La Sausièra e Sant Joan

Vilatge d'Occitània

La Sausièra e Sant Joan
La Sauzière-Saint-Jean

Armas

Geografia fisica

Coordenadas

43° 58′ 15″ N, 1° 37′ 47″ E

Superfícia

15,82 km²

Altituds
· Maximala
· Mejana
· Minimala

245 m
225 m
138 m

Geografia politica

Lengadòc

França

Albi

Vinhals e Bastidas (Canton de Salvanhac abans 2015)

Intercom
248100414

du Pays Salvagnacois

Cònsol

Francis Pradier
(2014-2020)

Geografia umana

Populacion
Populacion totala
(2018)

264 ab.

Evolucion de la populacion

272 ab.

Densitat

16,25 ab./km²

Autras informacions

Còde postal

81630

Còde INSEE

81279

La Sausièra e Sant Joan^[1]^,^[2]^,^[3]^,^[4] (La Sauzière-Saint-Jean en francés) es una comuna lengadociana en País d'Albi, situada dins lo departament de Tarn e la region d'Occitània, ancianament de Miègjorn-Pirenèus.

Geografia

Perimètre del territòri

Comunas confrontantas de **La Sausièra e Sant Joan**
Montclar de Carcin (Tarn e Garona)	Puègcèlsi
Montdurauça Sent Orsesi (Albigés)		Salvanhac
Montgalhard (Tarn)	Salvanhac

Toponimia

Las Clòtas. Nom d'un ostal que podiá dificilament èsser lo caplòc de la comuna abans 1903. La comuna deviá portar aquel nom pr'amor de l'abondància de las clòtas e de las fonts ^[5], mas en realitat, coma lo nom es atestat al sègle XIII, las Clotas ^[6], èra benlèu un vilatge e una parròquia (remplaçada per la Sausièra bassa, ont i a la glèisa actuala ? una autra parròquia dispareguda ?).
La Sausièra, atestat en 1259, la Sauzeira es un derivat de sause. Es una formacion del segond millenari. Salés, salessa, de *saliceus, *salicea son de fòrmas pus ancianas pel sens de « ensemble de sauses » ^[7]
Sant Joan. La fòrma modèrna es francizada : Sant Jan ^[8]. En general, dels dos sant Joan, es Joan Baptista puslèu que l'Evangelista qu'es onorat dins los noms de glèisa.
(de) Senèspa (nom escrit sus una placa en occitan, grafia classica, que se vei sus la RD 105, al caireforc ambe'l camin de Sant Joan). La finala es rara e se tròba benlèu dins Saint-Genès-Champespe. Ernèst Negre dona pas cap explicacion dins Les Noms de Lieux du Tarn. Es benlèu un nom gallés, basat sus senos, « vièlh, ancian », plan productiu, e una finala en -èspa (indoeuropèu *-eskwa ?)

Istòria

La comuna es formada de las parròquias de Sant Jòrdi (fòrma supausada) de la Sausièra e de Sant Joan de Senèspa ^[9].
Lo nom de la comuna èra Lasclottes, en occitan Las Clòtas, fins al decret del 14 de novembre 1903. En 1903, lo caplòc passèt al vilatjòt de La Sausièra ^[10]^,^[11] (mès ont èra abans ? A la Sausièra Bassa, ont i a la glèisa Sant Jòrdi ? a Sant Joan de Senèspa ? I a un lòc nommat Las Clòtas, mas es pas qu'un ostal sol, a la devesa de Salvanhac ^[12]; i a pr'aquò d'ancians camins que i menan). Es benlèu una marrida interpretacion del site Cassini e lo caplòc cambièt benlèu pas de plaça, quitament se la comuna cambièt de nom.

Administracion

Lista deus cònsols successius
Periòde		Identitat
1995	2020	Francis Pradier
1989	1995	Roger Cecchel
1953	1989	Marcel Audourenq
1900	1953	Adrien Cavaillé
1897	1900	Jules Albenge
1890	1897	Jean Calmettes
1881	1890	Sylvain Albenge
1878	1881	François Rignac
1871	1878	Cyprien Pendariès
1870	1871	Emile Carlus
1862	1870	Alexandre Albenge
1848	1862	Cyprien Pendariès
1848	1848	Alexandre Albenge
1847	1848	François PLANES
	1847
1793	1794	André Galinier
1791	1793	Jean Antoine Labranque
1790	1791	André Galinier ^[13]
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra del canton de Salvanhac; es ara del canton de Vignobles et Bastides (en francés), doncas de Vinhals e Bastidas.