Austrália

Rai Austrália (naran ofisiál Komunidade Austrália nian) maka rai boot liuhotu Oseania nian, ne'ebé okupa nusa Austrália hotu nian no nusa oioin viziñu, hanesan Tazmánia. Kontinente-nusa, hela iha Oseanu Índiku, ba tasi-mane no loromonu, Tasi Timór, Tasi Arafura e Estreitu Torres, a norte, e Tasi Ahu-Ruin no Tasi Tazmánia, ba lorosa'e. Rai mós iha fronteira tasi ho Indonézia, Timór Lorosa'e no Papua Giné Foun, ba tasi-feto, no ho territóriu fransés da Kaledónia Foun, ba lorosa'e, no Zelándia Foun ba sudeste . Kapitál: Kamberra.

Istória

Rai-Austrália halo parte kontinente foun liuhotu mundu nian - a Oseania. Maske aboríjene hela iha rai liuduké tinan 40 000, nia sékulu rua ikus de'it ne'ebé ema europeu hahú ninia kolonizasaun.

Europeu sira la tau kontinente ne'ebá iha sira-nia mapa mundu leten. Portugés no olandés sira nunka fó konsiderasaun ida ba kolonizasaun Austrália nian, maibé iha tinan 1770, espedisaun sientífika ida hosi Kapitaun britániku James Cook komesa esplorasaun no kolonizasaun kontinente nian.

Britániku sira hakiak sira-nia kolónia uluk iha rai-Austrália tinan 1788, ne'ebé naran Gales Foun Súl (New South Wales). Gales Foun Súl ne'e nakfahe iha kolónia seluk, hanesan Queensland, Vitória no Tazmánia. Parte seluk Austrália nian nakfahe iha kolónia Austrália Loromonu no Austrália Tasi-Mane.

Iha tinan 1901, kolónia neen iha rai-Austrália naklibur nu'udar federasaun naran Komunidade Austrália nian (Commonwealth of Australia).

Polítika

Rai-Austrália monarkia konstitusionál ho rejime parlamentarista. Liurai-feto Reinu Naklibur nian, Isabel II, mós Liurai-feto Austrália nian. Governadór jerál reprezenta Liurai-feto , maibé ema barak iha rai apoia repúblika ida, ho Prezidente australianu nu'udar xefe estadu Austrália nian.

Primeiru ministru maka xefe governu Austrália nian. Nia líder partidu ka koalizaun boot liuhotu iha Kámara Reprezentante sira nian, kámara kraik Parlamentu federál nian. Senadu maka kámara leten. Iha Senadu, estadu ida-ida iha númeru hanesan de'it senadór sira nian, maibé iha Kámara Reprezentante sira nian, estadu boot liu iha deputadu sira liu duké estadu ki'ik liu.

Estadu no Territóriu sira

Rai-Austrália Austrália federasaun nakfahe iha estadu neen no territóriu rua (Territóriu Kapitál Australianu no Territóriu Tasi-Feto).

Estadu sira	naran Estadu nian iha lia-inglés	Sidade kapitál
Austrália Tasi-Mane	South Australia	Adelaide
Austrália Loromonu	Western Australia	Perth
Nova Galés Súl	New South Wales	Sidni
Queenslanda	Queensland	Brisbane
Tazmánia	Tasmania	Hobart
Vitória	Vitória	Mélburn|

Territóriu sira	Kapitál	Naran Territóriu nian iha lia inglés
Território da Capital da Austrália	Kamberra (Canberra)	Australian Capital Territory
Território do Norte	Darvín (Darwin)	Northern Territory