Michéle Clarke
| Michéle Clarke | |
 Clarke in Mei 2019 | |
Skaduminister van Gesondheid
| |
| Ampsbekleër | |
| Termynaanvang 22 Februarie 2022 | |
| Vise | Lindy Wilson |
|---|---|
| Leier | John Steenhuisen |
| Voorafgegaan deur | Siviwe Gwarube |
Skadu-adjunkminister van Openbare Ondernemings
| |
| Ampstermyn 5 Desember 2020 – 22 Februarie 2022 | |
| Leier | John Steenhuisen |
| Voorafgegaan deur | Erik Marais |
| Opgevolg deur | Farhat Essack |
Skadu-adjunkminister van Staatsdiens en Administrasie
| |
| Ampstermyn 5 Junie 2019 – 5 Desember 2020 | |
| Leier | Mmusi Maimane John Steenhuisen |
| Opgevolg deur | Mimmy Gondwe |
Lid van die Nasionale Vergadering van Suid-Afrika
| |
| Ampsbekleër | |
| Termynaanvang 22 Mei 2019 | |
Lid van die Gauteng provinsiale wetgewer
| |
| Ampstermyn 21 Mei 2014 – 7 Mei 2019 | |
Persoonlike besonderhede
| |
| Gebore | 15 Julie 1963 Hillbrow, Johannesburg, Transvaal, Suid-Afrika |
| Politieke party | Demokratiese Alliansie |
| Ouers | 2 |
Michéle Odette Clarke (gebore 15 Julie 1963) is 'n Suid-Afrikaanse politikus wat sedert Mei 2019 'n lid van die Nasionale Vergadering van Suid-Afrika is, waar sy die Demokratiese Alliansie verteenwoordig. Sy is tans die DA se skaduminister van gesondheid. Clarke was vanaf 2004 tot 2014 'n raadslid van die Ekurhuleni Metropolitaanse Munisipaliteit en daarna vanaf 2014 tot 2019 'n lid van die Gauteng provinsiale wetgewer.
Politieke loopbaan
[wysig | wysig bron]Clarke het in 1997 by die Demokratiese Party, die Demokratiese Alliansie se voorgangerparty, aangesluit en tot 2000 as die voorsitter van die party se tak in Bedfordview gedien.[1] Sy het in 2000 by die nuutgestigte DA aangesluit. Sy was die DA-kandidaat in 'n tussenverkiesing in Bedfordview in die Ekurhuleni Metropolitaanse Munisipaliteit in 2004. Sy het die tussenverkiesing gewen en is daarna in 2006 en 2011 as 'n raadslid herverkies.[2][1] Clarke het as 'n sweep en as die adjunk-hoofsweep van die DA-koukus in die metro gedien.[1]
Clarke is in die algemene verkiesing van 7 Mei 2014 tot die Gauteng provinsiale wetgewer verkies. Sy is daarna op 21 Mei 2014 as 'n wetgewerslid ingehuldig.[1] Sy het op die gemeenskapsveiligheid en onderwys-komitees en was die DA se skadu-LUR vir gemeenskapsveiligheid.[3] Clarke was tussen November 2014 en November 2017 die adjunk-provinsiale voorsitter van die DA in Gauteng.[4][5]
Parlementêre loopbaan
[wysig | wysig bron]Voor die algemene verkiesing van 8 Mei 2019 was sy 12de op die DA se streekslys, 65ste op die party se provinsiale lys en 45ste op die party se nasionale lys geplaas.[3] Clarke is tot die Nasionale Vergadering van Suid-Afrika verkies en sy is op 22 Mei 2019 as 'n parlementslid ingehuldig.[3] Op 5 Junie 2019 het die DA-parlementêre leier, Mmusi Maimane, haar as skadu-adjunkminister van staatsdiens en administrasie aangestel.[6] Sy het op 27 Junie 2019 haar komitee-lidmaatskap ontvang.[3]
Clarke is op 5 Desember 2020 deur nuutverkose DA-leier John Steenhuisen as skadu-adjunkminister van openbare ondernemings aangewys.[7] Op 7 Desember het sy die Portefeuljekomitee oor Staatsdiens en Administrasie, Prestasiemonitering en Evaluering verlaat en 'n lid van die Portefeuljekomitee oor Openbare Ondernemings geword.[3]
Teen Februarie 2022 was Clarke tot skaduminister van gesondheid bevorder. Sy het vir Siviwe Gwarube opgevolg wat die amp moes opgegee het na haar verkiesing as adjunk-hoofsweep van die DA-koukus. Clarke is gekant teen die Wetsontwerp op Nasionale Gesondheidsversekering wat volgens haar "nog 'n SOE" sal wees.[8]
Familielewe
[wysig | wysig bron]Clarke woon met haar man in Germiston. Die egpaar het 'n seun en 'n dogter.[8] Clarke het 'n prokureursertifikaat.[8]
Clarke se suster Tania Campbell is 'n voormalige burgemeester van die Ekurhuleni-munisipaliteit.[8]
Verwysings
[wysig | wysig bron]- ↑ 1,0 1,1 1,2 1,3 de Jager, Ischke (18 November 2014). "DA announces candidates for Provincial Congress". Boksburg Advertiser. Besoek op 19 September 2020.
- ↑ "BY-ELECTIONS 23 Jun 2004 COMPARISON REPORT". Electoral Commission. Besoek op 13 Desember 2020.
- ↑ 3,0 3,1 3,2 3,3 3,4 "Michéle Clarke". People's Assembly. Besoek op 19 September 2020.
- ↑ "Moodey re-elected DA Gauteng head". News24. 23 November 2014. Besoek op 19 September 2020.
- ↑ "John Moodey re-elected DA Gauteng leader". IOL. Johannesburg. 19 November 2017. Besoek op 19 September 2020.
- ↑ Gerber, Jan (5 Junie 2019). "Here's the DA's 'shadow cabinet'". News24. Besoek op 19 September 2020.
- ↑ "DA announces new Shadow Cabinet that will bring Real Hope and Real Change". Democratic Alliance. Besoek op 5 Desember 2020.
- ↑ 8,0 8,1 8,2 8,3 Huisman, Biénne (24 Februarie 2022). "NHI lawmakers: Face to Face with DA MP Michele Clarke". Spotlight (in Engels). Besoek op 18 Januarie 2023.
Eksterne skakels
[wysig | wysig bron]| Hierdie artikel is in sy geheel of gedeeltelik vanuit die Engelse Wikipedia vertaal. |
