Las Luèvias e Tomeiragas

Vilatge d'Occitània

Las Luèvias e Tomeiragas
Les Lèves-et-Thoumeyragues

La glèisa de las Luèvias.

Geografia fisica

Coordenadas

44° 47′ 38″ N, 0° 10′ 32″ E

Superfícia

15,58 km²

Altituds
· Maximala
· Mejana
· Minimala

126 m
50 m
30 m

Geografia politica

Guiana

França

Liborna

Jean-Michel Basset
(2020-2026)

Geografia umana

Populacion
Populacion totala
(2019)

555 ab.

Evolucion de la populacion

565 ab.

Densitat

36,01 ab./km²

Autras informacions

Còde postal

33220

Còde INSEE

33242

Las Luèvias^[1] e Tomeiragas (Les Lèves-et-Thoumeyragues en francés) es una comuna d'Occitània, en Agenés ^[2], dins lo domeni del lengadocian brageiragués, administrada per lo departament de Gironda de la region d'Aquitània.

Toponimia

Lo nom del borg donat per Bénédicte Boyrie-Fénié^[3] " Las Lòtjas" correspond pas briga a la fòrma orala atestada dins l'"Atlas linguistique et ethnographique du Languedoc occidental" (A.L.L.O.C)^[4] qu'es léi lèvjyǝ. Pr'aquò, la prononciacion permet pas d'escriure lo nom emb certitud.

Lei es l'article que correspond localament, coma dins las comunas gasconas pus a l'Oèst, a las e los, çò que vòu dire que la fòrma de l'article permet pas de saber son genre; mès, las fòrmas ancianas de 1083 a 1326 (Bénédicte Boyrie-Fénié) son mai que mai en las (Las Lobias, Les Lubies, Lobias, Lobiis, en latin, Las Lubias, Lubiis, en latin), çò que permet de supausar que la fòrma es femenina. L'èssa finala es pas articulada, mès sa preséncia es segura a l'escrit. La comuna coneis pas lo betacisme de las localitats gasconas vesinas, mès coneis la neutralisacion de -a e -e, coma dins tota la Gasconha occidentala, ce que fai qu'es impossible a priori de saber si [ǝ] correspond a un e o un a. Coma la fòrma sembla femenina, una solucion poiriá èstre : Lei Lèvias (puslèu que Lei Lèvies). Pr'aquò, la preséncia anciana de o e de u fai pensar a una diftongason de o en uè (lo diftongue es sovent grafiat u a l'Edat mejana). Donc Las Luèvias es una autra possibilitat, qu'a estat causida pel sit Toponimia occitana. Las Lòtjas es una grafia impossibla.

La contradiccion entre -b- de las atestacions ancianas e -v- actual se pòt explicar se los escribas son gascons. Si l'etime es lo mot germanic laubja, segon B. Boyrie-Fénié que cita Jacques Boisgontier, b intervocalic dona v.

Tomairagas o Tomeiragas ? En Gironda, -ai- pretonic s'afeblís en [ej], escrit ai. Mès tots los -ei- grafics son pas automaticament derivats d'un -ai- etimologic. L'etimologia fornida per Bénédicte Boyrie-Fénié es lo nom d'òme gallés *Talo-maros emb lo sufixe -acas. L'evolucion es *Talomariácas > *Tal(o)maryagas > *Taumayragas > Tomeiragas (evolucion normala -au pretonic > [-ow-], puèi mens atenduda [-u-], evolucion [aj] en [ej]. Quò s'escriu donc ai, donc l'ensemble fai Tomairagas. Curiosament, Bénédicte Boyrie-Fénié escriu Tomeiragas, benlèu pr'amor de fòrmas ancianas coma Tomeragas (1137) e Comeragas (1326)^[3], que poirián far dobtar de son etimologia. Dauzat e Rostaing avián causit *Tumerius, varianta de Tumelius^[5]; çò que fariá escriure Tomeiragas.

Geografia

Istòria

Las Luèvias annèxa Tomeiragas entre 1806 e 1820.

Administracion

Lista deus cònsols successius
Periòde		Identitat	Qualitat
2008	2026	Jean-Michel Basset	viticultor
març de 1989	2008	Claude Capoul	viticultor
març de 1977	1989	Gaëtan Reillat
decembre de 1962	1977	Henri Capoul
junh de 1948	1962	Paul Guionie	(mòrt d'accident)
mai de 1945	1948	Louis Durand
mai de 1908	[1945]]	Albert Villeneuve
març de 1900	1908	Simon Larribet
març de 1896	1900	Albert Duvergier
mai de 1871	1996	Guillaume Faucher
annadas 1868/1869	1871	Faucher
Totas las donadas son pas encara conegudas.

Abans la refòrma cantonala de 2014, aplicada en 2015, la comuna èra deu canton de Senta Fe la Granda; es adara deu canton de Le Réolais et les Bastides (en francés), donc de Lo Reulés e las Bastidas.

Demografia

modificar « persona »
v · d · m

Evolucion demografica
Populacion comunala actuala (2013): 561, totala: 567

1 385

456

440

1 083

1 097

1 035

1 015

959

973

959

974

954

976

961

916

848

861

930

902

906

894

797

754

758

805

804

782

676

669

599

555

503

543

530

534

539
557

2009

2010

544
562

548
565

Fonts

Base Cassini de l'EHESS - Nombre retengut a partir de 1962 : Populacion sens comptes dobles - Sit de l'INSEE

Evolucion de la populacion 1962-2008

La fusion de Las Luèvias emb Tomeiragas (an XI) explica mau las variacions de populacion entre 1793 e 1821. Mès justament ni Sent Andriu ni Apèla ^[6]^,^[7] n'èran recensats en tant que comuna en 1793 e la populacion d'Aineça la meteissa annada ^[8] èra curiosament bassa. Lo site Cassini explica pas tot d'aqueus mistèris. Benlèu qu'en 1793 una bona partida deu territòri d'Aineça èra dins la comuna de Las Luèvias e, coma adara las doás comunas se tòcan pas, una partida de la comuna actuala de Sent Andriu e Apèla i podiá èstre tanben.

Demografia de Tomeiragas