Indiapirol
Indiapirol | |
![]() Indiapirolhann | |
![]() Indiapirolhoe | |
Utbreiing og status | |
Status i verda: ![]() ![]() Utbreiinga av Indiapirol | |
Systematikk | |
Rike: | Dyr Animalia |
Rekkje: | Ryggstrengdyr Chordata |
Underrekkje: | Virveldyr Vertebrata |
Klasse: | Fuglar Aves |
Orden: | Sporvefuglar Passeriformes |
Familie: | Pirolfamilien Oriolidae |
Slekt: | Pirolar Oriolus |
Art: | Indiapirol O. kundoo |
Vitskapleg namn | |
Oriolus kundoo |
Indiapirol (Oriolus kundoo) er ein mellomstor sporvefugl og ein medlem av pirolfamilien som hekkar i Sentral-Asia og Nord-India og overvintrar i India.
Skildring
[endre | endre wikiteksten]Det er lite som skil indiapirol frå arten pirol i Europa og Afrika med omsyn på utsjånad. Dei har begge den gylne gulfarga som er representert hos nær halvparten av dei 29 artane i gruppa Oriolus. Indiapirol har eit lengere mørkt augestrek der pirol berre har ein svart tygel. Kroppslengda er ca. 24–25 centimeter. Hannfuglar har elles kraftig gul fjørdrakt med svarte venger og svart stjert. Hoa er ein langt mindre fargerik fugl med grøn overside, gråleg underside som har mørke strek i lengderetninga. Ungfuglar liknar hoer, men er generelt meir fargelause.
Utbreiingsområdet for hekking strekker seg frå sørlege Kasakhstan og Usbekistan gjennom sentrale Afghanistan til nordlege Pakistan nordlege India og vestlege Nepal. Overvintring skjer i India og på nordlege Sri Lanka. Vanlegvis lever dei under 1800 moh. men kan gå opp til 4400 moh. i Himalaya.
Indiapirolar er knytt til mange variantar av skog, krattskog, parkar, hagar, frukthagar og plantasjar med t.d. mango. Dei beiter einslege, parvis, små grupper eller i fleirartsflokkar på frukt som mango og fiken, nektar og eit breitt utval av virvellause dyr. Lætet er melodiøst som hos pirol, men enda meir komplekst.
Storleiken på populasjonen er ikkje estimert, men trudd å vere bærekraftig trass i at han er minkande. Derfor blir status for arten vurdert som livskraftig (LC) av IUCN.[1]
Kjelder
[endre | endre wikiteksten]- Walther, B. og P. Jones (2020). Indian Golden Oriole (Oriolus kundoo), version 1.0. In Birds of the World (J. del Hoyo, A. Elliott, J. Sargatal, D. A. Christie, og E. de Juana, red). Cornell Lab of Ornithology, Ithaca, NY, USA. https://doi.org/10.2173/bow.ingori1.01
- Referansar
- ↑ BirdLife International (2021) Species factsheet: Oriolus kundoo. Henta frå http://www.birdlife.org den 8. mars 2021