Taum
![](http://upload.wikimedia.org/wikipedia/commons/thumb/2/23/Helium_atom_QM.svg/300px-Helium_atom_QM.svg.png)
Taum binon stabäd smalikün stöfa kopik löminas kiemavik. Solidot, flumot, vap ed el plasma aliks binädons me taums neudik u yionik. Taums binon susdaluskopiks labü diamet zao mö telyimmets 100. Taums binons so smaliks, das bitikam onsik no kanon pabüosagön medü füsüd klatädik. Teor taumik nutimik gebon prinsipis kvantik, ad kleilükön e büosagön biti at.
Taum alik binädon me kered, e bal u mödikums leäktronas. Kered binädon me proton bal u plu e nötrons. Te pated komunikün hidrina no labon nötronis. Plu 99.94% masata taumik binädon me kered. Protons labons lektinafledüli positik, du leäktrons labons lektinafledüli negatik. If num protonas e num leäktronas binons leigik, täno taum binon neudik. If taum labon leäktronis mödikum u nemödikumis ka protonis, täno labon fledüli positik u negatik, e panemon yion.