Amphionides reynaudii
| Amphionides reynaudii | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 Larva de Amphionides reynaudii | |||||||||||||||||||
| Clasificación científica | |||||||||||||||||||
| |||||||||||||||||||
| Nome binomial | |||||||||||||||||||
| Amphionides reynaudii (H. Milne-Edwards, 1833) | |||||||||||||||||||
| Sinonimia[1] | |||||||||||||||||||
| |||||||||||||||||||
Amphionides reynaudii é unha especie de crustáceo da clase dos malacostráceos, superorde dos eucáridos, que é o único representante coñecido da orde dos anfionidáceos.
É un pequeno animal plantónico (mide menos de 2,5 cm) que se encontra ao longo dos océanos tropicais de todo o mundo, as larvas principalmente en augas pouco profundas e os adultos a maior profundidade.
Características
[editar | editar a fonte]Amphionides reynaudii crece até unha lonxitude máxima de 25 mm. Desde o punto de vista morfolóxico é un crustáceo bastante infrecuente, con moitas partes do corpo reducidas ou ausentes. Por exemplo, ten soamente un par de pezas bucais, o maxilar; as mandíbulas e maxílulas son vestixiais.[1]
Machos e femias difiren na forma das antenas, e tamén pola presenza nos machos do oitavo par de apéndices torácicos, aínda que nunha forma reducida. Este é o lugar onde está o gonóporo masculino (o gonóporo da femia está no sexto par de apéndices torácicos).[1] O primeiro pleópodo da femia agrándase enormemente e case encerra a ampla casca. Isto presúmese que é para que sexa unha cámara na que os óvulos son fecundados e que permanecen alí até a eclosión.[1] As máis aerodinámicas cascas e pleópodos do macho fan que sexa máis hidrodinámico, e por iso captúranse menos machos que femias.
Distribución e ecoloxía
[editar | editar a fonte]Amphionides reynaudii ten unha área de distribución cosmopolita en todos os océanos tropicais. É un animal plantónico, que habita en augas de menos de 100 m de propfundidade en estado larvario, pero máis frecuentemente a profundidades de 700 a 1 700 m cando é adulto.[1]
Clasificación
[editar | editar a fonte]Orixinalmente descrito a partir das súas larvas, pensouse nun principio que era unha gamba. Non foi até 1969 cando se observou unha forma adulta (que fora descrita por Carl Wilhelm Erich Zimmer en 1904) e só en 1973 foi creada a súa propia orde por Donald I. Williamson.[1]
O epíteto específico, reynaudii, deullo Henri Milne-Edwards en honor dun amigo seu, posibelmente François Dominique de Reynaud, conde de Montlosier.[2] O nome xenérico utilizado por Milne-Edwards, Amphion, foi invalidado por coincidir co xénero Amphion Hübner, 1819, da familia dos Sphingidae.[1]
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 Donald I. Williamson (1973). "Amphionides reynaudii (H. Milne Edwards), representative of a proposed new order of Eucaridan Malacostraca". Crustaceana 25 (1): 35–50. JSTOR 20102008. doi:10.1163/156854073X00470.
- ↑ Hans G. Hansson. "Reynaud". Biographical Etymology of Marine Organism Names. Göteborgs Universitet. Arquivado dende o orixinal o 14 de xuño de 2011. Consultado o 29 de novembro de 2016.
Véxase tamén
[editar | editar a fonte]Bibliografía
[editar | editar a fonte]- Henri Milne-Edwards (1833). "Note sur un nouveau genre de Crustacés de l'ordre des Stomapodes". Annales de la Société Entomologique de France 1: 336–340.
- Poul Heegaard (1969). "Larvae of decapod crustacea. The Amphionidae" (PDF). Dana Report 77: 1–82.
- Türkay, M. (2001): "Decapoda", en: Costello, M. J. et al., eds. European register of marine species: a check-list of the marine species in Europe and a bibliography of guides to their identification. París: Muséum national d'Histoire naturelle. Collection Patrimoines Naturels, 50. ISBN 2-85653-538-0, pp. 284–292.
