Telbison
Telibison (de l griego tele - lhoinge i de l latin visione - bison) ye un sistema eiletrónico de recepçon de eimaiges i sonido de forma anstantánea. Funciona a partir de la análeze i cumberson de la luç i de l sonido an óndias eiletromagnéticas i de sue recumberson nun apareilho - la telibison - que recibe tamien l mesmo nome de l sistema . La telibison apanha las óndias eiletromagnéticas i atrabeç de ls sous cumponentes anternos las cumbirte outra beç an eimaige i sonido.
Stória de la tecnologie
[eiditar | eiditar código-fuonte]![](http://upload.wikimedia.org/wikipedia/commons/thumb/e/ee/Braun_HF_1.jpg/220px-Braun_HF_1.jpg)
L purmeiro sistema semi-macánico de Telibison analógica fui demunstrado an Febreiro de 1924 an Londres, i, mais tarde, eimaiges an mobimiento an 30 de outubre de 1925. Un sistema eiletrónico cumpleto fui demunstrado por John Lhogie Baird, Philo Farnsworth i Philo Taylor Farnsworth an 1927. L purmeiro serbício analógico fui la WGY an Schenetady, Nuoba Iorque, inaugurado an 11 de maio de 1928.
Ls purmeiros apareilhos de Telibison éran rádios cun un çpositibo que cunsistie nun tubo de néon cun un disco giratório macánico (disco de Nipkow) que porduzie ua eimaige burmeilha de l tamanho dun selo postal. L purmeiro serbício de alta definiçon apareciu na Almanha an márcio de 1935, mas staba çponible solo an 22 salas públicas. Ua de las purmeiras grandes trasmissones de Telibison fui la de ls Jogos Oulímpicos de Berlin de 1936. La outelizaçon de la Telibison oumentou muito depuis de la Segunda Guerra Mundial debido als abanços tecnológicos que aparecírun culas necidades de la guerra i a la renda adicional çponible (telibisores na década de 1930 custában l eiquibalente a 7000 dólares atuales (2001) i habie pouca porgramaçon çponible).
![](http://upload.wikimedia.org/wikipedia/commons/thumb/b/b9/1950%27s_television.jpg/220px-1950%27s_television.jpg)
La Telibison a quelores apareciu an 1954, na rede norte-amaricana NBC. Un anho antes l goberno de l Stados Ounidos de la América aprobou l sistema de trasmisson an quelores perpuosto pula rede CBS, mas quando la RCA apersentou un nuobo sistema que nun eisigie altaraçones ne ls apareilhos antigos an preto i branco, la CBS abandonou sue perpuosta an fabor de la nuoba.
Ne l Brasil, la purmeira transmisson de Telibison dou-se por cunta de l lheopoldinense Olavo Bastos Freire, que custruiu ls eiquipamientos neçairos i trasmitiu un jogo de bola an 28 de setembre de 1948, na cidade de Juiç de Fura, Minas Gerales.
Tipos de telebisores
[eiditar | eiditar código-fuonte]La Telibison an sue forma oureginal i até hoije mais popular, ambolbe la transmisson de sonido i eimaiges an mobimiento por óndias de radiofrequéncia (RF), que son apanhadas por un recetor (l telebisor). Neste sentido, ye ua stenson de l rádio.
Tenendo ampeço na década de 1920, la Telibison moderna se debide an trés tendéncias çtintas:
- Apareilhos de Telibisones.
- Sistemas antegrados cun apareilhos de DBD i/ó bídeo-jogos muntados na própia telibison (giralmente modelos mais pequeinhos cun telas até 17 polegadas, pus la eideia ye tener un sistema portátele cumpleto);
- Sistemas andependientes cun monitor grande (monitor de bídeo, rádio, sistema de sonido) pa l outelizador muntar las peças cumo un home theater. Este sistema antressa als bideófilos i cinéfilos que prefíren cumponentes que puoden ser trocados a la parte.
Hai bários tipos de monitores ó ecranas de bídeo ousados an eiquipamentos de Telibison modernos. L mais quemun son ls CRTs para até 40 polegadas diagonales. A maior parte de las Telibisones de tela grande ó ecrana grande (até mais de 100 polegadas) usa tecnologie de projeçon. Trés tipos de sistemas de projeçon son ousados an Telibison : Tubos de centeilhas catódicos (CRT), LCD (cristal lhíquido) i circuitos antegrados (chips ) de eimaige refletida. Abanços recentes trouxírun telas prainas ó ecranas prainos als telebisores que usan tecnologie de cristal lhíquido LCD de matriç atiba ó çplays' ' de plasma. Telibisones de monitor grande i praino ténen solo 4 polegadas de spessura i puoden ser pendurados na parede cumo un quadro. Eilhes son mui atraentes i eiquenomízan spácio, mas inda son mui caros.
Nuobas tecnologies stan a aparecer, alguas deilhas son:
- Pixel Plus, de la Philips (Oumenta l númaro de pixels ne l monitor.)
- Touch of Color, de la Samsung (Bordas queloridas para ambolber.)
- Invilight, de la Philips (Bumbilhas atrás de la Telibison que oumenta l campo de bison de la tela.)
- Invisible Screen, de la Lumines (TB an que l monitor solo aparece depuis de lhigada.)
- Design Collection, de la Philips (Acabamiento an acrílico nas bordas.)
- Touch Anterface, de la Lhumines (TV cun todas las partes sensibles al toque.)
Teledifuson
[eiditar | eiditar código-fuonte]Hai bários tipos de sistemas de teledifuson:
- Telibison terrestre
- Sistemas de trasmisson de l sonido
- NICAM, MTS
- Bia satélite ousando senhal degital ó senhal analógico.
- TB a cabo
- Hai tanto l sistema analógico quanto l degital.
- Nuobas tecnologies: Telibison degital (DTB) -- Telibison de Alta Definiçon (HDTB) -- Pay-per-view -- Web TV -- porgramaçon sob ancomenda.
La porgramaçon ye la transmisson nas staçones de Telibison (por bezes chamada de canhales) que son frequentemente dirigidos a ua determinada audiéncia. Hai muitas amboras, çporto (sportes), staçones de filmes i staçones tales cumo las cadeias de la MTB, de la CNN i de la BBC que son bistas por dibersos paíçs.
Ne ls Stados Ounidos de la América, las redes de Telibison pordúzen porgramas primetime (horário nobre) pa sues eimissoras própias ó afeliadas beiculáren antre 19:00 i 23:00. Fuora de l horário nobre, la maior parte de las eimissoras ténen sue porgramaçon de porduçon própia.
Géneros telbisibos
[eiditar | eiditar código-fuonte]- Porgramas de cumbersa (talk-shows)
- Telejornal
- Porgramas seriados
- Telenobelas
- Çporto
- Debates
- Decumentários
- Zeinhos animados
- Filmes
- Adulto
- Reality-shows