Ганҗә Әхмәдиева
| Ганҗә Әхмәдиева | |
|---|---|
| Туган телдә исем | Ганҗә Галим кызы Әхмәдиева |
| Туган | 16 июль 1944 СССР, РСФСР, ТАССР, Чаллы районы, Актүбә[1] |
| Үлгән | 17 октябрь 2021 (77 яшь) РФ, ТР, Түбән Кама |
| Милләт | татар |
| Ватандашлыгы |  СССР→ РФ |
| Һөнәре | төзүче-буяучы |
| Бүләк һәм премияләре | Социалистик Хезмәт Каһарманы |
Ганҗә Әхмәдиева, Ганҗә Галим кызы Әхмәдиева (1944 елның 16 июле, СССР, РСФСР, ТАССР, Чаллы районы, Актүбә — 2021 елның 17 октябре, РФ, ТР, Түбән Кама) — Социалистик Хезмәт Каһарманы (1980), Түбән Каманың мактаулы гражданины (2021).
Биографиясе
[үзгәртү | вики-текстны үзгәртү]Татарстан АССРның Чаллы районы Актүбә (хәзер Түбән Кама шәһәре эчендә калган) авылында туган[2].
Хезмәт эшчәнлеген 1955 елда Актүбәдә, малярга укып башлаган. 1955-1961 елларда «Татнефтепромстрой»ның 3 нче СМУда маляр булып эшли. 1961 елда ул әле төзелә генә башлаган Түбән Кама шәһәренә күчеп килә. Башта маляр булып эшли, аннан бригадир итеп билгеләнә. Гәнҗә Галим кызы бик күп объектларда: Техника йорты, Муса Җәлил исемендәге кинотеатр, «Кама» кунакханәсе, «Нефтехим» эстакадасы, Бигеш аэропорты төзелешендә эшләгән. 1992 елга кадәр Г. Әхмәдиева «Түбән Кама Нефтехим»ҖБ буяучылар бригадиры булып эшли[3].
Иҗтимагый эшчәнлек белән шөгыльләнгән - СССР Энергетика һәм электрлаштыру министрлыгының һөнәр берлеге өлкә комитеты әгъзасы һәм Советлар Союзы профсоюзларының бер съездыннан делегат. Хәзерге вакытта ул пенсиядә, Түбән Камада яши.
Әхмәдиеваның әтисе Әхмәтгалим Габдрахман улы да орден иясе: 1936 елда аңа, Татарстан АССРның иң яхшы терлекчесе буларак «Бөтенсоюз старостасы» орденын, шәхсән Михаил Калинин тапшыра[4].
2021 елның 17 октябрендә Түбән Камада вафат. Шәһәр зиратының мактаулы гражданнары аллеясында җирләнә[5]
Бүләкләре
[үзгәртү | вики-текстны үзгәртү]- Җиде еллык план нәтиҗәләре буенча (1959-1965 еллар) «Хезмәт батырлыгы өчен» медале белән бүләкләнде
- VIII бишьеллык йомгаклары буенча Хезмәт Кызыл Байрагы ордены белән бүләкләнде
- IX бишьеллык планнарын үтәгән өчен Октябрь революциясе ордены тапшырдылар
- X бишьеллыкта (1975-1980 елларда) эшләгән өчен «Татарстан АССРның атказанган төзүчесе» дигән мактаулы исем бирелде
- 1980 елда Г.Г. Әхмәдиева Ленин ордены белән Социалистик Хезмәт Герое исемен ала
Искәрмәләр
[үзгәртү | вики-текстны үзгәртү]- ↑ хәзер Түбән Кама шәһәре составында
- ↑ В Нижнекамске с юбилеем поздравили первостроителя Г. Ахмадиеву, archived from the original on 2016-03-04, retrieved 2021-03-15
- ↑ Ахмадиева Гаизя Галимовна
- ↑ Бригадир. Герой. Женщина. Мама., archived from the original on 2016-03-04, retrieved 2021-03-15
- ↑ Түбән Камада Социалистик Хезмәт Герое Ганҗә Әхмәдиева вафат. Татар-информ, 17.10.2021
Чыганаклар
[үзгәртү | вики-текстны үзгәртү]- Ахмадиева Ганзя Галимовна 2020 елның 20 февраль көнендә архивланган.
