Гөлназ Нәүмәтова

Гөлназ Нәүмәтова
Туганда бирелгән исеме:	Гөлназ Шәүкәт кызы Нәүмәтова
Туу датасы:	22 декабрь 1980(1980-12-22) (43 яшь)
Туу җире:	ССРБ, РСФСР, ТАССР, Питрәч районы, Ленино-Кокушкино
Һөнәре:	драма актеры
Гражданлыгы:	ССРБ ССРБ→ РФ
Активлык еллары:	2003 – х. в.
Бүләк һәм премияләр:

Тышкы рәсемнәр
	Фотосурәтләре.

Гөлназ Нәүмәтова, Гөлназ Шәүкәт кызы Нәүмәтова (1980 елның 22 декабре, ССРБ, РСФСР, ТАССР, Питрәч районы, Ленино-Кокушкино) — драма артисты, Кәрим Тинчурин исемендәге Татар дәүләт драма һәм комедия театры актрисасы (2003 елдан). Татарстанның атказанган артисты (2013).

Тәрҗемәи хәле

1980 елның 22 декабрендә Питрәч районы Ленино-Кокушкино авылында туган. Әнисе һәм үги әтисе Михаил тәрбиясендә үскән. Ленино-Кокушкино урта мәктәбен, Казан дәүләт мәдәният һәм сәнгать университетының режиссура бүлеген тәмамлаган (2003). 2003 елдан Кәрим Тинчурин исемендәге Татар дәүләт драма һәм комедия театрында хезмәт итә.

Иҗаты

Амплуасы — характерлы образлар. Театрда башкарган беренче роле — Лек Вәлиевның «Париж егете Әлфәнис» комедиясендә Сәвия. Үзенә тапшырылган беренче роле — Мансур Гыйләҗевның «Бала баласы балдан татлы» спектаклендә Нәфисә. Тамашачыга таныткан роле — Туфан Миңнуллиннның «Төш» спектаклендәге Елена (төп роль).

Әлмәттә яраткан бер артистым бар иде – Дамирә Кузаева. Аңа бу сүзләрне әйткән идем, сиңа да кабатлыйм: «Сакла йөрәгеңне! Нигә моның кадәр бирелеп уйныйсың ?» Туфан Миңнуллин

Телевидениедә (ТНВ) «Җырлап татарча өйрәнәбез» тапшыруын алып барган. Шаян ТВның дубляж бүлегендә эшли, мультфильмнарга тавыш яздыруда катнаша. Күчмә ЗАГСлар, кчә-концертлар алып бара. Новосибирск өлкәсендә Себер татар яшьләре фестивалендә актерлык, сәхнә теле осталыгы буенча дәресләр үткәрә.

Фильмография

• 2015 — Ак чәчәкләр — Чибәркәева.

Башкарган кайбер рольләре

• Нәгыймә — «Хаҗи әфәнде өйләнә» Шәриф Камал
• Фатыйма — «Сүнгән йолдызлар» Кәрим Тинчурин
• Гөлнар — «Җилкәнсезләр» Кәрим Тинчурин
• Дилбәр — «Американ» Кәрим Тинчурин
• Наташа — «Кояш төшмәгән җирдә» Максим Горький
• Фәхрия — «Башмагым JAZZ» Таҗи Гыйззәт, Җәүдәт Фәйзи
• Марзия — «Чулпан» Шәриф Хөсәенов
• Миләүшә — «Гөлшаян» Мирсәй Әмир
• Йолдыз — «Туй алдыннан» Хәй Вахит
• Гөлчәчәк — «Мәхәббәт чишмәсе» Исламия Мәхмүтова һ. б.

Гаилә хәле

Аерылган. Улы Әмирхан (2009).

Бүләкләре, мактаулы исемнәре

• 2013 — Татарстанның атказанган артисты
• 2013 — «Тантана» театраль премиясе лауреаты — «Актерлар ансамбле» номинациясендә

Әдәбият

• Харис Закиров. «Мин Алла Пугачева булам» 2016 елның 19 август көнендә архивланган.. «Шәһри Казан», 24.04.2012
• Лилия Йосыпова. Гөлназ Нәүмәтова: «Һинд кинолары йогынты ясады». «Ирек мәйданы», 2019 ел, 5 сентябрь, 7нче бит.

Сылтамалар

• Нәүмәтова Гөлназ Шәүкәт кызы. 2016 елның 26 март көнендә архивланган. Тинчурин театры сайты
• Ольга Шәрипова. Туган җирем монда булу белән горурланам. «Алга», 21.03.2019