AC/DC

AC/DC is een Australische hardrockgroep, ol noemn ze't zeve wel rock 'n roll. Under noame is d' Ingelse ofkortinge vo wisselspanninge/gelykspanninge.

Geschiedenisse

AC/DC is in 1973 upgericht in Sydney deur Malcolm Young. Da's ne gitarist, uut e muzikale emigrantnfamilie uut Schotland. D'n êestn bekendn zanger van de groep wos Bon Scott. AC/DC ad in eigen land rechtuut vele succes.

Leedn

De groep bestoat uut zanger Brian Johnson (sedert 1980, achter de dôod va Bon Scott), de broers Angus en Malcolm Young (gitaar), Phil Rudd (drums) en Clyff Williams (basgitaar). Zyder weunn nu een heel ende uut mekoar. Johnson e Williams weun in Amerika, Angus in Olland (en is etrouwd met een Ollansche), Malcolm in Iengeland, Rudd in Nieuw-Zêeland.

De noame en de controversje

De name AC/DC, die stoat vôor Alternating Current/Direct Current (wisselstroom/gelykstroom), eet de zuster van Angus en Malcolm (Margaret) bepeisd. Z'ad da geleezn up een elektrisch toestel. Sommige religieuze figuurn en AC/DC probeern te koppeln an satanisme (AC/DC = Anti-Christ/ Devil's Child(ren), of oek nog After Christ/Devil Comes of Anti Christ/Death to Christ). Mor de groep eèt gezeid da 't ol gin woar is en da 't up undr systêem werkt wuk da zyder zeggn.

Discografie

Bekendste nummers

• Whole Lotta Rosie (1977)
• Highway to Hell (1979)
• Thunderstruck (1990)

Studioploatn

• High Voltage (Aus.) (1975)
• T.N.T. (1975)
• High Voltage (1976)
• Dirty Deeds Done Dirt Cheap (Aus.) (1976)
• Dirty Deeds Done Dirt Cheap (1976)
• Let There Be Rock (Aus.) (1977)
• Let There Be Rock (1977)
• Powerage (1978)
• Highway to Hell (1979)
• Back in Black (1980)
• For Those About to Rock We Salute You (1981)
• Flick of the Switch (1983)
• Fly on the Wall (1985)
• Blow Up Your Video (1988)
• The Razors Edge (1990)
• Ballbreaker (1995)
• Stiff Upper Lip (2000)
• Black Ice (2008)
• Rock Or Bust (2014)
• Power Up (2020)

Gimmicks

• Angus Young lopt op 't podium ossan round in e schoolkostuumtje. E doet nu en toen ouk de duckwalk, e dansje da Chuck Berry uutgevoen et.
• Brian Johnson droagt ossan e klaksje op zyn oofd.
• By Whole Lotta Rosie (dat over en oure goat), bloazn ze e kweetnie oe grôte pup'up (me nie ol te vele klêers an).
• Nunder uptreens endigen ossan me For Those About To Rock (We Salute You). 't Stoan toene kanongs up 't podium, die vele leevn moakn, ider kêe da Brian Johnson Fire roept.

In Belgje

• 'n Latste kêe dan ze in Belgje espeeld en (in Flanders Expo in Gent in 2000), is er êen van nunder faans van e tribune evolln en ne wos me zyn oar.
• Z'en ouk ol êentige kêers in West-Vloandern espeeld. In 1977 deen z'uptreens in Poperienge, Erdryke en Oarelbeke. In 1978 wos 't in Kookloare te doen.

Gallery

• 
• 
• 
• 

Externe koppelienge

• Officieeln website