Wikipedia iss en Uffguckbichli mit iwwer zwee hunnert fuffzich Schprooche. Des deitsch Wikipedeli hot sei Schterdt in 2005 grickt unn sidder 2006 sinn mir an pdc.wikipedia.org. Alleweil henn mir 2.010 Ardickele in die Schprooch. Alli-ebber kann schreiwe unn helfe.
Mer schwetze noch die Mudderschprooch Des Wikipedelche do iss en Project fer en Uffguckbichli uffbaue in Pennsilfaanisch Deitsch. Du bischt eiglaade fer mithelfe. Sidder em Tschulei 2005 sinn mir do, unn nau henn mir 2.010 Ardickele in dem do deitsche Uffguckbichli.
Alliebber – even yeder Leser – kann ennich Ardickele verbessere, Mischteeks tscheensche, Ardickele vergreesere, odder Ardickele schenner mache. Kannscht yuscht rum gucke aa. Du kannscht even Ardickele nooch Category uffgucke. Awwer wann du witt, kannscht schreiwe en bissel, odder schreiwe viel. Yeder Ardickel hot en "Gschwetz" wo du some Comments gewwe kannscht.
Der Ewich Yeeger iss en geischtiches Wese, wu uff em Blobarrickgrat im Pennsilfaani wuhnt. Es gebt zwee deitliche Iwwerlieferinge um Ewicher Yeeger. Die aerscht, wu weitverbreit iss, haldet, as er en lufdicher Geischt iss. Zwetti haldet, as er en Verschpreche erfille muss. Im Urglaawe watt er sich wie en Zieb bsunne.
Was fer Ardickel tschuuse fer de neegscht Munet?Was denkscht?
Wadde-Scheier
Do in die Wadde-Scheier finnt mer all die Wadde versammelt, ass mer vielleicht schunt kennt. Mer kann awwer aa deel annre Wadde finne, ass mer vielleicht schunt vergesse hatt, odder wu net glei eifalle welle, odder aa neie un nitzliche Wadde, ass mer vielleicht nie net gheert hat.
Zum Beischpiel, kammer's Watt "Amschel" net unnich "A" finne, sunner unnich der Rubrick "Veggle" - un die Rubrick "Veggle" in der Rubrick "Diere" - un die Diere, die finnt mer nadierlich in die "Naduur".
Pennsilfaanisch Deitsch
Pennsilfaanisch Deitsch, ass aa Pennsylvania German, Pennsylvania Dutch odder Pennsilfaanisch genennt watt, iss en Schprooch, wu g'schwetzt watt bei verleicht 300,000 Leit in meh wie 20 Schteets in die USA un in Ontario (Kanadaa). Die meenschte Schwetzer sinn heit Amische un Fuhremennischte, wu deitsch aa heit noch schwetze zu ihre Kinner, awwer's gebt aa en latt Luthrische un Reformierte, wu die Mudderschprooch noch g'schwetzt henn, wie sie en Kind waare.
