Biatlon

Biatlon (bi… va yunoncha athlon—musobaqa)—qishki sport turi, changʻida yugurish va maʼlum marralarga kelib miltiqdan otish, yaʼni ikki marta (changʻi poygasi va otishda) musobaqalashish. Biatlon XVII-asr 70- yillarida Norvegiyada paydo boʻldi. 1718-yil Shvetsiya-Norvegiya urushida jang maydonida toʻliq qurollangan biatlonchilar boʻlgan. Haligacha Norvegiyaning Lillehamer shahri gerbida oʻqchi-changʻichining tasviri bor. Biatlon koʻp vaqtgacha „harbiylar sporti“ hisoblab kelingan. 1948-yilda Xalqaro zamonaviy beshkurash va biatlon uyushmasi (UIPMB) tuzildi, unga 70 dan ortiq mamlakat aʼzo (1991). 1958-yildan jahon chempionligi uchun musobaqalar oʻtkaziladi, 1960-yildan qishki olimpiya oʻyinlari dasturiga kiritilgan. 1984-yildan (Fransiya) ayollar oʻrtasida jahon chempionati oʻtkaziladi.

Adabiyotlar

• OʻzME. Birinchi jild. Toshkent, 2000-yil