Anoebis

Anoebis
Die Egiptiese god Anoebis.
Soort god	Egipties
God van	Die afgestorwenes en balseming
Naam in hiërogliewe
Simbool	Imioet-fetisj, dorsvleël
Ouers	Nephthys en Set (ook Ra of Osiris)
Sibbes	Horus (soms)
Metgesel	Anpoet, soms Isis
Kinders	Kebechet en soms Ammoet
Portaal    Antieke Egipte

Anoebis was die Griekse naam (Ἄνουβις) van ’n god in die Egiptiese mitologie met die kop van ’n jakkals wat verbind is met balseming en die hiernamaals.

Nes ander Egiptiese gode het hy in verskillende kontekste verskillende rolle gehad. Hy is reeds in die 1ste Dinastie (omstreeks 3100-2890 v.C.) as die beskermer van grafte uitgebeeld. Hy het die afgestorwenes se siele geweeg tydens die "Weeg van die Hart"-seremonie om vas te stel of ’n siel die paradys mag binnegaan. Anoebis was ook ’n balsemer. Teen die tyd van die Middelryk (omstreeks 2055-1650 v.C.) is hy deur Osiris vervang in sy rol as god van die onderwêreld.

Hoewel hy een van die gode is wat die meeste genoem en uitgebeeld is, het Anoebis feitlik geen rol in die Egiptiese mites gespeel nie. Hy is donker uitgebeeld, wat verband gehou het met hergeboorte asook die kleur van die liggaam ná balseming. Sy vroulike eweknie is Anpoet en sy dogter is die slanggodin Kebechet.

Galery

• 
  ’n Beeld van Anoebis as ’n jakkals wat lê (uit die grafkelder van Toetankamen).
• 
  ’n Anoebis-masker.
• 
  ’n Aanbidder kniel voor die god (Walters-kunsmuseum).

Eksterne skakels

• Anubis – Archaeowiki.org Geargiveer 22 Mei 2008 op Wayback Machine

• Wikimedia Commons het meer media in die kategorie Anoebis.
• Hierdie artikel is vertaal uit die Engelse Wikipedia