Kauhajogi (lidn)

Kauhajogi
Kauhajoki (suom. i roč.)
	Lidnanznam;
Valdkund	Suomenma
Eläjiden lugu (2024)	12,564 ristitud
Pind	1,315,54 km²
Pämez'	Niku Latva-Pukkila; (2021—)
Telefonkod	+358-
Aigvö	tal'vel UTC+2,; kezal UTC+3

Kauhajogi (suom. i roč.: Kauhajoki, suomen virkand: [ˈkɑu̯ɦɑˌjo̞ki]) om Suomenman lidn da lidnankund valdkundan suvipäivlaskmas. Se om Suvipohjanma-agjan videnz' lidnankund kahesaspäi eläjiden lugun mödhe.

Istorii

Eländpunkt mainitase 16. voz'sadaspäi, časoun' om olmas vspäi 1584. Municipalitetan aluz om pandud vl 1868. Suomenman parlament sijazihe kundas pordaigaližešti Tal'vsodan aigan, tegi 34 ištundad koumes kus. Kund sai lidnan statusad (suom.: kaupunki) vl 2001.

Kauhajogi šingotase laudoiden pästandal tehmižsauvondan täht («CLT Plant Oy»), torguindal (severz'-se järedoid torguindkeskusid) i plastmasstegesiden pästandal («Serres Oy»: imimed läžundkodin operaciihonusiden täht, fansisteman fitingad), mugažo «Suupohjan Osuuspankki»-bankan päfater radab lidnas.

Geografijan andmused

Lidn sijadase agjan suvipäivlaskmas, ühtennimižen jogen randoil (suom.: Kauhajoki 73 km pitte, Kürönjogen bassein).

Matkad lidnaspäi agjan Seinjogi-keskushesai om 52 km pohjoižpäivnouzmha orhal, 58 km avtotedme vai raudtedme, Hel'sinkihesai om 290 km suvipäivnouzmha orhal, 345 km avtol vai raudtel. Lähembaižed lidnad oma Kurikk 24 km pohjoižpäivnouzmha avtol vai jonusel, Närpes i Kaskinen (Pohjanma) 50 km päivlaskmha avtotedme.

Vn 2022 andmusiden mödhe lidnankundan ühthine pind om 1315,54 km², sidä kesken kuivma — 1298,99 km², vezi i sokaz tahond ottas 16,55 nellikkilometrad.

Tobmuz

Kauhajogin municipaline suim kogoneb 35 ezitajaspäi.

Edeližed lidnan pämehed oma Linda Leinonen (uhoku 2018 — 2021), Keijo Kuja-Lipasti (2009−2017).

Eläjad

Vl 1980 lidnankundan eläjiden lugu oli 14 946 ristitud, vl 2000 — 14 831 ristitud, vl 2010 — 14 269 ristitud, vl 2020 — 13 187 ristitud. Kaikiš suremb kundan ristitišt oli 19 027 eläjad vl 1950 i 15 643 eläjad vl 1990. Ristituiden kaks' koumandest elädas lidnankundan keskuses.

Mamankelen mödhe (2016): suomen kel' — 97,5 %, ročin kel' — 0,3 %, toižed keled — 2,2 %.