Lugaçon

Vilatge d'Occitània

Lugaçon
Lugasson

Lo portau de la glèisa de Sent Martin

Geografia fisica

Coordenadas

44° 45′ 07″ N, 0° 09′ 32″ O

Superfícia

6,32 km²

Altituds
· Maximala
· Mejana
· Minimala

90 m
65 m
17 m

Geografia politica

Guiana Vasadés

França

Lengon

L'Entre Duas Mars (Targon avant 2015)

Intercom
243301298

Comunautat de las Comunas Ruralas de l'Entre Duas Mars

Cònsol

Michel Brun
(2020-2026)

Geografia umana

Populacion
Populacion totala
(2019)

304 ab.

Evolucion de la populacion

311 ab.

Densitat

45,25 ab./km²

Autras informacions

Còde postal

33760

Còde INSEE

33258

Lugaçon (Lugasson en francés) es una comuna deu Vasadés ^[1] istoric, en Guiana, lingüisticament gascona, administrada per lo departament de Gironda de la region de Novèra Aquitània, ancianament d'Aquitània.

Geografia

Perimètre dau territòri

Comunas confrontantas de **Lugaçon**
Bèlafont	Jugasan
Corpiac		Blasimont
Cessac	Frontenac

Toponimia

Las fòrmas ancianas son Lugasso, dens l'Antiquitat (citat per A. Nicolaï, Les Noms de Lieux de la Gironda, 1938, malurosament sense honts), villa de Lugazon, sense data, Cartulari de la Seuva, Claremons de Lugaucent, en 1307-1317 ^[2]. Las atestacions son contradictòrias e dobtoses. L'origina de la prumèira es insegura, la segonda ven d'un cartulari sovent plen d'errors consonanticas o vocalicas, lo vocalisme de la tresena interròga.

Dauzat se demanda se la racina es pas la medisha que per Luganh (Roergue) e Luganh (Tarn), qu'explica per un nom Luca o Lucanus. I auré dus sufixes, -acium e -onem ^[3]. Negre, citat per Bénédicte Boyrie-Fénié, tanben sense certitud, supausa lo nom gallés d'òme Lucotios, emb lo sufixe gallés -onus. Bénédicte Boyrie-Fénié accèpta la proposicion de Negre, emb daus dobtes pr'amor de la fòrma citada per Nicolaï e perqué supausa una dissimilacion per arribar a [lyɣa'suŋ] : *Lucotionem > *Lugotyon(e) > *Lugozon (passatge regular de -ty- a -z-) > *Lugazon > Lugaçon ^[2]. Xavier Delamarre utiliza un teonime (nom de diu) *Lūcatios o *Lūcatis (de *leuk- > louc- > *lūc-); lo nom seré *Lūcatiū, *Lūcationon, emb lo sens de « propietat de *Lūcati(o)s » ^[4].

Istòria

A Ròcafòrt un siti arqueologic combina una allée couverte (« corredor drubèrt »), un oppidum que consèrva de traças de la civilizacion de La Tène (celtica) e de las hortalessas de totas las epòcas. Los Vasates i podèvan survelhar lo territòri daus Biturigues Vivisques, segon l'antropològue Raymond Riquet ^[5]. Lo lòc tresplomba un riu, Engranne (en francés), varianta probabla d'Aiguranda, toponime plaçat au limite entre dus pòbles gallés ^[6], çò que supauseré un emplaçament de l'isoglòssa -nd- > -n- pus au nòrd a data anciana (-randa > -rana). Lo cors d'Engrana (nom supausat) vai dau sud au nòrd, mès la separacion entre las ancianas diocèsis de Vasats e de Bordèu es pus a l'oèst : Ceçac, Corpiac e Romanha son vasadés ^[7]. La geografia eclesiastica representa benlèu pas exactament las frontèiras ancianas o aqueras frontèiras an poscut se desplaçar.

Administracion

Lista daus cònsols successius
Periòde		Identitat	Etiqueta	Qualitat
març 2008	2026	Michel Brun	UMP, LR	agricultor
avant 1981	?	Claude Duprat	divèrs esquèrra
Totas las donadas son pas encara conegudas.

Avant la refòrma cantonala de 2014, aplicada en 2015, la comuna èra dau canton de Targon; es adara dau canton de l'Entre-deux-Mers (en francés), donc de l'Entre Duas Mars.