Parainen
Lidnanznam![]() | |
Valdkund | Suomenma |
Eläjiden lugu (2020-01-01) | 15,105 ristitud |
Pind | 5,548,14 km² |
![]() | |
Pämez' | Patrik Nügren (viluku 2015—. Patrik Nygrén) |
Telefonkod | +358- |
Aigvö | tal'vel UTC+2, kezal UTC+3 |
![](http://upload.wikimedia.org/wikipedia/commons/thumb/2/2e/Saaristo_Parainen.png/250px-Saaristo_Parainen.png)
Parainen (mugažo suomen kelel, roč.: Pargas) om Suomenman lidn da lidnankund Suvipäivlaskmaine Suomenma-agjas. Se om agjan kahesanz' lidn eläjiden lugun mödhe üks'toštkümnespäi.
Istorii
[vajehta | vajehtada lähtetekst]Vikingad oliba saril 9. voz'sadaspäi. Kätihe kundad lidnanvuiččeks (suom.: kauppala) vl 1948. Ühtenzoittihe Paraisten-kundanke vl 1967. Parainen-kund sai lidnan statusad (kaupunki) vl 1977. Sätihe ut Vestobuland-lidnad (roč.: Väståboland), se-žo Länsi-Turunmaa (suomen nimituz), neniden kundoiden ühtištusel vspäi 2009: Nauvo (Nagu), Korppoo (Korpo), Houtskari (Houtskär), Iniö i Parainen-lidn (Pargas). Kaikiden niiden tulendad mainitasoiš 14.-16. voz'sadaspäi. Lidn nimitase nügüdläižikš vspäi 2012 referenduman satusiden mödhe.
Parainen šingotase «Finnsementti»-kompanijan cementtegimel mouckiven löudmižsijanno, tegesiden mouckivespäi pästandal («Nordkalk»), laivansauvomižen edheotandal i laivoiden navigacijal.
Geografijan andmused
[vajehta | vajehtada lähtetekst]Lidn sijadase agjan keskuzpalan suves, Baltijan meren sariden randoil. Matkad agjan Turku-keskushesai om 17 km pohjoižhe orhal vai 24 km avtotedme. Matkad Hel'sinki-pälidnhasai om 146 km päivnouzmha orhal vai 173 km avtotedme. Toižed lähembaižed lidnad oma Kaarin 14 km pohjoižhe orhal vai avtotedme i Paimio 28 km pohjoižpäivnouzmha orhal vai 35 km avtotedme.
Vl 2020 lidnankundan ühthine pind — 5548,14 km², sidä kesken kuivma 883,12 km², vezi da sokaz tahond ottas 10,10 nellikkilometrad, meri — 4654,92 km².
Eläjad
[vajehta | vajehtada lähtetekst]Vl 1980 eläjiden lugu oli 14 563 ristitud, vl 2010 — 15 501 ristitud. Kaikiš suremb ristitišt oli 15 712 eläjad vl 1990. Ristituiden kaks' koumandest elädas lidnankundan keskuses.
Mamankelen mödhe (2016): suomen kel' — 41,7%, ročin kel' — 55,6%, toižed keled — 2,7%.
Galerei
[vajehta | vajehtada lähtetekst]-
Lidnan kirjišt
vl 2012 -
Parainenan lüteranine jumalanpert'
(vn 2015 nägu) -
Cementtegim
(2015) -
Kodirandantedištandmuzei
-
Lidnan valdmad torgusenno (2008)
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]- Lidnan ohjastusen sait (pargas.fi). (roč.) (suom.) (angl.)
![]() |
Parainen Vikiaitas |