Tabiat muzeyi
Oʻzbekiston davlat tabiat muzeyi yoki Tabiat muzeyi— Markaziy Osiyodagi dastlabki yirik ilmiymaʼrifat muassasasi. "Toshkent muzeyi" nomi bilan 1876 y. Toshkent shahrida tashkil etilgan. 1921 yilda muzey qad. yodgorliklarni saqlash, sanʼat va tabiat ishlari boʻyicha qoʻmita tasarrufiga oʻtkazilib, Oʻrta Osiyo bosh muzeyi nomini oldi. 1930 yilda tabiat boʻlimlari, qishloq xoʻjaligi. muzeyi hamda Zoologiya bogʻi bilan birga Oʻrta Osiyo tabiat muzeyi va ishlab chiqaruvchi kuchlar nomi berildi. 1935 y. yanvar oyida Oʻzbekiston Davlat tabiat muzeyiga aylantirildi. 1944 yildan muzey boy ilmiy fondlarni sak,laydigan muassasa sifatida Oʻzbekiston FA tizimiga, 1963 yildan esa Oʻzbekiston madaniyat ishlari vazirligi ixtiyoriga oʻtkazildi. Muzeyda zoologiya va botanika; geol. va geog .; ilmiymaʼrifiy; fond yoki jam/arma boʻlimlari bor. Muzey koʻrgazma zallariga Yerda hayotning paydo boʻlishi va rivojlanishi, organik dune evolyutsiyasi, odamning paydo boʻlishi, respublika tabiati va uning boyliklari, ulardan foydalanish toʻgʻrisida koʻplab tabiiy eksponatlar, kolleksiyalar va koʻrgazmali materiallar qoʻyilgan.
Muzeyda jami 372021, jumladan botanika boʻyicha 10496, zoologiya boʻyicha 359642 (shundan 355045 hasharotlar), geol. boʻyicha 1883 eksponat bor (2004). Muzeyda oʻlkashunoslik va muzeyshunoslik masalalari boʻyicha ilmiy tadqiqot ishlari qam olib boriladi. Muzeyni har yili 50 mingdan ortiq kishi kirib koʻradi.
Yana q.
[tahrir | manbasini tahrirlash]- Oʻzbekiston tarixi davlat muzeyi
- Oʻzbekiston Davlat Sanʼat muzeyi
- Oʻzbekiston sogʻliqni saqlash muzeyi
![]() | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
![]() | Bu andozani aniqrogʻiga almashtirish kerak. |