Trauça

Vilatge d'Occitània

Traussa
Trausse

La torre de Traussa.

Armas

Geografia fisica

Coordenadas

43° 18′ 46″ N, 2° 33′ 44″ E

Superfícia

10,70 km²

Altituds
· Maximala
· Mejana
· Minimala

322 m
150 m
127 m

Geografia politica

País

Lengadòc

Estat

França

Region
76

Occitània (region administrativa)

Lo Naut Menerbés (Peiriac de Menerbés abans 2015)

Intercom
200035715

CA de Carcassona Agló

Cònsol

Jean-François Saïsset
(2020-2026)

Geografia umana

Populacion
Populacion totala
(2018)

595 ab.

Evolucion de la populacion

598 ab.

Densitat

47,01 ab./km²

Autras informacions

Còde postal

11160

Còde INSEE

11396

Trauçan^[1] o Traussan^[2] o Traussa^[3] o regularament Trauça^[4] ['tɾɔwsɔ] (Trausso, Tróusso en grafia mistralenca^[5] Troóuso en grafia de Savartés^[6]; Trausse en francés) es una comuna lengadociana situada dins lo departament d'Aude e la region d'Occitània, ancianament de Lengadòc-Rosselhon.

Los gentilicis son traustés -esa e trauçanel/traussanèl -a^{(grafia de verificar)}. (Traussés/Trausseis -eso e Traussanèl -ello en grafia mistralenca^[5].

Los escais-noms pels abitants son bèca^{(grafia de verificar)} ("enfant", "dròlle" "nèci", del gr. βέχχος, "imbecil", "pegàs") e estustassat -ada ("estabosit", "estupid", de es e tustassat -ada, tusta) (bèco e estustassat -ado en grafia mistralenca)^[7]^[8]^{[N 1]} en rason de lor reputacion de naïvetat^[5].

Geografia

Toponimia

Las atestacions ancianas son : Villa Tesautani en 842; Villa Tecsetani en 843; Villa Trenciani, in pago Narbonensi, in suburbio Ventaionensi en 866; Trencianum en 1142; Trauzanum en 1167; Traucan en 1216; Treussanum en 1231; Traussanum en 1245; Frencianum = Trencianum en 1261; Trausanum en 1262; Traucianum en 1270; Trautianum en 1270; Trausa en 1536; Trausan en 1595; Trausse en 1781; Troóuso en 1912 (prononciacion fornida per Savartés)^[9]^[6], donc ['tɾɔwsɔ].
Tròuça ven del nom latin d'òme Terentius, ambe'l sufixe -anum, ambe reculament d'accent e desnasalizacion [-ns (tonic ?) > -ws] pròpris a l'airal ^[10]. Coma Lòura, lo nom a conegut una subrevolucion (acomodacion entre a e u). La grafia fonologica Tròuça es regulara.

Paulinhan

Paulinhan es mai que mai un castèl [sus una tuca, al nòrd-èst de Tròuça] e un ancian fèu de l'abadiá de Caunas. Las fòrmas ancianas son : Bastida de Ventenago en 1270, Bastida de Ventenac en 1270, Bastida vocata de Ventenaco, sita prope Peyriacum en 1298-99, Labastide de Ventenac en Minervois, en 1416, La Bastide de Bentenac en 1525, La Bastide Paulignan en 1646, Polignan al sègle XVIII, etc. La prononciacion occitana es Paulignà ^[11], dins la grafia de l'abat Antòni Savartés, donc [pawli'ɲa].
Paulinhan a cambiat de nom. Èra Ventenac, coma Ventenac de Cabardés e Ventenac de Menerbés, la proprietat de *Ventinus o Aventinus, ambe'l sufixe -acum^[12]^,^[13]. Le nom actual es identic a Paulinha, mes sense reculament d'accent; es imprudent de supausar un nom latin d'òme Paulinius, ambe'l sufixe -anum; cèrtas, i pòt aver una autra anciana proprietat antica dins la meteissa parròquia o la meteissa comunautat, ambe un càmbiament de caplòc, mes Paulinhan pòt tanben èsser un transferiment de Paulinha, a l'epòca qu'aquel nom aviá gardada (mai o mens !) son accentuacion d'origina.

Istòria

Aquesta seccion es voida, pas pro detalhada o incompleta. Vòstra ajuda es benvenguda !

Administracion

Lista dels cònsols successius
Periòde		Identitat	Etiqueta
2014	(2026)	Jean-François Saïsset	Partit Occitan
març de 2001	2014	Julien Boutet	PCF
junh de 1995	2001	Jean-Claude Fabrié
1985	1995	Lucien Comps	PS
març de 1983	1985	Joseph Torres
març de 1965	1983	Louis Raissiguier
	1965
Totas las donadas non son pas encara conegudas.