Djeyografeye

Po des linwincieusès racsegnes sol mot "djeyografeye", alez s' vey sol Wiccionaire

Li djeyografeye, c' est l' syince ki discrît tot çou k' i gn a sol Daegne.

Li sincieus k' el situdeye, c' est on (ene) djeyografe.

Årtikes di djeyografeye do Wikipedia walon

Loukîz a : Djeyografeye

Rilomés djeyografes

Mercator

Dins les belès-letes e walon

Dins Li ptit prince, li mwaisse persounaedje rescontere on djeyografe. Gn a la kékes esplikêyes (a môde di baltreye) so çou k' esteut ç' mestî la:

- C’ est cwè, di ç’ gros live la ? derit i li Ptit Prince. Ki fjhoz cial ?
- Dji so djeyografe, derit i l’ vî ome.
- C’ est cwè d’ on djeyografe ?
- C’ est on sincieus ki sait bén eyu çk’ ele sont les mers, les aiwes, les veyes, les cresses eyet les dzerts.
- Vola åk d’ interessant. Vola on vraiy mestî, po fini !
Et i tapa on côp d’ ouy åtoû d’ lu, sol planete do djeyografe. I n’ aveut co måy veyou ene si madjestiveuse bole.
- Elle est mo bele, vosse bole. Gn a-t i des oceyans ?
- Dji nel såreu dire, derit i l’ djeyografe.
- A ! (Li Ptit Prince esteut djondou.) Et des cresses ?
- Dji nel såreu dire.
- Eyet des veyes, des aiwes, des wastenes ?
- Dji nel såreu dire nerén, derit i li djeyografe.
- Mins vos estoz on djeyografe !
- C’ est djusse, mins dji n’ so nén èn esploreu. Dji n’ a nén èn esploreu. Ci n’ est nén l’ djeyografe ki va conter les veyes, les aiwes, les cresses, les mers, les oceyans eyet les dzerts. Li djeyografe, c’ est ene sakî di trop consecant po-z aler rôler håre et hote. I n’ mousse måy foû di s’ buro. Mins il î rçût les esploreus. I lzî dmande cwè et come, eyet i scrît totes leus sovnances. Eyet si les sovnances d’ onk di zels lyi avizèt interessantes, li djeyografe fwait fé des rcweraedjes sol morålité di l’ esploreu.
- Douvént don ?
- Pask’ èn esploreu ki mintixhreut amoennreut des måleurs dins les lives di djeyografeye. (…) Ça fwait ki, cwand on pinse ki l’ morålité di l’ esploreu est boune, on fwait des rcweraedjes so çou k’ il a discovrou.
- On va vey ?
- Neni, c’ est trop målåjhey. Mins on-z oblidje l’ esploreu a-z apoirter des prouves. Metans ki, s’ il a discovrou ene grosse montinne, on l’ oblidje a ndè rapoirter sacwantès grossès pires.^[1]