 Oktober 2024 Hier is tans 118 723 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Die Papoea-Nieu-Guinese nasionale krieketspan (Engels: Papua New Guinea national cricket team), met die bynaam Barramundis, is die nasionale krieketspan wat Papoea-Nieu-Guinee in internasionale krieket verteenwoordig. Hulle word bestuur deur Krieket PNG (CPNG, van Engels: Cricket PNG) en het in 1973 ’n assosiaatlid van die Internasionale Krieketraad (IKR) geword. Ná hul vierde plek tydens die Krieketwêreldbekerkwalifisering 2014 is aan Papoea-Nieu-Guinee EDI-status toegeken. In Maart 2018 was Papoea-Nieu-Guinee beide sy EDI- en T20I-status kwyt, nadat hulle in die uitspeelwedstryd van die Krieketwêreldbekerkwalifisering 2018 deur Nepal verslaan is, waardeur hul opponent op sy beurt EDI- en T20I-status ontvang het. Op 26 April 2019 het Papoea-Nieu-Guinee in die eindstryd van die Wêreldkrieketliga se afdeling twee Oman verslaan en sodoende in die vierde plek geëindig en hul EDI-status herwin.

Papoea-Nieu-Guinee is die sterkste span sonder toetsstatus in die IKR Oos-Asië-Pasifiek-streek en hulle het die meeste plaaslike IKR-toernooie gewen en beskik oor ’n soortgelyke rekord in die Stille Oseaan-spele se kriekettoernooi. Die span het ook aan elke Krieketwêreldbekerkwalifisering (voorheen die IKR-trofee genoem) deelgeneem, maar kon nie vir ’n krieketwêreldbekertoernooi kwalifiseer nie. Papoea-Nieu-Guinee hou die wêreldrekord vir die hoogste telling in ’n EDI-wedstryd, nadat hulle in 2007 572/7 teen Nieu-Kaledonië aangeteken het.

In April 2018 het die IKR besluit om aan al sy lede volle T20I-status toe te ken. Vervolgens sal al die T20I-wedstryde wat Papoea-Nieu-Guinee ná 1 Januarie 2019 teen ander IKR-lede speel, as ’n volle T20I erken word. Papoea-Nieu-Guinee is tans (September 2024) 20ste op die Twintig20-wêreldranglys.

...lees verder

In die nuus

In Parys, Frankryk, is die Paralimpiese Somerspele 2024 met 'n skouspelagtige sluitingseremonie beëindig.
Tydens die VSA-Ope wen die Belarussiese tennisspeler Aryna Sabalenka haar derde Grand Slam-toernooi, terwyl die Italiaanse tennisspeler Jannik Sinner sy tweede toernooi inpalm.
Mandisa Maya het Raymond Zondo opgevolg as Hoofregter in die Konstitusionele Hof van Suid-Afrika.
Die 2024-Rugbykampioenskapreeks tussen die nasionale spanne van Argentinië, Australië, Nieu-Seeland en Suid-Afrika word deur die Springbokke gewen; gelyktydig word die Stille Oseaan-nasiesbeker tussen Fidji, Japan, Kanada, Samoa, Tonga en die Verenigde State beslis.
Tydens die 46ste sessie in Delhi, Indië, lys die Unesco onder ander die Appiese Weg, die Lençóis Maranhenses Nasionale Park, die Marquesaseilande, Morawiese kerkstede en Schwerin as nuwe wêrelderfenisgebiede.

Het u geweet...

... dat die Franse sneltrein TGV die vinnigste trein ter wêreld is? Die trein bereik gereeld 'n snelheid van 320 km/h, maar het in 'n toetsrit in 1990 'n rekordsnelheid van 515,3 km/h behaal.

... dat Hattie McDaniel die eerste Afro-Amerikaner is wat 'n Oscar gewen het?

... dat Pretoriabrug 'n hefbrug in Ottawa, Kanada is? Dit is vernoem na Pretoriastraat wat in 1902 van Janestraat hernoem is om die Britse oorwinning in die Anglo-Boereoorlog te vier.

... dat Rosamund Everard-Steenkamp die eerste vrou is wat 'n Spitfire en straalvliegtuig gevlieg het?

... dat 'n mens baguettes van gehalte in stede soos Phnom Penh in Kambodja kan koop? Kambodja was 'n protektoraat van Frankryk van 1863 tot 1953 en die Franse invloed is steeds te bespeur in die land se kookkuns, waar geroosterde baguettes dikwels saam met kerriegeregte geëet word.

Vandag in die geskiedenis

1 Oktober: Nasionale stigtingsdag in die Volksrepubliek China; Onafhanklikheidsdag in Nigerië en Siprus (albei 1960), Tuvalu (1978) en Palau (1994); Verenigingsdag in Kameroen (1961).

1795 – België word deur Frankryk ingeneem.
1800 – Spanje staan 'n deel van Noord-Amerika wat as Louisiana bekend gestaan het aan Frankryk af in die Verdrag van San Ildefonso.
1958 – Die Amerikaanse ruimte-agentskap Nasa word amptelik gestig om die NACA te vervang.
1969 – Die Frans-Britse supersoniese vliegtuig die Concorde oorskry vir die eerste keer Mach 1.
1997 – Die Suid-Afrikaanse Inkomstediens word in die lewe geroep met die inwerkingtreding van die Wet op die Suid-Afrikaanse Inkomstediens (Wet 34 van 1997).