南昌站 (香港)
![]() 南昌站4號月台(2021年6月) | |
站名 | |
中文名 | 南昌站 |
英文名 | Nam Cheong Station |
站代碼 | NAC |
基本資訊 | |
座標 | 22°19′36″N 114°09′12″E / 22.326781°N 114.153325°E |
車站色 | 蛋黃色/白色 |
途經路線 | 屯馬綫 |
站服務時間 | 0551-0115 尾班車時間 |
接駁交通 | 巴士、小巴 |
車站結構 | |
站類 | 地面 |
月台類 | 1島式月台 2側式月台 |
月台數 | 4 |
出口數 | 5 |
其它設施 | 其它無障礙設施 |
地圖 | |
![]() |
![](http://upload.wikimedia.org/wikipedia/commons/thumb/7/72/Nam_Cheong_Station_Interchange_access_2017.jpg/250px-Nam_Cheong_Station_Interchange_access_2017.jpg)
個站喺地鐵同九鐵合併前係佢哋唯一夾份用嘅站;由九廣鐵路負責土木工程,地鐵負責機電工程。
南昌站嘅路軌同月台喺地面但唔通出去;大堂就喺地底;有4個側式月台,全部有幕門。機場快綫就喺中間穿過。
站名
[編輯]南昌站喺早期規劃嗰時係叫欽州街站(英文:Yen Chow Street Station)[1]。
後來九廣鐵路公司喺九廣西鐵建造期間搞公開命名比賽(但當九鐵揭曉賽果時突然變咗做『站名競猜比賽』),最終「南昌站」被選為正式車站名。站名源自車站附近嘅南昌邨同南昌街[2][3],之但係最近本站嘅屋邨其實係富昌邨。
車站結構
[編輯]車站樓層
[編輯]1 一樓 |
- | 消防及職員專用區域(唔開放) |
G 地面 |
出 | 出口、公共運輸交匯處 |
P 月台 (地面) |
||
![]() |
往東涌 | |
路軌 | ||
- | 機場快綫路軌 | |
路軌 | ||
![]() |
往香港 | |
島式月台,左邊嘅車門將會打開 | ||
![]() |
往屯門 | |
路軌 | ||
路軌 | ||
![]() |
往烏溪沙 | |
C 大堂 | ||
大堂 | 客務中心、車站商店、洗手間 | |
自動售賣機、自動櫃員機 |
車站大堂
[編輯]南昌站車站大堂嘅收費區內設有車站商店及洗手間。
車站月台
[編輯]車站出口
[編輯]南昌站喺西九龍填海區內、西九龍公路架空路段下面,隔離係深旺道、欽州街西同埋東京街西。呢度原本係深水埗碼頭,因鄰近公共屋邨南昌邨而得名,但最近呢個站嘅公共屋邨係富昌邨。
鄰接車站
[編輯]屯馬綫 | ||
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 |
東涌綫 | ||
香港 - 九龍 - 奧運 - 南昌 - 荔景 - 青衣 - 欣澳 - 東涌 |
車站周邊
[編輯]![](http://upload.wikimedia.org/wikipedia/commons/thumb/b/b2/Nam_Cheong_Station_Exit_A1_202101.jpg/250px-Nam_Cheong_Station_Exit_A1_202101.jpg)
![](http://upload.wikimedia.org/wikipedia/commons/thumb/7/7e/Nam_Cheong_Station_Tuen_Ma_Line_platforms_2021_06_part2.jpg/250px-Nam_Cheong_Station_Tuen_Ma_Line_platforms_2021_06_part2.jpg)
![](http://upload.wikimedia.org/wikipedia/commons/thumb/6/6a/Nam_Cheong_Station.jpg/250px-Nam_Cheong_Station.jpg)
![](http://upload.wikimedia.org/wikipedia/commons/thumb/4/4f/Nam_Cheong_Station_Tung_Chung_Line_platforms_2021_06_part4.jpg/250px-Nam_Cheong_Station_Tung_Chung_Line_platforms_2021_06_part4.jpg)
接駁交通
[編輯]- 九巴:
- 城巴:
- 過海隧道巴士:
