Leucine
![](http://upload.wikimedia.org/wikipedia/commons/thumb/2/29/L-leucine-skeletal.png/180px-L-leucine-skeletal.png)
![](http://upload.wikimedia.org/wikipedia/commons/thumb/c/cc/L-leucine-3D-sticks.png/160px-L-leucine-3D-sticks.png)
Leucine es een natuurlyk aminozuur. Et weirdt ofgekort mè Leu of L. De vorme die et meeste vorekomt is L-leucine, D-leucine komt by de meer exotische soortn vore.
Chemische structuur
[bewerkn | brontekst bewerken]Leucine bestoat uut nen ôofdkeetn en nen zykeetn gelyk olle natuurlyke aminozuurn. De ôofdkeetn eit een aminogroep an n'êne en nen carboxylgroep an n'andere ant, mè doartussn een carbongroep. De zykeetn bestoat uut een ofgetakte koolwoaterstofverbindienge mè chemische formule -CH2CH(CH3)2. Ge zoet dus keun zeggn da leucine nen valine es mè een extra -CH2- tussngepropt. Leucine es isobaar mè isoleucine, z'ein olletwêe een massa van 131.18 g/mol. Da makt da je ze nie van elkoar keun onderscheidn mè massa-spectrometrische techniekn, en daje chromatografische techniekn moe gebruukn.
Fysische karakteristiekn
[bewerkn | brontekst bewerken]Leucine beôort by de hydrofobe amninozuurn, deurda de zykeetn allêne moar bestoat uut koolwoaterstoffn. Doardeure zul'd je leucine mêestol vindn in't binneste van een proteïne, of an de butenkant at over de transmembraanregio van een eiwit goat.
Vôorkoomn en (bio)synthese
[bewerkn | brontekst bewerken]Leucine es een essentieel aminozuur voo bêestn, wa wil zeggn da je et moe binnkrygn via uw eetn. Ge keunt leucine ippakkn deur et eetn van eiers, kiekevlêes, vlêes van runders, sojabôonn en groensel. In plantn en micro-organismn weirdt et angemakt vanuut pyrodruuvezuur, et eindproduct van de glycolyse.
Genetische code
[bewerkn | brontekst bewerken]Leucine weirdt gecodeerd deur de codons UUA, UUG, CUU, CUC, CUA, en CUG.
De 20 natuurlyke aminozuurn | ||
Alanine | Arginine | Asparagine | Aspartic acid | Cysteine | Glutamic acid | Glutamine | Glycine | Histidine | Isoleucine | Leucine | Lysine | Methionine | Phenylalanine | Proline | Serine | Threonine | Tryptophan | Tyrosine | Valine |