Франция Ұлттық футбол құрамасы
Франция Ұлттық футбол құрамасы | |||
Логотип | |||
Лақап аты |
Көктер, Үштүстілер | ||
---|---|---|---|
Конфедерация | |||
Федерация | |||
Бас бапкері | |||
Капитаны | |||
Ең көп ойын саны |
Лилиан Тюрам (142) | ||
Үздік бомбардир |
Тьерри Анри (51) | ||
Үй стадионы | |||
ФИФА рейтингі |
2 (18.07.2024) | ||
ФИФА коды |
FRA | ||
Формасы | |||
| |||
| |||
Қатысу |
14 (бірінші 1930) | ||
Жетістіктері | |||
Футболдан Еуропа чемпионаты | |||
Қатысу |
7 (бірінші 1960) | ||
Жетістіктері | |||
Футболдан Франция ұлттық құрамасы — (фр. Les Tricolores)[1] барлық халықаралық турнирлер мен матчтарды Франция мүддесін өкілдік ететін ұлттық құрама. Франция футбол федерациясымен басқарылады. 1904 жылдан бері ФИФА мүшесі, 1954 бері УЕФА мүшесі. Француздар осы екі ұйымның негізін салушылардың ішінде болды.[2]
Тарихы
[өңдеу | қайнарын өңдеу]Футболдан әлем және Еуропа чемпионатының дамуына ең әуелі француздар елеулі үлес қосты. Жюль Риме әлем чемпионатының өткізілуне барын салып, 1930 жылғы турнирді ұйымдастырса, тағы бір тарихи тұлға Анри Делоне елуінші жылдардың ортасында еуропалық турнирдің өмірге келуіне көп әрекет жасады.
Ал ұлттық құраманың өзі 1930 жылғы алғашқы бәсекеге қатысқан 13 құраманың бірі ғана емес, тұңғыш ойында алаңға шықты, оған қоса алғашқы голды осы құраманың өкілі соқты. Ол 1930 жылы 13 шілдеде Монтевидеодағы "Поситос" стадионында Мексиканың қақпасын дәл көздеген Люсьен Лоран болатын. Бұл матчта Франция құрамасы 4:1 есебімен жеңіске жетті. Бірақ кейінгі екі ойында ұтылып қалды да, жартылай финалға шыға алмады.
Жалпы, екінші дүниежүзілік соғысқа дейін құрама оншалық жарқыраған жоқ. 50-жылдардың екінші жартысында Раймон Копа, Жюст Фонтен секілді футболшылар аренаға шыққан соң мықты ұжымдардың біріне айналды. 1958 жылғы чемпионатта Фонтен 13 гол соғып, әлемдік рекорд жасады. Құрама турнирде қола жүлдені иемденді. Арада екі жыл өткен соң Еуропа чемпионатында да қола жүлдегер атанды.
Осы табыстардан соң сексенінші жылдарға дейін құрама көлеңкеде қалды. Мишел Платини, Жан Тигана, Жан Фернандес, Ален Жиресс секілді футбошылармен күшейтіліп, 1984 жылы Еуропа чемпионы атанды. Оған дейін де 1982 жылы керемет ойын көрсетіп, жартылай финалға жеткен болатын. 1986 жылғы әлем чемпионатында қола жүлдегер атанды.
Франция құрамасының үшінші дәуірі ғасыр соңына қарай Зинедин Зидан, Тьерри Анри, Марсель Десайи, Робер Пирес, Лилиан Тюрам секілді футболшылар жетілген соң басталды. ӘЧ-1998, ЕУРО-2000, Конфедерациялар кубогы-2001, 2003 турнирлерінде топ жарды. Бұл буынның соңғы талпынысы 2006 жылғы әлем чемпионаты болды. Бұл турнирде финалда тек Италиядан пенальтилер арқылы ғана сүрінді.
Қазіргі таңда құрамада мықты футболшылар аз емес. Оған 2016 жылғы Еуропа чемпионатындағы тамаша ойыны дәлел бола алады. Турнир бойы жақсы ойын көрсеткен құрама тек финалда қосымша уақытта Португалиядан сүрінді - 0:1.
2018 жылғы әлем біріншігінде Франция құрамасы чемпион атанды. 1/8 финалда Аргентинаны 4:3, Ширек финалда Уругвайды 2:0, жартылай финалда Бельгияны 1:0, финалда Хорватияны 4:2 есептерімен ұтып, арада 20 жыл өткен соң әлем чемпионатында екінші рет топ жарды.
Әлем чемпионаттарындағы мергендер
[өңдеу | қайнарын өңдеу]![](http://upload.wikimedia.org/wikipedia/commons/thumb/3/32/Thierry_Henry_Manchester_United_vs_MLS_All_Stars_%28cropped%29.jpg/220px-Thierry_Henry_Manchester_United_vs_MLS_All_Stars_%28cropped%29.jpg)
![](http://upload.wikimedia.org/wikipedia/commons/thumb/f/f0/Michel_Platini_in_Wroclaw_by_Klearchos_Kapoutsis_tight_crop.jpg/220px-Michel_Platini_in_Wroclaw_by_Klearchos_Kapoutsis_tight_crop.jpg)
![](http://upload.wikimedia.org/wikipedia/commons/thumb/7/7c/Zidane_Zizu.jpg/220px-Zidane_Zizu.jpg)
Жетістіктер
[өңдеу | қайнарын өңдеу]- Әлем чемпионы 1998, 2018
- Еуропа чемпионы 1984, 2000
- Әлемнің күміс жүлдегері 2006
- Еуропаның күміс жүлдегері 2016
- Әлемнің қола жүлдегері 1958
- Еуропаның қола жүлдегері 1966
- Конфедерациялар кубогының жеңімпазы 2001, 2003
- Олимпиада чемпионы 1984
Дереккөздер
[өңдеу | қайнарын өңдеу]- ↑ Франция (rus). UEFA. Басты дереккөзінен мұрағатталған 2 маусым 2012.
- ↑ Статистика матча (фран.). FFF.
Сiлтемелер
[өңдеу | қайнарын өңдеу]- FFF ресми сайты (фран.)
|
|
|
|