- 九龍專線小巴:
利用狀況
[編輯]由於呢個站嘅位置偏離原有已發展地帶,而鄰近嘅大多係住宅區,所以自開幕以來都倚靠接駁交通前往各區。雖然呢個站以前設有免費接駁巴士K16號前往尖沙咀,但西鐵綫車費好乸利,好少乘客使用南昌站轉車,搞到初期人流好少。
之後九廣鐵路推出西鐵節日通(西鐵自悠通)同埋西鐵全月通等平過巴士嘅車飛,吸引乘客搭西鐵。喺2004年8月22號開始,新巴路線701同埋702同西鐵提供免費轉乘優惠,由於701及702線巴士分別直達旺角同深水埗市中心,因此能夠吸引乘客改用西鐵經本站出入市區,使本站人流大幅上升。不過呢個轉乘優惠已經喺2007年12月1號起取消。
適用喺西鐵綫自悠通嘅新巴路線轉乘優惠先喺2007年1月1號取消;兩鐵合併後,港鐵公司維持月票同埋日票計劃,但月票喺2007年12月1號開始取消新巴路線轉乘優惠,再加上港鐵喺2008年9月28號將本站、美孚、九龍塘站嘅收費區統一,去九龍市區嘅乘客改經美孚站轉車,本站人流稍為回落。2009年九龍南綫通車後,東涌綫乘客可以轉西鐵綫出尖沙咀同紅磡,經本站轉車嘅乘客有所回升。
喺V Walk同附近物業入伙之後,本站嘅使用量都增加咗好多。
車站歷史
[編輯]南昌站於2000年10月5號動工,由九廣鐵路公司起,車站嘅土木工程(建築工程)由九廣鐵路負責,而機電工程就由地鐵負責。
南昌站喺2003年12月16號配合九廣西鐵試搭日而率先試用,並喺2003年12月20號九廣西鐵全線通車時正式啟用。車站啟用初期由九廣鐵路同埋地鐵共同營運。
由於車站係首個九廣鐵路同地鐵共用嘅鐵路車站,為咗方便乘客由九廣西鐵轉東涌綫前往香港島同大嶼山,因此車站售票同轉乘設施都同其他兩鐵轉車站唔同。南昌站中間有幾部轉車閘機同埋牆(2008年拆咗),用嚟分隔兩鐵嘅管理範圍。而持有八達通乘客可以於轉車閘機直接往返兩間公司嘅收費區,唔使自其中一個收費區出閘然後再入閘。
- 兩鐵合併
2007年12月2號,由於兩鐵合併,南昌站統一由港鐵管理,九廣西鐵改名為西鐵綫。由當日起,乘客用八達通轉綫,可減收轉車錢。
港鐵公司為咗統一形象,喺兩鐵合併前後喺西鐵綫範圍內更改有關指示牌同埋清走「九廣鐵路」字眼。
隨住兩鐵合併,港鐵喺2008年9月28號簡化咗西鐵綫同東涌綫之間嘅轉乘設施,包括拆除南昌站大堂嘅轉車閘機,同埋鑿開1號及4號月台間之間嘅牆,加設轉車通道畀東涌綫乘客橫過對面月台轉西鐵綫,但實際上好少人噉樣轉車。
早喺兩鐵合併之前,當時嘅地鐵公司曾經研究將西鐵綫上下行行車方向對調[4]。如果成事,來自新界嘅西鐵綫乘客就可以行過對面月台轉搭東涌綫過海,相反東涌綫乘客又可以行過對面搭西鐵綫去廣東道、尖東同紅磡一帶。但將上下行月台方向對調唔係話調就調,更涉及到改動成條西鐵綫嘅信號系統,結果呢個構想最終冇實行到,來自新界嘅西鐵綫乘客搭東涌綫過海,始終都係要兜路落大堂再上返東涌綫往香港方向嘅月台,未能享受跨月台轉乘之便。
- 九龍南綫
2009年8月16號,九龍南綫通車,西鐵綫延長去紅磡站,南昌站改做西鐵綫中途站。
- 沙田至中環綫
2021年6月27號,屯馬綫全綫通車,西鐵綫併入屯馬綫,南昌站變成屯馬綫中途站。
上一站‧下一站
[編輯]上一站 | 港鐵 | 下一站 | ||
---|---|---|---|---|
往香港
|
東涌綫 | 往東涌
|
||
往屯門
|
屯馬綫 | 往烏溪沙
|
列車班次
[編輯]月台 | 方向 | 列車班次(分鐘) | 頭班車 | 尾班車 | |||||
---|---|---|---|---|---|---|---|---|---|
平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
![]() |
|||||||||
![]() |
|||||||||
![]() |
|||||||||
![]() |
註
[編輯]- ↑ 立法會財務委員會工務小組委員會討論文件,1999年5月12號
- ↑ 〈獅子山下隱世史南昌街有個陳南昌〉. 《蘋果日報(香港)》. 2006-11-03. 原著喺2020-06-01歸檔. 喺2020-06-01搵到.
- ↑ 〈唔抵得錯 考證求真〉. 《明報》. 2012-06-03. 歸檔時間2012-06-07. 喺2020-06-01搵到.
{{cite web}}
: CS1 maint: bot: original URL status unknown (link) - ↑ 〈蘋果日報:乘客轉車毋須再騰上騰落 南昌站將拆柏林圍牆〉. 原著喺2020年5月26號歸檔. 喺2020年5月16號搵到.