Televisy

Een winkel wår tv's in de verkoup stån

Een family dee tv an et kyken is

Televisy (afekorted: tv, grünnegs: wydkyker) is een telekommunikatysysteem vöär et versenden van beweagende bealden en gelüüd oaver afstand. Televisy kwam an et ende van de jåren dertig upsetten, en hevt syn eigen sindsdyn untwikkeld tot een massamedium dat miljarden mensken bereikt.

In de beginjåren was der allinnig swart-wittelevisy, eyrst later, ende jåren sestig, kwam de klörentelevisy upsetten. Nå de klörentelevisy hevt de untwikkeling sich döäresetted in digitale televisy, HD, Ultra HD, 3D, ens. In de jåren söäventig kwammen lykegood videorekorders en later, digitale systemen, wårunder dvd-rekorders.

Name

Et woord televisy kümt van et grykske woord tele (τῆλε) wat veare beteykent, en et latynske woord vision wat sicht beteykent, letterlik düs: veare kyken. In et düütsk en däänsk/noorsk wordt tv-kyken dan ouk upeynvolgend fernsehen en fjernsyn enöömd. Et apparåt selv wordt in de sassiske dialekten ouk wel een kykkaste enöömd.

Verbod up tv-kyken

In summige godsdeenstige ströymingen mag der geen tv-ekeaken worden, of wordt der anbevöälen der vöärsichtig med ümme te gån, een vöärbeald hyrvan is de Gereformeerde Gemeynden, de Amisj, en in charedisk joudendom, en in et ortodoks jodendom mag oaver et algemeyn up de sabbat mag geen tv bedeend worden.

Untvangstmöägelikheyden

Der bint verskeidene möägelikheyden üm televisy te künnen untvangen:

• Via kabeltelevisy
• Digitaal via de eter (digitenne of DVB)
• Via satellyt (skottelantenne)
• Via een breydbandinternetverbinding (ADSL of kabelinternet)
• Via glasveasel

Neadersassisk

• Algemeyn:
  • televisy
  • kykkaste
• Tweants:
  • duvelskästjen (Ryssen, vroger seriöös bedoold döär de gereformeerden, rechtevoord een betten lacherig)
  • dunderkiste
  • knipperkiste

Üütgånde verwysingen

Commons: Televisy - plaatjes, filmkes en/of gelüüdsbestanden.

Dit artikel is eskreaven in et oustveluwske dialekt van Üne, in de Nysassiske Skryvwyse.