តាក់ស៊ីអគ្គិសនី៖ តើរដ្ឋគួរតែថ្លឹងថ្លែងបែបណា ដើម្បីជៀសផលរំខានដល់អ្នកសេដ្ឋកិច្ចក្រៅប្រព័ន្ធ?
ចុះផ្សាយនៅថ្ងៃ៖
ស្តាប់ - ១១:០៨
អ្នកធ្វើការខាងសេដ្ឋកិច្ចក្រៅប្រព័ន្ធចង់ឃើញរដ្ឋាភិបាលកម្ពុជាបញ្ជាក់ដាច់ណាត់ថា «មិនអនុញ្ញតជារៀងរហូតឲ្យក្រុមហ៊ុនបរទេសមករត់តាក់ស៊ីអគ្គិសនីនៅកម្ពុជា»។ ការចង់ឃើញជំហរដាច់ណាត់នេះ គឺបន្ទាប់ពីប្រមុខរដ្ឋាភិបាលបានចេញប្រកាសផ្ទាល់មាត់ថា មិនបានអនុញ្ញាតឲ្យក្រុមហ៊ុនវៀតណាម ឬក្រុមហ៊ុនបរទេសណា មកវិនិយោគរត់តាក់ស៊ីរថយន្តអគ្គិសនីនៅកម្ពុជាទេ។ គឺជាការអះអាងបន្ទាប់ពីមានប្រតិកម្មពីអ្នកប្រកបរបររត់តាក់ស៊ីមួយចំនួន។ សម្រាប់ អ្នកប្រកបរបរសេដ្ឋកិច្ចប្រព័ន្ធ ការមិនអនុញ្ញាតឲ្យក្រុមហ៊ុន បរទេសមកដណ្តើមមុខរបរពលរដ្ឋកម្ពុជា គួរតែត្រូវបានចែងក្នុងគោលនយោបាយជាតិ ដោយគ្មានការប្រែប្រួលនៅពេលខាងមុខ។
