Como nun espello

Como nun espello
Ficha técnica
Título orixinal	Såsom i en spegel
Director	Ingmar Bergman
Produtor	Allan Ekelund
Guión	Ingmar Bergman
Intérpretes	Harriet Andersson Gunnar Björnstrand Max von Sydow Lars Passgård
Música	Erik Nordgren Johann Sebastian Bach
Fotografía	Sven Nykvist
Montaxe	Ulla Ryghe
Distribuidora	Janus Films
Estrea	16 de outubro de 1961
Duración	91 minutos
Orixe	Suecia
Na rede

Como nun espello (en sueco: Såsom i en spegel) é un filme dramático sueco de 1961 escrito e dirixido por Ingmar Bergman, coa interpretación de Harriet Andersson, Gunnar Björnstrand, Max von Sydow e Lars Passgård. Foi o primeiro dos moitos filmes que Bergman rodou en Fårö, na costa de Suecia.

O título refírese a unha pasaxe bíblica (1 Corintios, 13: 12 "Igualmente: agora vemos nun espello, escuramente; mais daquela habemos ver cara a cara".), en que ver nun espello se refire á falta de entendemento dos vivos sobre Deus. O título en sueco significa literalmente como nun espello, que é como foi escrita a pasaxe bíblica na tradución sueca da Biblia de 1917.

O filme foi emitido na TVG o 31 de maio de 2008.

Argumento

Catro persoas saen do mar despois de bañarse: David é un escritor viúvo; a súa filla Karin estivo ingresada por tempadas nun hospital por esquizofrenia; Martin, médio, é o marido de Karin; Minus é o irmán de Karin e ten dezasete anos.

Durante a cea David anuncia que volverá decontado a Suíza, de onde acaba de chegar. Os irmáns representan unha obra que escribiu Minus, que trata dun escritor que só pode experimentar cando escribe sobre ese tema.

Elenco

• Harriet Andersson como Karin
• Gunnar Björnstrand como David
• Max von Sydow como Martin
• Lars Passgård como Minus

Estrutura

Bergman estruturou o filme como unha obra de teatro en tres actos, inspirándose nas súas experiencias e relacións persoais.

Véxase tamén

Outros artigos

• Filmes propostos ó mellor filme internacional na 34ª edición dos Óscar
• Filmes de Suecia propostos ó Óscar ó mellor filme internacional